হাদীছ: যিয়ে পাহাৰৰ ওপৰৰ পৰা জাপ মাৰি আত্মহত্যা কৰে, সি জাহান্নামত থাকিব, তাত সি চিৰকাল সেইদৰে জঁপিয়াই থাকিব।
عَنْ أَبِي هُرَيْرَةَ رَضِيَ اللَّهُ عَنْهُ عَنِ النَّبِيِّ صَلَّى اللهُ عَلَيْهِ وَسَلَّمَ قَالَ:
«مَنْ تَرَدَّى مِنْ جَبَلٍ فَقَتَلَ نَفْسَهُ فَهُوَ فِي نَارِ جَهَنَّمَ يَتَرَدَّى فِيهِ خَالِدًا مُخَلَّدًا فِيهَا أَبَدًا، وَمَنْ تَحَسَّى سُمًّا فَقَتَلَ نَفْسَهُ فَسُمُّهُ فِي يَدِهِ يَتَحَسَّاهُ فِي نَارِ جَهَنَّمَ خَالِدًا مُخَلَّدًا فِيهَا أَبَدًا، وَمَنْ قَتَلَ نَفْسَهُ بِحَدِيدَةٍ فَحَدِيدَتُهُ فِي يَدِهِ يَجَأُ بِهَا فِي بَطْنِهِ فِي نَارِ جَهَنَّمَ خَالِدًا مُخَلَّدًا فِيهَا أَبَدًا».
[صحيح] - [متفق عليه] - [صحيح البخاري: 5778]
المزيــد ...
আবু হুৰাইৰাহ ৰাদ্বিয়াল্লাহু আনহুৰ পৰা বৰ্ণিত, নবী চাল্লাল্লাহু আলাইহি অছাল্লামে কৈছেঃ
"যিয়ে পাহাৰৰ ওপৰৰ পৰা জাপ মাৰি আত্মহত্যা কৰে, সি জাহান্নামত থাকিব, তাত সি চিৰকাল সেইদৰে জঁপিয়াই থাকিব। যিয়ে বিষ খাই আত্মহত্যা কৰিব, জাহান্নামত এই বিষ তাৰ হাতত থাকিব, চিৰকাল সি সেই বিষ তাত সেৱন কৰিব। এইদৰে যিয়ে লোহাৰ অস্ত্ৰৰে আত্মহত্যা কৰিব, জাহান্নামত সেই অস্ত্ৰ তাৰ হাতত থাকিব, আৰু তাত সি সেইটোৰে চিৰকাল নিজৰ পেটত আঘাত কৰিব।"
[ছহীহ] - [(মুত্তাফাক আলাইহ {বুখাৰী মুছলিম})] - [ছহীহ বুখাৰী - 5778]
নবী চাল্লাল্লাহু আলাইহি অছাল্লামে হাদীছটোত সতৰ্ক কৰিছে যে, পৃথিৱীত যিয়ে জানি বুজি আত্মহত্যা কৰিব, আখিৰাতত তাক জাহান্নামত সেই পদ্ধতিৰেই শাস্তি বিহা হ'ব, যাতে সি পূৰ্ণাংগ শাস্তি লাভ কৰে। এতেকে যিয়ে পাহাৰৰ পৰা জঁপিয়াই আত্মহত্যা কৰিব, জাহান্নামত সি চিৰকাল জাহান্নামৰ পাহাৰৰ পৰা জঁপিয়াই থাকিব। এইদৰে যিয়ে বিষ পান কৰি আত্মহত্যা কৰিব, জাহান্নামত তাৰ হাতত বিষ থাকিব, আৰু চিৰকাল সি সেই বিষ খাই থাকিব। যিয়ে নিজৰ পেটত ছুৰীৰে আঘাত কৰি আত্মহত্যা কৰিব, জাহান্নামত তাৰ হাতত তেনেকুৱাই অস্ত্ৰ থাকিব আৰু সি সেইটোৰে নিজৰ পেটত চিৰকাল ঘপিয়াই থাকিব।
হাদীছৰ পৰা সংগৃহীত উপকাৰিতাসমূহ
- আত্মহত্যা কৰা হাৰাম। এইটো হৈছে মহা পাপ। ইয়াৰ কাৰণে ব্যক্তিয়ে কঠিন শাস্তিৰ সন্মুখীন হ'বলগীয়া হ'ব।
- হাদীছটোত যিবোৰ কথা উল্লেখ হৈছে, এইবোৰ হৈছে আত্মহত্যাৰ কেইটিমান উদাহৰণহে। অন্যথা যিয়ে যিদৰে আত্মহত্যা কৰিব, তাক সেইদৰেই শাস্তি বিহা হ'ব। ছহীহ বুখাৰীৰ এটা হাদীছত আহিছে, নবী চাল্লাল্লাহু আলাইহি অছাল্লামে কৈছেঃ "যিয়ে নিজৰ শ্বাসৰুদ্ধ কৰি আত্মহত্যা কৰিব, জাহান্নামত সি সেইদৰেই শাস্তি ভোগ কৰিব, আৰু যিয়ে চোকা অস্ত্ৰৰে আঘাত কৰি আত্মহত্যা কৰিব, সি জাহান্নামত নিজকে সেইদৰেই ঘপিয়াই থাকিব।"
