Hadithi: “Shikoni ata që janë poshtë jush e mos i shikoni ata që janë sipër jush, sepse kështu ka më pak gjasa që të mos i përçmoni begatitë e Allahut ndaj jush.”

عَنْ أَبِي هُرَيْرَةَ رَضيَ اللهُ عنهُ قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«انْظُرُوا إِلَى مَنْ أَسْفَلَ مِنْكُمْ، وَلَا تَنْظُرُوا إِلَى مَنْ هُوَ فَوْقَكُمْ، فَهُوَ أَجْدَرُ أَلَّا تَزْدَرُوا نِعْمَةَ اللهِ عَلَيْكُمْ».
[صحيح] - [متفق عليه] - [صحيح مسلم: 2963]

Ebu Hurejra (Allahu qoftë i kënaqur me të!) transmeton se i Dërguari i Allahut ﷺ ka thënë:
“Shikoni ata që janë poshtë jush e mos i shikoni ata që janë sipër jush, sepse kështu ka më pak gjasa që të mos i përçmoni begatitë e Allahut ndaj jush.”
[Sahih] - [Muttefek alejhi] - [Sahihu i Muslimit - 2963]

Shpjegimi

Profeti ﷺ në këtë hadith e urdhëroi muslimanin që, në çështjet e kësaj bote, t'i shikojë ata që janë më poshtë tij dhe më pak se ai për nga gjendja, pasuria, pozita e nderi, e të mos shikojë ata që janë mbi të apo më të përparuar se ai. Kjo sepse shikimi te ata që janë më poshtë njeriut, ka më pak gjasa që të mos nënvlerësohen dhe përbuzen begatitë që Allahu ti ka dhuruar.

Mësime nga hadithi

1. Kënaqësia me atë që ka besimtari është një nga tiparet më fisnike të tij dhe shenjë e kënaqësisë me caktimin e Allahut.
2. Ibn Xheriri ka thënë: "Ky është një hadith gjithëpërfshirës, që përmbledh lloje të shumta të hajrit, sepse kur njeriu sheh dikë që në këtë botë ka përparuar mbi të, shpirti i tij e dëshiron të njëjtën gjë, i nënvlerëson begatitë që Allahu i Lartësuar ia ka dhënë dhe shtohet te ai dëshira për të grumbulluar më shumë, me synimin për ta arritur ose për t'u barazuar me atë person. Kjo është gjendja e shumicës së njerëzve. Por, kur ai shikon ata që janë më poshtë tij në çështjet e kësaj bote, atëherë i bëhen të qarta begatitë e Allahut ndaj tij, kësisoj e falënderon Atë, tregohet modest dhe vepron mirë me atë që i është dhënë."