Hadiis: M bugsda yãmb tɩ y bas zũnuub yaalsã

عَنْ سَهْلِ بْنِ سَعْدٍ رَضيَ اللهُ عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«إِيَّاكُمْ وَمُحَقَّرَاتِ الذُّنُوبِ، فَإِنَّمَا مَثَلُ مُحَقَّرَاتِ الذُّنُوبِ كَقَوْمٍ نَزَلُوا فِي بَطْنِ وَادٍ، فَجَاءَ ذَا بِعُودٍ، وَجَاءَ ذَا بِعُودٍ، حَتَّى أَنْضَجُوا خُبْزَتَهُمْ، وَإِنَّ مُحَقَّرَاتِ الذُّنُوبِ مَتَى يُؤْخَذْ بِهَا صَاحِبُهَا تُهْلِكْهُ».
[صحيح] - [رواه أحمد] - [مسند أحمد: 22808]

Yii a Sahl ɭbn Sa'ad nengẽ, (Wẽnd yard be a yĩnga) a yeelame: Wẽnd Tẽn-tʋʋmaã yeelame (Wẽnd pʋʋsg la A tɩlgr be a yĩnga):
«M bugsda yãmb tɩ y bas zũnuub yaalsã, tɩ ad zũnuub yaalsã bilgri, yaa wala neb sẽn na n sig ko-soogẽ, tɩ yãwã wa ne raoogo, tɩ yãwã wa ne raoogo, halɩ tɩ b bɩɩs b burã, la ad zũnuub yaalsã b sã n na n yõk a soabã rẽ sabab b halkdame».
[Naṣʋn Ṣahɩɩhʋn (Gom-sikdem sẽn manege)] - [A Ahmad n togs-a] - [Musnad Ahmad - 22808]

bilgrã

Nabiyaamã (Wẽnd pʋʋsg lɑ A tɩlgr be ɑ yĩngɑ) bugsame tɩ b ra wa tʋg n reem ne zũnuub bãanegã ye, n wʋsg-ba, tɩ bala b sã n lagem taaba, a halkdame, la a rɩk bilgr ne yel-kãngã neb sẽn sig ko-soogẽ, tɩ ned fãa wa ne raoogo, halɩ tɩ b wa tõog n bɩɩs b burã ne raad nins b sẽn tigmã, ad zũnuub baanegã, b sẽn wat n yõk a soabã b yĩnga t'a pa tuub n bas-ba, maa Wẽnd yaaf-a, b na n halk-a lame.

Sẽn be Hɑdiisã yõod-rãmbẽ

1. Wilgda Nabiyaamã (Wẽnd pʋʋsg lɑ A tɩlgr be ɑ yĩngɑ) na-kẽndrã bilg-n-taar rɩkre tɩ yaa sẽn na n pẽneg faseng la leb n paas vẽnegre.
2. A bugsdame tɩ b bas zũnuub bãaneg nins sẽn yaa yaalsa, la a pirsdẽ tɩ b yãg n kos yaafa n yi-ba.
3. Zũnuub bãanegã b maanã wã tõeeme n yɩ bʋgo: rẽenemã: yaa yamb sẽn tʋmd zũnuub-rãmba, n tẽed tɩ yaa zũnuub bãanego, t'a yaool n yaa zũnuub bεd Wẽnd nengẽ (A naam zẽk yã). Yiib soaba: yaa yamb sẽn tʋmde sẽn yaa zũnuub bãanegã, n pa ning a toog ne-b ye, la a pa tuubdi n bas-b ye, tɩ zũnuub bãaneg-kãensã wa tigim taab a zugu halɩ n halk-a. Tãab soaba: yaa yamb sẽn tʋmd zũnuub-rãmba sẽn yaa bãanegã, t'a toog ka be ne-b ye, tɩ b yɩ sabab t'a lʋɩ zũnuub bεdã pʋgẽ sẽn halkd a soabã.