حدیث: خبر اوسئ چې دا دنیا او څه چې په کې دي لعنتي دي، پرته د الله تعالی له یاد (ذکر) او هغه څه څخه چې تړاو ورسره لري، او عالم یا زده کونکی

عَنْ أَبِي هُرَيْرَةَ رَضيَ اللهُ عنهُ سمعتُ رَسُولَ اللهِ صَلَّى اللهُ عَلَيْهِ وَسَلَّمَ يقولُ:
«أَلاَ إِنَّ الدُّنْيَا مَلْعُونَةٌ، مَلْعُونٌ مَا فِيهَا، إِلاَّ ذِكْرُ اللهِ وَمَا وَالاَهُ وَعَالِمٌ أَوْ مُتَعَلِّمٌ».
[حسن] - [رواه الترمذي وابن ماجه] - [سنن الترمذي: 2322]

له ابو هریره رضی الله عنه څخه روایت دی چې ما له رسول الله صلی الله علیه وسلم څخه اورېدلي چې ویل یې:
" خبر اوسئ چې دا دنیا او څه چې په کې دي لعنتي دي، پرته د الله تعالی له یاد (ذکر) او هغه څه څخه چې تړاو ورسره لري، او عالم یا زده کونکی".
[حسن] - [الترمذي او ابن ماجه روايت کړی دی] - [جامع الترمذي - 2322]

تشریح

رسول الله صلی الله علیه وسلم فرمایلي چې دنیا او هر څه چې په کې دي د الله تعالی له خوا داسې یو څه ګڼل شوې چې کرکه ترې شوې، غندل شوې، پرېښودل شوې او لرې اېسته شوې ګڼل شوې ده، ټول هغه څه لرې پرېښودل شوي چې پکې دي او هېڅ ستاینه یې نه کېږي، پرته د الله تعالی له یاد او هغه څه څخه چې ورته دي او الله تعالی یې خوښ ګڼي، او په شرعي علم پوه چې نورو ته یې ورزده کوي او یا یې پخپله زده کوي.

د حديث له ګټو څخه

1. په دنیا مطلق لعنت ویل روا نه دي، ځکه داسې احادیث شته چې دا کار یې منع کړی، خو پر هغه څه لعنت ویل روا دی چې خلک له الله تعالی څخه لرې کوي او د هغه له طاعت څخه یې بوختوي.
2. په دنیا کې چې څه دي نو هغه لهو او لعب دي، پرته د الله تعالی له یادولو څخه او هغه څه چې د ذکر لامل او مرسته کوونکی ګرځي.
3. د علم، علماوو او طالب العلمانو فضیلت.
4. ابن تیمیه ویلي: له دې دنیا څخه هغه څه بد دي چې حرام دي او له کوم لامل پرته تر سره کېږي، او یا هغه حلال چې د ډېرېدو او ویاړ په موخه کېږي، او یا هغه څه چې د ځان د شهرت او ریا کارۍ لپاره کېږي، نو دا کړنې د عاقلانو له انده هغه څه دي چې کرکه ترې کېږي.