Hadith: ((مسوگهر ههمی کار ب ئنیەتانە و مسوگهر بۆ هەر کەسەکی ئەو دێ ههبیت یا وی ئنیەت بۆ ئینای
عَنْ أَمِيرِ المُؤْمِنِينَ أَبِي حَفْصٍ عُمَرَ بْنِ الخَطَّابِ رضي الله عنه قَالَ: سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ:
«إنَّمَا الأَعْمَالُ بِالنِّيَّاتِ، وَإِنَّمَا لِكُلِّ امْرِئٍ مَا نَوَى، فَمَنْ كَانَتْ هِجْرَتُهُ إلَى اللَّهِ وَرَسُولِهِ فَهِجْرَتُهُ إلَى اللَّهِ وَرَسُولِهِ، وَمَنْ كَانَتْ هِجْرَتُهُ لِدُنْيَا يُصِيبُهَا أَوْ امْرَأَةٍ يَنْكِحُهَا فَهِجْرَتُهُ إلَى مَا هَاجَرَ إلَيْهِ».
[صحيح] - [رواه إماما المحدثين أبو عبد الله محمد بن إسماعيل بن إبراهيم بن المغيرة بن بردزبه البخاري، وأبو الحسين مسلم بن الحجاج بن مسلم القشيري النيسابوري في صحيحيهما اللذين هما أصح الكتب المصنفة] - [الأربعون النووية: 1]
المزيــد ...
ژ میرێ باوەرداران ئەبو حەفصی، عومەرێ کوڕێ خەطابی (خودێ ژێ ڕازی بیت) گۆت: من گوھ ل پێغەمبەرێ خودێ (صەلات و سەلامێن خودێ ل سەر بن) بوو دگۆت:
((مسوگهر ههمی کار ب ئنیەتانە و مسوگهر بۆ هەر کەسەکی ئەو دێ ههبیت یا وی ئنیەت بۆ ئینای، ڤێجا ههر كهسێ مشهختبوونا وی بۆ خودێ و پێغەمبەرێ وی بیت؛ ئهڤه مشهختبوونا وی بۆ خودێ و پێغەمبەرێ وییە و ههر كهسێ مشهختبوونا وی بۆ پهڕتالهكێ دونیایێ بیت دا ب دەست خۆڤە بینیت یان بۆ ژنەکێ بیت دا بۆ خۆ بینیت؛ هنگی مشهختبوونا وی بۆ وی تشتییه یێ ئهو ژ بهر مشهختبووی)).
[صحيح] - [رواه إماما المحدثين أبو عبد الله محمد بن إسماعيل بن إبراهيم بن المغيرة بن بردزبه البخاري وأبو الحسين مسلم بن الحجاج بن مسلم القشيري النيسابوري في صحيحيهما اللذين هما أصح الكتب المصنفة] - [الأربعون النووية - 1]
پێغەمبەر (صەلات و سەلامێن خودێ ل سەر بن) دیار دکەت کو هەمی کار ب ئنیهتێ دهێنە هەژمارتن، ئەڤ حوکمە ژی یێ گشتییە د هەمی کاراندا، ژ عیبادهت و سهرهدهرییاندا، ڤێجا هەر کەسێ ئنیهتا وی ب کارێ وی بدهستڤهئینانا مفا و قازانجهكێ دونیایێ بیت؛ هنگی ئهو ژ بلی وی مفای و قازانجی چ تشتێن دی ب دەستڤە نائینیت و چ خێر و خهلات بۆ وی نینە، كا چاوا هەر کەسێ ئنیهتا وی ب کارێ وی نێزیكبوونا ژ خودایێ مهزن بیت؛ هنگی دێ خێر و خهلاتی ب ڤی كاری وهرگریت، خۆ ئهگهر ئهڤ كارێ وی كری كارهكێ ئاسایی ژی بیت، وەك خوارن و ڤەخوارنێ.
پاشی پێغهمبهری (صەلات و سەلامێن خودێ ل سەر بن) نموونەیەك ئینا بۆ دیارکرنا کارتێکرنا ئنیهتێ د کاراندا دگەل یەکسانبوونا وان د شێوە و وێنهیێ ب سهرڤهدا، ڤێجا دیارکر کو هەر کەسێ ئنیهتا وی ب مشهختبوونێ و هێلانا وەلاتێ خۆ ڕازیبوونا خودایێ خۆ بیت؛ هنگی مشهختبوونا وی مشهختبوونهكا شەرعی و قەبویلکرییە و دێ ل سەر هێتە خەلاتکرن ژ بەر ڕاستییا ئنیهتا وی، بهلێ هەر کەسێ ئنیهتا وی ب مشهختبوونا وی مفا و قازانجهکێ دونیایێ بیت، ژ مالی یان مهزناهییێ، یان بازرگانییێ، یان ژنئینانێ؛ هنگی ئهڤ مرۆڤه ژ ڤێ مشهختبوونا خۆ ب تنێ دێ وی مفای و وێ قازانجێ ب دەستڤە ئینیت یێ وی ئنیهت بۆ ئینای و ژ بهر مشهخت بووی و چ بههر د خێر و خهلاتیدا بۆ وی نینە.
Benefits from the Hadith
- هاندان ل سهر دلسۆزییێ (ئیخلاصێ)، چونکی خودێ ب تنێ وی كاری وهردگریت و قهبویل دكهت یێ ب تنێ بۆ وی هاتبیته ئهنجامدان.
- ئهو کارێن مرۆڤ ب وان نێزیکی خودایێ مەزن دبیت، ئەگەر ئهو كهسێ پێنۆس ل سهر ههی و هاتییه ڕاسپاردن (كهسێ موكهلهف) وهك نهریت و عادهتهك ئهنجامدان؛ چ خێر ناگههنێ ههتا ئنیهتا خۆ نهكهته خۆنێزیككرنا خودێ.
- عیبادهت ب ڕێكا ئنیهتێ دهێنه ژێكجۆداكرن، ههروهسا عیبادهت و نهریت (عادهت) ژی ههر ب ڕێكا ئنیهتێ دهێنه ژێكجۆداكرن.