Hadith: ((ئهگهر هوین ب دروستی خۆ ب هێلنه ب هیڤییا خودێڤه؛ ئهو دێ ڕزقێ ههوه دهت كا چاوا ڕزقێ بالندهیی ددهت، سپێدێ برسی و ب زكێ خالی دهردكهڤیت و ئێڤاری ب زكێ تێر دزڤڕیت))
عَنْ عُمَرَ بْنِ الخَطَّابِ رَضِيَ اللَّهُ عَنْهُ عَنِ النَّبِيِّ صَلَّى اللَّهُ عَلَيْهِ وَسَلَّمَ قَالَ:
«لَوْ أَنَّكُمْ كُنْتُمْ تَوَكَّلُونَ عَلَى اللهِ حَقَّ تَوَكُّلِهِ لَرَزَقَكُمْ كَمَا يَرْزَقُ الطَّيْرَ تَغْدُو خِمَاصًا وَتَرُوحُ بِطَانًا».
[صحيح] - [رواه الإمام أحمد، والترمذي، والنسائي، وابن ماجه، وابن حبان في صحيحه، والحاكم] - [الأربعون النووية: 49]
المزيــد ...
ژ عومهرێ كوڕێ خهطابی (خودێ ژێ ڕازی بیت) ژ پێغهمبهری (صهلات و سهلامێن خودێ ل سهر بن) گۆت:
((ئهگهر هوین ب دروستی خۆ ب هێلنه ب هیڤییا خودێڤه؛ ئهو دێ ڕزقێ ههوه دهت كا چاوا ڕزقێ بالندهیی ددهت، سپێدێ برسی و ب زكێ خالی دهردكهڤیت و ئێڤاری ب زكێ تێر دزڤڕیت)).
[صحيح] - [رواه الإمام أحمد والترمذي والنسائي وابن ماجه وابن حبان في صحيحه والحاكم] - [الأربعون النووية - 49]
پێغەمبەرێ خودێ (صەلات و سەلامێن خودێ ل سەر بن) مه هانددەت کو ئەم پشتبهستنێ ل سهر خودێ بكهین بۆ وەرگرتنا مفایان و دویرئێخستنا زیانان د کاروبارێن دونیایێ و دینیدا، چونكی ژ خودێ پێڤهتر چ کەس نهشێن تشتی بدهن و بستینن، دیسان نهشێن زیانێ یان مفای بگههینن، و کو ئەم وان ئەگەران جێبهجێ بکەین یێن کو مفایان دئینن و زیانان دویردئێخن دگەل ڕاستگۆییێ د پشتبهستنا ل سهر خودێ، ڤێجا ههر دەمێ ئەم وێ چەندێ بکەین؛ خودێ دێ ڕزقی دەتە مە وەکی كا چاوا ڕزقی ددەتە وان بالندهیێن کو سپێدێ دهێنە دەر و ئهو د برسینە، پاشی ئێڤاری ڤەدگەرن و زكێن وان د تژینە، ئەڤ کریارە ژ لایێ بالندهیانڤه جۆرهكێ ئهنجامدانا ئەگەرانه بۆ لێگهڕیانا ل ڕزقی، بێی كو مرۆڤ دهست ژ كارى بهردهت و ههمييێ بهێليته بهيڤيا خودێڤه و ئهگهران جێبهجێ نهكهت یان خۆ سست و تهمبهل بكهت.
Benefits from the Hadith
- قهدر و باشییا پشتبهستن و خۆهێلانا ب هیڤییا خودێڤه و کو ئەو ژ مەزنترین ئەگەرانە یێن کو ڕزق پێ دهێتە ئینان.
- پشتبهستن و خۆهێلانا ب هیڤییا خودێڤه دژی ئهنجامدانا ئەگەران نینە، چونكی پێغهمبهری (صهلات و سهلامێن خودێ ل سهر بن) دیار كر کو چوونا سپێدێ و ئێڤاری بۆ داخوازکرنا ڕزقی و لێگهريانا ل ڕزقى دژى پشتبهستنا دروست و خۆهێلانا ب هیڤییا خودێڤه نينه .
- گرنگیدانا شەریعەتی ب کریارێن دلی؛ چونكی پشتبهستن و خۆهێلانا ب هیڤییا خودێڤه کریارەکا دلییە.
- دهستگرتن و خۆگرێدانا ب ئەگەران ب تنێڤه؛ کێماسییە د دینیدا، هێلانا ئەگەران ژی کێماسییە د ئەقلیدا.