Hadith: “ខណៈពេលដែលបុរសម្នាក់កំពុងដើរតាមផ្លូវ គាត់បានប្រទះឃើញមែកឈើដែលមានបន្លាមួយនៅលើផ្លូវ គាត់ក៏កាត់វាចេញ។ ដូច្នេះ អល់ឡោះជាម្ចាស់ក៏បានថ្លែងអំណរគុណចំពោះបុរសនោះ និងបានអភ័យទោសឲ្យគាត់”។

عَنْ أَبِي هُرَيْرَةَ رَضيَ اللهُ عنهُ أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ:
«بَيْنَمَا رَجُلٌ يَمْشِي بِطَرِيقٍ وَجَدَ غُصْنَ شَوْكٍ عَلَى الطَّرِيقِ فَأَخَّرَهُ، فَشَكَرَ اللَّهُ لَهُ فَغَفَرَ لَهُ».
[صحيح] - [متفق عليه] - [صحيح مسلم: 1914]

អំពី អាពូហ៊ូរ៉យរ៉ោះ رضي الله عنه ពិតណាស់រ៉ស៊ូលុលោះ ﷺ លោកបានមានប្រសាសន៍ថា៖
“ខណៈពេលដែលបុរសម្នាក់កំពុងដើរតាមផ្លូវ គាត់បានប្រទះឃើញមែកឈើដែលមានបន្លាមួយនៅលើផ្លូវ គាត់ក៏កាត់វាចេញ។ ដូច្នេះ អល់ឡោះជាម្ចាស់ក៏បានថ្លែងអំណរគុណចំពោះបុរសនោះ និងបានអភ័យទោសឲ្យគាត់”។
[صحيح] - [متفق عليه] - [صحيح مسلم - 1914]

Explanation

ណាពី ﷺ លោកបានប្រាប់ថា ខណៈពេលដែលបុរសម្នាក់កំពុងដើរតាមផ្លូវ គាត់ក៏បានដើរកាត់មែកឈើដែលមានបន្លាមួយនៅលើផ្លូវដែលអាចបង្កគ្រោះថ្នាក់ដល់អ្នកមូស្លីម។ ពេលនោះ បុរសនោះក៏បានយកវាចេញពីផ្លូវ។ ដូច្នេះ អល់ឡោះជាម្ចាស់ក៏បានថ្លែងអំណរគុណចំពោះបុរសនោះ និងបានអភ័យទោសឲ្យគាត់។

Benefits from the Hadith

1. ឧត្តមភាពនៃការយករបស់ដែលបង្កគ្រោះថ្នាក់ចេញពីផ្លូវដើរ ហើយពិតណាស់ វាជាមូលហេតុមួយក្នុងការទទួលបានការអភ័យទោសពីអល់ឡោះ។
2. មិនត្រូវមើលស្រាលអំពើល្អឡើយ ទោះបីទង្វើនោះសាមញ្ញក៏ដោយ។
3. ឥស្លាមជាសាសនាអនាម័យ ព្រមទាំងថែរក្សាបរិស្ថាននិងសុវត្ថិភាពសាធារណៈ។