فەرموودە: ((شیردان وێ حهرام دكهت یا ژ دایكبوون حهرام دكهت))
عَنْ عَائِشَةَ رَضِيَ اللَّهُ عَنْهَا عَنِ النَّبِيِّ صَلَّى اللهُ عَلَيْهِ وَسَلَّمَ قَالَ:
«الرَّضَاعَةُ تُحَرِّمُ مَا تُحَرِّمُ الوِلَادَةُ».
[صحيح] - [متفق عليه] - [الأربعون النووية: 44]
المزيــد ...
ژ عائیشایێ (خودێ ژێ ڕازی بیت) ژ پێغهمبهری (صهلات و سهلامێن خودێ ل سهر بن) گۆت:
((شیردان وێ حهرام دكهت یا ژ دایكبوون حهرام دكهت)).
[صحيح] - [متفق عليه] - [الأربعون النووية - 44]
پێغهمبهری (صهلات و سهلامێن خودێ ل سهر بن) دیاركر كو ئهو كهسێن ب زارۆكبوون و خزمایهتییێ حهرام دبن؛ ب شیردانێ ژی حهرام دبن، وهكی خالی یان مامی یان برای... هتد، و ئهو تشتێ ب زارۆكبوونێ حهلال دبيت ژ حوكمان؛ ب شیردانێ ژی حهلال دبیت.
لە سوودەکانی فەرموودەکە
- فهرمووده بناخهیهكه ل دۆر حوكمێن شیردانێ.
- ئبن حهجهری گۆت: گۆتنا وی: (ئهو تشتێ زارۆكبوون حهرام دكهت؛ شیردان ژی حهرام دكهت)، ئانكو: ئهو تشتێ زارۆكبوون حهلال دكهت؛ شیردان ژی حهلال دكهت، و ئهڤه بابهتهكه ئێكدهنگی یا ل سهر ههی د وێ ئێكێدا یا كو د گهل حهرامكرنا ژنئینانێ و ئهو تشتێن ب دویڤ وێدا دهێن و بهلاڤبوونا حهرامبوونێ د ناڤبهرا شیرخۆر و زارۆكێن شیردهرێدا و دانانا وان د پلهیا خزم و كهسێن نێزیكدا بۆ دروستییا بهرێخۆدان و بتنێمانێ و گهشتكرنێ د گهل، بهلێ حوكمێن دی یێن دایكینییێ ل سهر ناهێنه ئاڤاكرن ژ میراتگرییێ و فهربوونا مهزاختن لێكرنێ و ئازادكرنا ب مولكییهتێ و شاهدهدانێ و خوینێ و ڕاكرن و نهمانا تۆلڤهكرنێ.
- بنهجهكرنا حوكمێ حهرامبوونێ ب شیردانێ ب حهرامبوونهكا ههروههر.
- فهرموودهیێن دی ئاماژه ب وێ چهندێ دایه كو حهرامبوونا ب شیردانێ ب پێنچ شیردانێن دیاره و كو دڤێت ئهو شیردان د دوو سالێن ئێكێدا بن.
- ئهو ژنێن ب نهسهبێ حهرام دبن ئهڤهنه : دایكن و داپیر ژی دكهڤنه د بنڤه و هندی د سهردا بن ژ لایێ دایكێ یان بابیڤه، كچن و كچێن كچان و كچێن كوڕان ژی دكهڤنه د بنڤه و هندی د بن واندا بن. خویشكن، چ ئهڤ خویشكه ژ لایێ بابی و دایكێڤه بن، یان ژی ژ لایێ ئێك ژ وان ب تنێڤه بن. مهتن و خویشكێن بابی یێن دایبابی و یێن نه دایبابی ژی ههمی دكهڤنه د بنڤه، ههروهسا ههمی خویشكێن باپیرێن ته ژی و هندی د سهردا بن، خالهتن و خویشكێن دایكێ یێن دایبابی و یێن نه دایبابی ژی ههمی دكهڤنه د بنڤه، ههروهسا ههمی خویشكێن داپیران ژی و هندی د سهردا بن، چ ئهڤ داپیره یێن بابی بن یان یێن دایكێ، دیسان كچێن برای و كچێن خویشکێ و كچێن وان ژی و هندی د بندا بن دكهڤنه د بنڤه.
- ئهو ژنێن ب شیردانێ حهرام دبن: ئهو ژنێن ب نهسهبێ حهرام دبن؛ ب شیردانێ ژی حهرام دبن، ڤێجا ههر ژنهك ب نهسهبێ حهرام بوو، وهكی وێ ب شیردانێ ژی حهرام دبیت، ژ بلی دایكا برایێ وێ و خویشكا كوڕێ وێ، ئهڤێن ههنێ ب شیردانێ حهرام نابن.