ሓዲሥ: ነፍሱን ከተራራ ላይ ጥሎ የገደለ ሰው በጀሃነም እሳት ውስጥ ዘውታሪና ዘላለማዊ በሆነ መልኩ ሲምዘገዘግ ይኖራል።
عَنْ أَبِي هُرَيْرَةَ رَضِيَ اللَّهُ عَنْهُ عَنِ النَّبِيِّ صَلَّى اللهُ عَلَيْهِ وَسَلَّمَ قَالَ:
«مَنْ تَرَدَّى مِنْ جَبَلٍ فَقَتَلَ نَفْسَهُ فَهُوَ فِي نَارِ جَهَنَّمَ يَتَرَدَّى فِيهِ خَالِدًا مُخَلَّدًا فِيهَا أَبَدًا، وَمَنْ تَحَسَّى سُمًّا فَقَتَلَ نَفْسَهُ فَسُمُّهُ فِي يَدِهِ يَتَحَسَّاهُ فِي نَارِ جَهَنَّمَ خَالِدًا مُخَلَّدًا فِيهَا أَبَدًا، وَمَنْ قَتَلَ نَفْسَهُ بِحَدِيدَةٍ فَحَدِيدَتُهُ فِي يَدِهِ يَجَأُ بِهَا فِي بَطْنِهِ فِي نَارِ جَهَنَّمَ خَالِدًا مُخَلَّدًا فِيهَا أَبَدًا».
[صحيح] - [متفق عليه] - [صحيح البخاري: 5778]
المزيــد ...
ከአቡ ሁረይራ (ረዲየሏሁ ዐንሁ) - አላህ መልካም ሥራቸውን ይውደድላቸውና - እንደተላለፈው: ነቢዩ (የአላህ ሰላትና ሰላም በእርሳቸው ላይ ይስፈን) እንዲህ ብለዋል:
"ነፍሱን ከተራራ ላይ ጥሎ የገደለ ሰው በጀሃነም እሳት ውስጥ ዘውታሪና ዘላለማዊ በሆነ መልኩ ሲምዘገዘግ ይኖራል። መርዝ ጠጥቶ ነፍሱን የገደለ ሰው በጀሃነም እሳት ውስጥ ዘውታሪና ዘላለማዊ በሆነ መልኩ መርዙን በእጁ ይዞ ሲጠጣው ይቆያል። ነፍሱን በስለት የገደለ ሰውም በጀሃነም እሳት ውስጥ ዘውታሪና ዘላለማዊ በሆነ መልኩ ስለቱን በእጁ ይዞ ሆዱን እየወጋበት ይኖራል።"
[ሶሒሕ ነው።] - [ቡኻሪና ሙስሊም ዘግበውታል።] - [ሶሒሕ አልቡኻሪ - 5778]
ነቢዩ(የአላህ ሰላትና ሰላም በእርሳቸው ላይ ይስፈን) በዱንያ ውስጥ ሆን ብሎ ራስን ከማጥፋት አስጠነቀቁ። ይህን የፈፀመ ሰው የትንሳኤ ቀን በጀሃነም እሳት ውስጥ ነፍሱን በዱንያ በገደለበት መልኩ ራሱን ይቀጣል። ይህም ተስማሚ ቅጣት ነው። ነፍሱን ከተራራ ላይ ጥሎ የገደላት በጀሃነም እሳት ውስጥ ከሚገኝ ተራራ ወደ ጀሃነም ሸለቆዎች ዘውታሪና ዘላለማዊ በሆነ መልኩ ነፍሱን በመጣል ራሱን ይቀጣል። መርዝ ጠጥቶ ነፍሱን የገደለ ሰውም በጀሃነም እሳት ውስጥ ዘውታሪና ዘላለማዊ በሆነ መልኩ መርዙን በእጁ ይዞ ይጠጣዋል። ነፍሱን በስለት የገደለ ሰው በጀሃነም እሳት ውስጥ ዘውታሪና ዘላለማዊ በሆነ መልኩ ስለቱን በእጁ ይዞ በርሱ ሆዱን እየወጋ ይኖራል።
ከሐዲሱ የምንጠቀማቸው ቁምነገሮች
