Hadiis: Yɩ dũni wã tɩ yaa wala fo yaa sãana maa so-toak soaba

عَنْ عَبْدِ اللَّهِ بْنِ عُمَرَ رَضِيَ اللَّهُ عَنْهُمَا قَالَ: أَخَذَ رَسُولُ اللَّهِ صَلَّى اللهُ عَلَيْهِ وَسَلَّمَ بِمَنْكِبِي، فَقَالَ:
«كُنْ فِي الدُّنْيَا كَأَنَّكَ غَرِيبٌ أَوْ عَابِرُ سَبِيلٍ»، وَكَانَ ابْنُ عُمَرَ، يَقُولُ: إِذَا أَمْسَيْتَ فَلاَ تَنْتَظِرِ الصَّبَاحَ، وَإِذَا أَصْبَحْتَ فَلاَ تَنْتَظِرِ المَسَاءَ، وَخُذْ مِنْ صِحَّتِكَ لِمَرَضِكَ، وَمِنْ حَيَاتِكَ لِمَوْتِكَ.
[صحيح] - [رواه البخاري] - [صحيح البخاري: 6416]

Yii a ʿAbdʋllaah ɭbn ʿƲmar nengẽ, (Wẽnd yard be b yiibã yĩnga), a yeelame: Wẽnd Tẽn-tʋʋmã, (Wẽnd pʋʋsg la A tɩlgr be a yĩngɑ) a gãda mam bãokã, n yeele:
«Yɩ dũni wã tɩ yaa wala fo yaa sãana maa so-toak soaba», la a ɭbn ʿƲmar rag n yɩɩme n yetẽ: f sã n ta zaabr bɩ f ra koll yibeoog ye, la f sã n yik yibeoog bɩ f ra koll zaabr ye, la f zaεεg fo laafɩ wã wakato bãagã yĩnga, la f zaεεg vɩɩmã wakat kũumã yĩnga».
[Naṣʋn Ṣahɩɩhʋn (Gom-sikdem sẽn manege)] - [A Al-Bʋẖaariy n togs-a] - [Ṣahɩɩh Al-Bʋẖaary - 6416]

bilgrã

A ɭbn ʿƲmar (Wẽnd yard be b yiibã yĩnga) a togsame tɩ Nabiyaamã (Wẽnd pʋʋsg la A tɩlgr be a yĩngɑ) a gãda a bãokã la a yeel-a: yɩ dũni wã tɩ yɑɑ wala fo yaa sãana, sẽn wa tẽngẽ n ka tar gãag zĩig sẽn na n reeg-a ye, tẽng-n-ned me ka be n yubsd a neng ye, n ka tar zak rãmba, a ka tar koamba, a ka tar kĩid-n-taar ye, yεl nins sẽn yaa sɑbɑb n maand soagl n yi Naandã, pɑ woto ye, pʋs n yɩ kεgeng n yɩɩd sãana, la yẽnda la so-toak soaba sẽn pɩʋugdẽ n rat tẽnga; bala sãan tõeeme n zĩnd tẽngẽ, la woto yõsga ne so-toak soaba, sẽn gẽesd a ba-yiri, a tõe n maana lom-lom n ka yals ye, la a maan yã-beed ne a ba-yirã taabo. Rẽnd wala kẽnkẽnd sẽn ka tar tʋlsem n yɩɩd bũmb ning sẽn na n taas-a a sorã baasgẽ wã, yaa woto bal la sɩd-kõta a ka tar dũni kaanẽ tʋlsem n yɩɩd bũmb ning sẽn na n taas-a sigbẽ wã.
T'a ɭbn ʿƲmar tʋm ne sagl-kãngã, a rag n yɩɩme n yetẽ: f sã n ta zaabr bɩ f ra koll yibeoog ye, la f sã n yik yibeoog bɩ f ra koll zaabr ye, la sõd f menga n lagem yaadẽ rãmba, n lagem yõorã a ka bakd n be laafɩ maa bãag ye; Bɩ f zεεg f laafɩ wã rasem-rãmbã ne tũudum fo bãagã yĩnga, la bao tʋʋm sõmã yõodo fo laafɩ wã wakato, taoor tɩ bãag ka gɩdg-f ye, la bao yõod fo vɩɩmã dũni wã pʋgẽ, n tigim a pʋgẽ bũmb ning sẽn nafd foom f kũumã poorẽ.

Sẽn be Hɑdiisã yõod-rãmbẽ

1. Karem-saam rɩk a nugã n rogl karen-biigã bãokẽ, tɩ yaa nen-yubsgu la nekre.
2. Wilgdame tɩ b sõmb n sɩnga ne saglga la teesgo, ned ning sẽn pa baood rẽndã.
3. Nabiyaamã karen-sõngã (Wẽnd pʋʋsg la A tɩlgr be a yĩngɑ) ne bilgr rɩkr sẽn kẽed yam, a yeelgã pʋgẽ: "Yɩ dũni kaanẽ wala fo yaa sãana maa so-toak soaba".
4. Nebã sẽn yõs taaba b kẽnã wεεngẽ n tʋg laahrã; rẽnd so-toagda, a Zuhdã (dũni yĩgsgã) zẽkɑme n yɩɩda sãana.
5. Wilgda tẽebã koeelem, la seglg n gũ kũumã.
6. Hadiisã ka wilgd tɩ b bas rɩtlã la dũni yel-noodã yẽ, la ad a wilgdame tɩ b maan yamleoog ne dũni yĩgsgã, la b boog dũni wã bilfu.
7. Wilgdame tɩ b yãg n maan tʋʋm sõmã wã taoor tɩ f ka kong a pãng ye, tɩ bãaga maa kũum gɩdg-fo.
8. Wilgda a ʿAbdʋllaah ɭbn ʿƲmar yɩɩdlemã (Wẽnd yard be b yiibã yĩnga) zĩig ningã a sẽn rɩk vũun ne waazʋ-kãngã Nabiyaamã nengẽ (Wẽnd pʋʋsg la A tɩlgr be a yĩngɑ).
9. Sɩd-kõtã tẽng yaa arzãna, la a yaa sãan dũni wã, n yaa boabd n tʋgd laahre, a ka rɩkd a sũurã n yagl ne bũmb sẽn be sãandã tẽng ye, la a sũurã yagla ne a tẽngã a sẽn na n lebg n tʋgã, la a sẽn zĩ dũni wã yaa sẽn na n maneg a tʋlsem la a segl n leb a tẽngẽ wã.