Hadiis: Lɩslaam zɩɩm wɩdeng ka segd ye, rẽnda yεl a tãab ɑ yembr yĩnga

عَنِ ابنِ مَسعُودٍ رَضِيَ اللَّهُ عَنْهُ قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«لَا يَحِلُّ دَمُ امْرِئٍ مُسْلِمٍ إِلَّا بِإِحْدَى ثَلَاثٍ: الثَّيِّبُ الزَّانِي، وَالنَّفْسُ بِالنَّفْسِ، وَالتَّارِكُ لِدِينِهِ المُفَارِقُ لِلْجَمَاعَةِ».
[صحيح] - [متفق عليه] - [صحيح مسلم: 1676]

Yii a ɭbn Mas’ʿʋʋd nengẽ, (Wẽnd yard be a yĩnga), a yeelame: Wẽnd Tẽn-tʋʋmã, (Wẽnd pʋʋsg la A tɩlgr be a yĩngɑ) yeelame:
«Lɩslaam zɩɩm wɩdeng ka segd ye, rẽnda yεl a tãab ɑ yembr yĩnga, nin-kẽem yoaadga, la ned sẽn yãk yõor tɩ b nɑ n kʋ-a n role, la dĩinã basda n welg n bas zamã wã».
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Muslim - 1676]

bilgrã

Nabiyaamã vẽnegame (Wẽnd pʋʋsg la A tɩlgr be a yĩngɑ) tɩ ad lɩslaam zɩɩm yaa haraam, rẽnda sẽn tũ ne yεl a tãabã a yembre: Rẽenemã: ned ning sẽn wa n lʋɩ yoob tʋʋm beed pʋgẽ, la mikame t'a reng n furame, ne fur loees sẽn manege, rẽnd yaa halaal tɩ b lob-a ne kuga. Yiib soaba: ned ning sẽn kʋ yõor sẽn pɑ sεgd n kʋ, ne pʋ-toogo, tɩ ka tũ ne hakε, b kʋʋd-a lame n lebs ne a sart-rãmbã. Tãab soaba: ned ning sẽn yi n bas lɩslaambã zãma, maa a basa lɩslaamdã dĩin ne tar-n-bas dĩini, maa a welgame la a ka bas dĩinã ye, la a basa dĩinã sãnda, wala kedgdbã, la so-gɩtbã, la zɑb-zabdbã, sẽn yɑɑ hawaarigã (lɩslɑɑngã nɑɑm kɩɩsdbã), la zẽng sẽn ka bãmbã.

Sẽn be Hɑdiisã yõod-rãmbẽ

1. Yaa yεl-kãensã b tãabã gɩdgre, tɩ la ad ned ning sẽn wa n maana a yembre b pʋgẽ, a sõmba ne kʋʋbo: maa ne kɩfẽndo, la yẽ la tar-n-yi dĩinã, maa yɑɑ hadde (Dĩin sɩbgre), rolbo, la bãmb b yiibã: yaa pog-sɩd yoaadga, la nin-kʋʋd ne pʋ-toogo.
2. Burkĩndã gũusg la a yɩlgrã sẽn yɑɑ tɩlɑe wã.
3. Sẽn yaa tɩlae tɩ b waoog lɩslaama, la ad a zɩɩmã yaa sẽn gũ.
4. Yaa pirsg n tʋg lɩslaambã zãma lɑlggo, la b ra welg n yi-b ye.
5. Nabiyaamã wilg sõngã (Wẽnd pʋʋsg la A tɩlgr be a yĩngɑ) a sẽn mi n wa ne gomd wakat sãnda n pʋɩt-a; bala pʋɩɩbã gũbgda masaalã wã la tigimd-ba, t'a rulsgã yaa naana.
6. Wẽnd tuka todsã; sẽn na yɩl n busg nin-wẽnsã, la sẽn na yɩl n gũ nin-buiidã la kogl-ba n yi tʋʋm wẽnã.
7. Tod-kãensã maaneg yaa taoor soabã n so.
8. Kʋʋbã sabab-rãmb yɩɩda a tãabo, la ad b pɑ yit bãmbã pʋgẽ ye, a ɭbn Al-ʿarabiy Al-Maalikiy yeelame: ka yit bãmbã pʋgẽ wã n yɑɑ soɑb fãɑ, bɑlɑ ned ning sẽn sɑood-tɩɩmã, maa a tʋʋ Wẽnd nabiyaama, kɩflame, rẽn yẽ kẽedɑ sẽn bɑs ɑ dĩinã pʋgẽ.