حدیث: څوک چې له غره ځان وغورځوي او ځان ووژني، نو هغه به د دوزخ په اور کې همداسې غورځول کېږی، تل به هلته وي، ابدي عذاب کې به وي

عَنْ أَبِي هُرَيْرَةَ رَضِيَ اللَّهُ عَنْهُ عَنِ النَّبِيِّ صَلَّى اللهُ عَلَيْهِ وَسَلَّمَ قَالَ:
«مَنْ تَرَدَّى مِنْ جَبَلٍ فَقَتَلَ نَفْسَهُ فَهُوَ فِي نَارِ جَهَنَّمَ يَتَرَدَّى فِيهِ خَالِدًا مُخَلَّدًا فِيهَا أَبَدًا، وَمَنْ تَحَسَّى سُمًّا فَقَتَلَ نَفْسَهُ فَسُمُّهُ فِي يَدِهِ يَتَحَسَّاهُ فِي نَارِ جَهَنَّمَ خَالِدًا مُخَلَّدًا فِيهَا أَبَدًا، وَمَنْ قَتَلَ نَفْسَهُ بِحَدِيدَةٍ فَحَدِيدَتُهُ فِي يَدِهِ يَجَأُ بِهَا فِي بَطْنِهِ فِي نَارِ جَهَنَّمَ خَالِدًا مُخَلَّدًا فِيهَا أَبَدًا».
[صحيح] - [متفق عليه] - [صحيح البخاري: 5778]

دا ژباړه بیا لیدنې او کره کتنې ته اړتیا لري.

له ابوهریرة رضي الله عنه څخه روایت دی چې رسول الله صلی الله علیه وسلم فرمایلي:
څوک چې له غره ځان وغورځوي او ځان ووژني، نو هغه به د دوزخ په اور کې همداسې غورځول کېږی، تل به هلته وي، ابدي عذاب کې به وي، څوک چې زهر وخوري او ځان ووژني، نو زهر به یې د دوزخ په اور کې په لاس کې وي، هماغه زهر به بیا بیا خوري، تل به هلته وي او ابدي عذاب کي به وي، او چا چې ځان په یو اوسپنیز توکي وواژه، نو همدا وسله به په لاس کې، خپل نس به پرې بیا بیا سوری کوي، تل به هلته په ابدي عذاب کې وي».
[صحيح] - [متفق علیه دی ( بخاري اومسلم دواړو روایت کړی دی)] - [صحیح بخاري - 5778]

تشریح

پیغمبر صلی الله علیه وسلم په دنیا کې په قصدي توګه د ځان وژنې په اړه خبرداری ورکړی چې چا قصداً ځانه وژنه وکړه، نو د قیامت په ورځ به په همغې طریقه په دوزخ کې عذابیږي چې ځان یې وژلی دی، دا د هغه د عمل سره برابره سزا ده، نو چا چې له غره څخه په ځان غورځولو سره ځان وژنه وکړه، نو په دوزخ کې به د دوزخ له غرونوڅخه لاندې راغورځول کیږي، تل به هلته وي، او چا چې زهر وڅښل او ځان وژنه یې وکړه، نو په دوزخ کې به یې زهر په لاس کې وي بیا بیا به یې څښي او د تل لپاره به هلته پکې وي، او چا چې په یوه اوسپنه ځان وواژه،نو اوسپنه به یې په لاس کې وي او بیا بیا به پرې خپله ګېډه سورۍ کوي، او د تل لپاره به پکې وي.

د حديث له ګټو څخه

1. انسان ته ځان وژنه حرامه ده او دا د هغو لویو ګناهونو څخه ده چې انسان پرې د سخت عذاب مستحق ګرځیږي.
2. په حدیث کې چې کوم ډول ځان وژنه یاده شوې ده یوازې د بېلګې په موخه ده نه دا چې نورې طریقې معاف دي، کنه په هره طریقه چې انسان ځان ووژني، د قیامت په ورځ به هماغه طریقه عذاب ورکول کیږي،
3. په صحیح البخاري کې د رسول الله ﷺ وینا راغلې چې فرمایي: «څوک چې ځان زندۍ کوي، نو هغه په اور کې هم ځان زندۍ کوي او څوک چې ځان په چاړه یا وسلې وهي، نو په دوزخ کې به هم ځان پرې وهي»
4. نووي ویلي: د رسول الله ﷺ دا قول چې:
5. هغه به د دوزخ په اور کې تل پاتې وي؛ نو ویل شوي چې په اړه یې څو اقوال راغلي دي: یو دا چې دا حکم د هغه چا لپاره دی چې ځان وژنه حلاله وګڼي او ویې کړي، سره له دې چې پوهېده دا کار حرام دی، نو دا کس کافر دی، او دا د هغه سزا ده، دویم دا چې د "خلود" معنا دلته د ډېر وخت پاتې کېدلو ده، نه دا چې ابدي وي. لکه څنګه چې ویل کېږي: "خلد الله ملک السلطان" یعني: الله دې د سلطان سلطنت اوږد کړي، نه دا چې تل پاتې وي، او درېیم قول دا دی چې: دا یې سزا ده، خو الله تعالی مهرباني کړې، نو خبر یې ورکړی چې څوک مسلمان مړ شو، هغه تل په دوزخ کې نه پاتې کیږي.
6. دا د اخروي سزاوو د دنیوي جرمونو سره د مشابهت له مخې دی، او له دې څخه دا نتیجه اخیستل کېږي چې د انسان جرم پر خپل ځان هم داسې دی لکه پر بل انسان یې چې وکړي؛ ګناه یې یو شان ده؛ ځکه د انسان نفس د هغه ملکیت نه دی، بلکې د الله تعالی ملک دی، نو انسان نشي کولای چې په هغه کې پرته له هغه څه تصرف وکړي چې الله تعالی اجازه ورکړې وي.