- የሰው ልጅ ነፍሱን ከመግደል መከልከሉን እንረዳለን። ይህም አሳማሚ ቅጣት የሚያስከትል ትልቅ ወንጀል ነው።
- ሐዲሡ ውስጥ የተጠቀሱት የተወሰኑ ነፍስን ማጥፊያ መንገዶች ለምሳሌ ያህል ነው እንጂ ነፍስ በማንኛውም መንገድ ብያጠፋ ነፍሱ ላይ ባጠፋበት መንገድ ይቀጣል። በሶሒሕ ቡኻሪ ውስጥ "ነፍሱን በማነቅ የገደለ እሳት ውስጥም ነፍሱን ያንቃታል። ነፍሱን ወግቶ የገደለም እሳት ውስጥም ነፍሱን ይወጋታል።" የሚል የነቢዩ (ሶለላሁ ዐለይሂ ወሰለም) የአላህ ሶላትና ሰላም በእርሳቸው ላይ ይስፈንና ንግግር መጥቷል።
- ነወዊይ እንዲህ ብለዋል: «ነቢዩ (የአላህ ሰላትና ሰላም በእርሳቸው ላይ ይስፈን) "በጀሃነም እሳት ውስጥ ዘውታሪና ዘላለማዊ በሆነ መልኩ… " በሚለው ንግግር ዙሪያ የተለያዩ ሀሳቦች ተሰንዝረዋል: አንደኛው: ይህ ንግግር ራስን ማጥፋት ክልክል መሆኑን እያወቀ ሐላል አድርጎ የፈፀመ ሰው ላይ ነው የሚተረጎመው የሚል ነው። ቅጣቱም በዘልአለማዊ መልኩ ነው። ሁለተኛው: ዘውታሪ በማለት የተፈለገው የሚቀጣበትና የሚቆይበት ዘመን መርዘሙን ለመጠቆም እንጂ በትክክል መዘውተሩ ተፈልጎበት አይደለም። ረዥም ዘመን ለገዛ "አላህ የንጉሱን ንግስና አዘወተረለት።" እንደሚባለው ማለት ነው። ሶስተኛው: የሚገባው ቅጣት ይህ ነበር። ነገር ግን አላህ ሱብሓነሁ ወተዓላ በችሮታው ሙስሊም ሆኖ የሞተን በእሳት ውስጥ እንደማያዘወትረው ተናገረ።»
- ይህ ሐዲሥ ላይ የተጠቀሰው ቅጣት የመጪው አለም ቅጣቶችን ከዱንያ ቅጣቶች ጋር ማመሳሰል ውስጥ የሚመደብ ነው። ሌላው ከዚህ ሐዲስ የምንረዳው የሰው ልጅ በነፍሱ ላይ በሚያደርሰው ቅጣት የሚወድቅበት ወንጀል በሌላ ሰው ላይ ሲያደርስ እንደሚወድቅበት ወንጀል ነው። ምክንያቱም ነፍሱ ሙሉ ለሙሉ የርሱ አይደለችምና። ይልቁንም ነፍሳችን የአላህ ሱብሓነሁ ወተዓላ ናት። ስለዚህም አላህ ከፈቀደው ነገር ውጪ ነፍሱን መጠቀም አይፈቀድለትም።
ተጨማሪ
- ሓዲሥ: ሰባት አጥፊዎችን ተጠንቀቁ!
- ሓዲሥ: ከባባዶቹን ወንጀሎች ከተጠነቀቁ አምስቱ ሶላቶች፣ ከጁሙዐ እስከ ጁሙዐ፣ ከረመዳን እስከ ረመዳን በመካከላቸው የተሰሩትን ወንጀሎች ያስሰርዛሉ።
- ሓዲሥ: ሁለት ሙስሊሞች በሰይፋቸው (ሊጋደሉ) የተገናኙ ጊዜ ገዳዩም ሆነ ተገዳዩ እሳት ውስጥ ናቸው።
- ሓዲሥ: በአላህ ገንዘብ ያለአግባብ የሚገለገሉ ሰዎች ለነርሱ የትንሳኤ ቀን እሳት ተዘጋጅቶላቸዋል።
- ሓዲሥ: ሟቾችን አትሳደቡ! እነርሱ ወዳስቀደሙት (ስራቸው) ሂደዋልና።
- ሓዲሥ: ሲገናኙ ይህም እየዞረ ያኛውም እየዞረ ወንድሙን ከሶስት ሌሊቶች በላይ ሊያኮርፈው አይፈቀድለትም። ከሁለቱ ምርጡ በሰላምታ የሚጀምረው ነው።
- ሓዲሥ: ዝምድናን ቆራጭ ጀነት አይገባም።