Hadiis: Sɩd-kõt ka bak n be sẽka a dĩinẽ wã, t'a sã n pa paam zɩɩm sẽn yaa haraam

عَنِ ابْنِ عُمَرَ رَضِيَ اللَّهُ عَنْهُمَا قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ:
«لَنْ يَزَالَ المُؤْمِنُ فِي فُسْحَةٍ مِنْ دِينِهِ، مَا لَمْ يُصِبْ دَمًا حَرَامًا».
[صحيح] - [رواه البخاري] - [صحيح البخاري: 6862]

Yii a ɭbn ʿƲmar nengẽ, (Wẽnd yard be b yiibã yĩnga), a yeelame: Wẽnd Tẽn-tʋʋmã (Wẽnd pʋʋsg la A tɩlgr be a yĩnga) yeelame:
«Sɩd-kõt ka bak n be sẽka a dĩinẽ wã, t'a sã n pa paam zɩɩm sẽn yaa haraam».
[Naṣʋn Ṣahɩɩhʋn (Gom-sikdem sẽn manege)] - [A Al-Bʋẖaariy n togs-a] - [Ṣahɩɩh Al-Bʋẖaary - 6862]

bilgrã

Nɑbiyɑɑmã (Wẽnd pʋʋsg lɑ A tɩlgr be ɑ yĩngɑ) kõo kibare, tɩ muumin ka bak n be yaleng pʋgẽ, a tʋʋm sõmsã pʋgẽ, la a sẽn tẽed yolsgã la Wẽnd yaafã wã la A bas-tɩ-loogã halɩ t'a wa tʋg n kʋ ninsaala kʋʋb sẽn yaa haraam, wakat-kãngã, a tʋʋmã lebga sẽk ne-a, bala a ka tõe n tʋm tɩ yẽd kʋʋbã yellã la zũnuub kãsengã ye.

Sẽn be Hɑdiisã yõod-rãmbẽ

1. Wilgda kʋ tɩ ka tũ ne hakε wã zũnuubã sẽn ta zĩig ninga, bala yẽnda yiisda sɩd-kõta a yalengã a dĩinã pʋgẽ, n tʋg sẽkẽ.
2. Zɩɩm-rãmb nins sẽn yaa haraamã yaa a naase: 1-Yaa lɩslaam zɩɩm, la yẽnda yellã zɩslem n yɩɩda. 2-Yaa Zɩmmiy zɩɩm, la yẽ me la Yahuud-rãmb la Nasaar-rãmb nins b sẽn reeg tɩ b be lɩslaambã tẽngẽ, la b ket n be b dĩinẽ wã, la b sakame n yaood tɩ b gũud-ba, la b maan lɩslaangã bʋʋd-rãmb b zugu. 3-Yaa alkaool rãmb zɩɩm, bãmb la kɩfr-rãmb nins sẽn be b tẽmsẽ wã, la zems-n-taar n be tõnd ne b tẽmsã sʋka tɩ zabr ka be ye, b ka zabd ne tõndo, tõnd ka zagd ne-ba. 4-Yaa b sẽn kõ a soab bas-m-yam zɩɩm, yẽ me la kɩfr sẽn zabd ne lɩslaambã, wʋm-taab ka be alkaool ka be, la tõnd kõ-b-la bas-m-yam wakat ninga tɩ b kẽed lɩslaambã tẽmsẽ, tɩ yaa lɩslaambã taoor soaba n kõ-b sore, maa ned ning sẽn so yel-kãngã, sẽn yaa a lεdsdba.