Hadiis: Wẽnd yeelame (A Naam zẽk yã) Mam seglame M yemb-sõmsã yĩnga, nifr sẽn na n ka yã, tɩ tʋbr ka wʋme la ka lʋɩ ninsaal tagsg pʋgẽ

عَنْ أَبِي هُرَيْرَةَ رَضِيَ اللَّهُ عَنْهُ عَنْ رَسُولِ اللَّهِ صَلَّى اللهُ عَلَيْهِ وَسَلَّمَ قَالَ:
«قَالَ اللَّهُ تَبَارَكَ وَتَعَالَى: أَعْدَدْتُ لِعِبَادِي الصَّالِحِينَ، مَا لاَ عَيْنٌ رَأَتْ، وَلاَ أُذُنٌ سَمِعَتْ، وَلاَ خَطَرَ عَلَى قَلْبِ بَشَرٍ» قَالَ أَبُو هُرَيْرَةَ: اقْرَؤُوا إِنْ شِئْتُمْ: {فَلاَ تَعْلَمُ نَفْسٌ مَا أُخْفِيَ لَهُمْ مِنْ قُرَّةِ أَعْيُنٍ} [السجدة: 17].
[صحيح] - [متفق عليه] - [صحيح البخاري: 4779]

Yii a Abɩɩ Hurayra nengẽ, (Wẽnd yard be a yĩnga), tɩ yii Wẽnd Tẽn-tʋʋm nengẽ, (Wẽnd pʋʋsg la A tɩlgr be a yĩnga) a yeelame:
«Wẽnd yeelame (A Naam zẽk yã) Mam seglame M yemb-sõmsã yĩnga, nifr sẽn na n ka yã, tɩ tʋbr ka wʋme la ka lʋɩ ninsaal tagsg pʋgẽ». A Abuu Hʋrayrat yeelame: karem-y tɩ yãmb sã n tʋlla: {Rẽnd yõor kɑ mi b sẽn solg n bĩng bãmbã sẽn yɑɑ sũ-noog lɑ nif mɑɑgr tεkẽ, tɩ yɑɑ b sẽn dɑ yɩ n tʋmdẽ wã rolbo} [As-sagda: 17].
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Al-Bʋẖaary - 4779]

bilgrã

Nabiyaamã (Wẽnd pʋʋsg lɑ A tɩlgr be ɑ yĩngɑ) kõo kibare, tɩ Wẽnde, (A Naam yɩ wagell n zẽke), A yeelame: Mam seglame tɩ yaa waoor ne Mam yemb-sõmsã arzãnã pʋgẽ, nifr sẽn ka yã, la sɩfã tʋbr ka wʋm-a ye, la a yalε wã me ka lʋɩ bõn-naandg sũurẽ ye. A Abʋʋ Hurayra yeele (Wẽnd yard be a yĩnga): karem-y Wẽnd koεεgã tɩ y sã n tʋlla:
{Rẽnd yõor kɑ mi b sẽn solg n bĩng bãmbã sẽn yɑɑ sũ-noog lɑ nif mɑɑgr tεkẽ, tɩ yɑɑ b sẽn dɑ yɩ n tʋmdẽ wã rolbo} {As-sagda: 17}

Sẽn be Hɑdiisã yõod-rãmbẽ

1. Hadiis-kãngã a bee Nabiyaamã (Wẽnd pʋʋsg la A tɩlgr be a yĩnga) sẽn reegd n yit a Soabã nengẽ, boondame tɩ Al-hadiis Alƙʋdsiy (Hadiis yɩlenga, maa Wẽnd hadiisi) yẽ me la hadiis ninga a gom-biisã la a maanã wã yii Wẽnd nengẽ, la a ka tar yel-weendɩ nins Alkʋrãanã sẽn tarã ye, karengã sẽn yaa tũudum, la yɩlg f menga n yaool rɩk-a la a sẽn geesd nebã la zẽng sẽn ka yɩ ne rẽnda.
2. Pirsdame tɩ b yik ne tũudmã la b bas yel-kiti wã, sẽn na yɩl n paam pʋɩɩr ne Wẽnd sẽn segl n kõ A yemb-sõmsã.
3. Wẽnde (A Naam zẽk yã) A ka wilg tõnd A Gafã pʋgẽ, la A Tẽn-tʋʋmã Sũnnah pʋgẽ yεl nins sẽn be arzãnã pʋg gill ye, la tõnd sẽn ka mi wã yɩɩda tõnd sẽn mi wã.
4. Wilgda arzãnã neemã wã sẽn pidã, la wilgd t'a nebã b paamda sũ-noogre, gudgr la peleng yɩk sẽn ka be a pʋgẽ lae.
5. Dũni neemã wã yaa bũmb sẽn loogde, la laahr raarã yẽ sõmblem n yɩɩde, la yẽnda n paade.