ဟဒီးဆ်: သင်လောကီနှင့်ပတ်သတ်၍ မက်မောတပ်မက်စိတ်ကို စွန့်လွှတ်ပါက အလ္လာဟ်အရှင်မြတ်က သင့်အား ချစ်မြတ်နိုးတော်မူမည်။ လူတို့ထံ ရှိသောအရာများ (ဂုဏ်၊ စည်းစိမ်၊ ချီးမွမ်းမှု) ကို မက်မောတပ်မက်စိတ်ကို စွန့်လွှတ်ပါက လူတို့က သင့်အား ချစ်ခင်မြတ်နိုးကြလိမ့်မည်။

عَنْ أَبِي العَبَّاسِ سَهْلِ بْنِ سَعِدٍ السَّاعِدِيِّ رَضِيَ اللَّهُ عَنْهُ قَالَ: جَاءَ رَجُلٌ إِلَى النَّبِيِّ صَلَّى اللَّهُ عَلَيْهِ وَسَلَّمَ، فَقَالَ: يَا رَسُولَ اللَّهِ، دُلَّنِي عَلَى عَمَلٍ إِذَا عَمِلْتُهُ أَحَبَّنِي اللَّهُ وَأَحَبَّنِي النَّاسُ، فَقَالَ:
«ازْهَدْ فِي الدُّنْيَا يُحِبُّكَ اللَّهُ، وَازْهَدْ فِيمَا عِنْدَ النَّاسِ يُحِبُّكَ النَّاسُ».
[قال النووي: حديث حسن] - [رواه ابن ماجه وغيره بأسانيد حسنة] - [الأربعون النووية: 31]

ဤဘာသာပြန်ဆိုချက်ကို ပိုမိုသုံးသပ်ရန်နှင့် စစ်ဆေးရန်လိုအပ်သည်။.

အဘူလ်အဗ္ဗားစ် စဟလ် ဗင်န် စအ်ဒ် အတ်စ်စာအိဒီ ( ရဿွိယလ္လာဟုအန်ဟု )က ဆင့်ပြန်ပြောကြားခဲ့သည်။ လူတစ်ဦးသည် တမန်တော်မြတ် ( ဆွလ္လလ္လာဟုအလိုင်ဟိဝစလ္လမ် )ထံသို့ လာရောက်၍ လျှောက်ထားသည်မှာ - အို အလ္လာဟ်ရဲ့ ရစူလ် ကျွန်တော်မျိုးအား ( ဤသို့ ) အမလ်တစ်ခုကိုညွှန်ပြတော်မူပါ။ ထိုအမလ်ကို ကျွန်တော်မျိုး လုပ်ခြင်းအားဖြင့် အလ္လာဟ်အရှင်မြတ်လည်း ကျွန်တော်မျိုးကို ချစ်ခင်နှစ်သက်တော်မူမယ်။ လူတို့လည်း ချစ်ခင်နှစ်သက်ကြမယ်။ ထိုအခါ ကိုယ်တော်မြတ်က မိန့်ကြားတော်မူသည်မှာ -
" သင်လောကီနှင့်ပတ်သတ်၍ မက်မောတပ်မက်စိတ်ကို စွန့်လွှတ်ပါက အလ္လာဟ်အရှင်မြတ်က သင့်အား ချစ်မြတ်နိုးတော်မူမည်။ လူတို့ထံ ရှိသောအရာများ (ဂုဏ်၊ စည်းစိမ်၊ ချီးမွမ်းမှု) ကို မက်မောတပ်မက်စိတ်ကို စွန့်လွှတ်ပါက လူတို့က သင့်အား ချစ်ခင်မြတ်နိုးကြလိမ့်မည်။"
[قال النووي: حديث حسن] - [رواه ابن ماجه وغيره بأسانيد حسنة] - [الأربعون النووية - 31]