- ইমাম নাৱাৱীয়ে কৈছেঃ নবী চাল্লাল্লাহু আলাইহি অছাল্লামৰ বাণী (সি জাহান্নামত প্ৰৱেশ কৰিব আৰু তাত চিৰকাল থাকিব)। এই বিষয়ে কেইবাটাও ব্যাখ্যা আছেঃ প্ৰথম ব্যাখ্যাঃ এইটো সেই ব্যক্তিৰ ক্ষেত্ৰত প্ৰযোজ্য, যিয়ে ইয়াক হালাল বুলি গণ্য কৰে, তথা হাৰাম বুলি জানিও সেইটো কৰে, তেন্তে তেনেকুৱা ব্যক্তি হৈছে কাফিৰ। এইটোৱে হৈছে শাস্তি। দ্বিতীয় ব্যাখ্যাঃ ইয়াত চিৰকাল বুলি দীৰ্ঘ ম্যাদ বুজোৱা হৈছে। যেনে কোৱা হয় যে, আল্লাহে বাদশ্বাহৰ ৰাজত্ব চিৰকাল অক্ষুণ্ণ ৰাখক। তৃতীয় ব্যাখ্যাঃ এইটো হৈছে সেই ব্যক্তিজনৰ বাবে নিৰ্ধাৰিত শাস্তি, কিন্তু মহান আল্লাহ হৈছে দয়াশীল, তেওঁ জনাইছে যে, যিয়ে মুছলিম অৱস্থাত মৃত্যুবৰণ কৰিব, তেওঁ জাহান্নামত চিৰস্থায়ী নহ'ব।
- এইটো হৈছে দুনিয়াৰ অপৰাধৰ বাবে আখিৰাতৰ শাস্তিৰ সৈতে মিল থকা এটি উদাহৰণ। ইয়াৰ পৰা বুজা যায় যে, এজন ব্যক্তিয়ে নিজৰ ওপৰত কৰা অপৰাধো আনৰ ওপৰত কৰা অপৰাধৰ দৰেই সমান গুনাহৰ অন্তৰ্ভুক্ত। কাৰণ তাৰ নিজৰ জীৱন বা শৰীৰ সম্পূৰ্ণৰূপে তাৰ অধিকাৰভুক্ত নহয়, বৰং এইটো হৈছে আল্লাহৰ। ব্যক্তিয়ে মাত্ৰ সেইবোৰ কামহে কৰিব পাৰে, যিবোৰৰ অনুমতি আল্লাহে তাক দিছে।
শ্ৰেণীবিন্যাসসমূহ
অধিক
- হাদীছ: মই তোমালোকক আটাইতকৈ ডাঙৰ (কবীৰাহ) গুনাহ সম্পৰ্কে অৱগত নকৰামনে?
- হাদীছ: কাবীৰাহ গোনাহ হৈছে: আল্লাহৰ সৈতে শ্বিৰ্ক কৰা, পিতা-মাতাৰ অবাধ্যাচৰণ কৰা, কোনো প্রাণ হত্যা কৰা আৰু মিছা শপত খোৱা।
- হাদীছ: "তোমালোকে সাতটা ধ্বংসকাৰী বিষয়ৰ পৰা আঁতৰত থাকিবা"। তেওঁলোকে ক'লেঃ "হে আল্লাহৰ ৰাছুল! সেইবোৰ কি কি"? তেখেতে ক'লেঃ "আল্লাহৰ লগত শ্বিৰ্ক কৰা, যাদু, নিৰ্দোষী লোকক হত্যা কৰা, যিটোক আল্লাহে হাৰাম কৰিছে, সুত খোৱা, অনাথৰ সম্পদ আত্মসাৎ কৰা, যুদ্ধ ক্ষেত্ৰৰ পৰা পলায়ন কৰা, সতী-সাধ্বী বিশ্বাসী সহজ-সৰল নাৰীৰ প্ৰতি অপবাদ দিয়া"।
- হাদীছ: পাঁচ ওৱাক্ত চালাত, এটা জুমু‘আৰ পৰা আনটো জুমু‘আ তথা এটা ৰামাজানৰ পৰা আনটো ৰামাজান, এইবোৰ হৈছে সেইবোৰ গুনাহৰ কাফফাৰা যিবোৰ ইয়াৰ মধ্যৱৰ্তী সময়ত হৈ থাকে, যদিহে কবীৰা গুনাহৰ পৰা বিৰত থকা হয়।
- হাদীছ: যেতিয়া দুজন মুছলিমে নিজৰ নিজৰ তৰোৱাল লৈ মুখামুখি হয়, তেতিয়া হত্যাকাৰী আৰু নিহত ব্যক্তি উভয়েই জাহান্নামী।
- হাদীছ: নিশ্চয় কিছুমান লোকে আল্লাহৰ সম্পদ অন্যায়ভাৱে ব্যয় কৰে। এতেকে সিহঁতৰ বাবে কিয়ামতৰ দিনা আছে জাহান্নামৰ জুই।
- হাদীছ: তোমালোকে মৃত লোকসকলক গালি নাপাৰিবা; কাৰণ সিহঁতে নিজৰ কৰ্মফলৰ ওচৰত উপনীত হৈছে।