Ҳадис: Одамлар орасида аввалги пайғамбарлардан сақланиб қолган бир гап шуки: «Агар уялмасанг, хоҳлаган ишингни қил!

عَنْ أَبي مَسْعُودٍ رضي الله عنه قَالَ: قَالَ النَّبِيُّ صَلَّى اللهُ عَلَيْهِ وَسَلَّمَ:
«إِنَّ مِمَّا أَدْرَكَ النَّاسُ مِنْ كَلاَمِ النُّبُوَّةِ الأُولَى: إِذَا لَمْ تَسْتَحْيِ فَاصْنَعْ مَا شِئْتَ».
[صحيح] - [رواه البخاري] - [صحيح البخاري: 6120]

Бу таржима қайта кўрилиши ва текширилиши кекак.

Абу Масъуд разияллоҳу анҳудан ривоят қилинади: «Набий соллаллоҳу алайҳи ва саллам шундай дедилар:
«Одамлар орасида аввалги пайғамбарлардан сақланиб қолган бир гап шуки: «Агар уялмасанг, хоҳлаган ишингни қил!»
[Тўғри матн] - [Бухорий ривояти] - [Саҳиҳул Бухорий - 6120]

Изоҳ

Пайғамбаримиз соллаллоҳу алайҳи ва саллам авлоддан авлодга ўтиб бизнинг умматнинг биринчи авлодигача етиб келган олдинги пайғамбарлардан қолган бир васият борлиги ҳақида хабар бердилар. У ҳам бўлса:
«Қилмоқчи бўлган ишингга қара: агар у ишдан уялишга ҳожат бўлмаса, уни бажар; агар у иш уялишга арзийдиган нарса бўлса, уни тарк эт. Чунки ёмон ва қораланадиган ишлардан қайтарувчи нарса — ҳаёдир. Кимда ҳаё бўлмаса, у ҳар турли фаҳш ва мункар ишлар ичига чўкиб кетади».

Ҳадиснинг фойдалари

1. Ҳаё яхши хулқдарнинг асли
2. Ҳаё анбиёларнинг сифатидан ва улардан бизга мерос.
3. Ҳаё мусулмон кишини зийнатловчи амалларга чорлайди ва уни булғайдиган ишлардан қайтаради.
4. Нававий раҳимаҳуллоҳ айтадилар: «Бу ердаги амр мубоҳликка далолат қилади. Аллоҳдан ҳам одамлардан ҳам уялмайдиган иш бўлса уни бажараверсин, агар уялтирадиган иш бўлса, қилмасин. Ислом динининг бутун мазмун-моҳияти шу нарса устига қурилган. Яъни инсон вожиб ва мандуб ишларни тарк қилишдан уялиши ҳамда ҳаром ва макруҳ ишларни бажаришдан уялиши лозим. Мубоҳга келсак, уни бажаришдан ёки тарк қилишдан уялиш ўрнига қараб жоиз. Шундай қилиб ҳадис Исломнинг беш ҳукмини ўз ичига олди.
5. Бу таҳдидли буйруқ ҳам дейилган. Яъни агар сенда ҳаё бўлмаса, хоҳлаганингни қил, Аллоҳ албатта жазоингни беради.
6. Яна хабар маъносидаги буйруқ ҳам дейилган. Яъни уялмаган инсон хоҳлаганини қилади.