ရှင်းလင်းချက်

ပုဂ္ဂိုလ်တစ်ဦးက အလ္လာဟ်အရှင်မြတ်လည်း ချစ်ခင်နှစ်သက်တော်မူပြီ၊ လူသားတို့ကလည်း ချစ်ခင်နှစ်သက်စေမည့် အမလ်ကျင့်ရပ်တစ်ခုကို ညွှန်ကြားပြသတော်မူရန် တမန်တော်မြတ် (ဆွလ္လလ္လာဟုအလိုင်ဟိဝစလ္လမ်)ထံမေးမြန်းခဲ့သည်။ ထိုအခါ တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) က ၎င်းအား ဤသို့ မိန့်ကြားတော်မူခဲ့သည်။ "အသင်သည်ဤ လောကီ၏ ပိုလျှံသော ဥစ္စာပစ္စည်းများနှင့် နောင်တမလွန်ဘဝတွင် အသင့်အား အကျိုးမပေးသော အရာများကို စွန့်လွှတ်မည်၊ ထို့ပြင် အသင်၏ ဒီန်(သာသနာ)အတွက် ဘေးအန္တရာယ်ဖြစ်စေနိုင်သော အရာများကိုလည်း စွန့်လွှတ်‌မည်ဆိုပါက အလ္လာဟ်အရှင်မြတ်က အသင့်အား ချစ်ခင်နှစ်သက်တော်မူပေမည်။ ထို့ပြင် အသင်သည် လူတို့၏ လက်ဝယ်ရှိ လောကီစည်းစိမ်ဥစ္စာများအပေါ် မက်မောတပ်မက်စိတ်ထားပါက လူတို့သည် အသင့်အား ချစ်ခင်ကြလိမ့်မည်။ အဘယ်‌ကြောင့်ဆိုသော်လူသားတို့သည် မိမိတို့၏ ပင်ကိုယ်သဘာဝအလျောက် လောကီစည်းစိမ်များကို ချစ်မြတ်နိုးကြ၏။ သို့ဖြစ်၍ မည်သူမဆို ထိုစည်းစိမ်ဥစ္စာများအတွက် ၎င်းတို့နှင့် ယှဉ်ပြိုင်လျှင် ၎င်းတို့က ထိုသူ့အား မုန်းတီးကြလိမ့်မည်။ သို့ရာတွင် မည်သူမဆို ထိုစည်းစိမ်ဥစ္စာများကို ၎င်းတို့အတွက် စွန့်လွှတ်ပေးလျှင် ၎င်းတို့က ထိုသူ့အား ချစ်ခင်ကြလိမ့်မည်။

ဟဒီးဆ်မှ သိမှတ်ဖွယ်ရာများ

1. ( ဤ ဟဒီးစ်တော်တွင် ) လောကီစည်းစိမ်ကို မတပ်မက်ခြင်း (ဇုဟ်ဒ်) ၏ အကျိုးထူးကိုတင်ပြထားသည်။ - ( ဇုဟ်ဒ် ) ဆိုသည်မှာ နောင်တမလွန်ဘဝအတွက် အကျိုးမရှိသောအရာများကို စွန့်လွှတ်ခြင်းပင်ဖြစ်သည်။
2. " ဇုဟ်ဒ် " ၏အဆင့်
3. အတန်းသည် ဒုစရိုက်မှ ရှောင်ကြဉ်ခြင်း ( الورع - အလ်ဝရအု ) ထက်ပင် မြင့်မားသည်။ အကြောင်းမှာ " အလ်ဝရအု " သည် နောင်တမလွန်ဘဝအတွက် ဘေးဖြစ်နိုင်သောအရာများကို ရှောင်ကြဉ်ခြင်းဖြစ်ပြီး " ဇုဟ်ဒ် " သည် နောင်တမလွန်ဘဝအတွက် အကျိုးမရှိသည်များကို စွန့်လွှတ်ခြင်းကြောင့်ဖြစ်သည်။
4. အိမာမ် ဆင်န်ဒီက ဤသို့ဆိုသည် - လောကီကမ္ဘာသည် လူသားတို့အကြား အလွန်နှစ်သက်ဖွယ်ကောင်းသောအရာဖြစ်၏။ သို့ဖြစ်ရာ ထိုအရာတွင် ၎င်းတို့နှင့် ယှဉ်ပြိုင်သူသည် ၎င်းတို့၏ ရွံမုန်းခြင်းကို ယှဉ်ပြိုင်မှု၏ပမာဏအတိုင်း ခံရလိမ့်မည်။ သို့ရာတွင် ၎င်းတို့နှင့် ၎င်းတို့နှစ်သက်သောအရာကို စွန့်လွှတ်သူသည် ၎င်းတို့၏စိတ်နှလုံးများတွင် စွန့်လွှတ်မှု၏ပမာဏအတိုင်း ချစ်ခင်လေးစားခြင်း ခံရလိမ့်မည်။