فەرموودە: ((مه‌ته‌لا وی باوه‌ردارێ قورئانێ دخوینیت؛ وه‌كی مه‌ته‌لا نارنجێیه‌ (فێقییه‌كێ تڕشه‌ وه‌كی لیمون و پڕته‌قالێیه‌، به‌لێ د قه‌باره‌یدا ژ وان مه‌زنتره‌)، تاما وێ یا خۆشه‌ و بێهنا وێ ژی یا خۆشه‌، و مه‌ته‌لا وی باوه‌ردارێ قورئانێ ناخوینیت؛ وه‌كی مه‌ته‌لا خورمێیه‌، چ بێهن نینن و تاما وێ یا شرینه‌

عَن أَبي مُوْسى الأَشْعريِّ رضي الله عنه قال: قال رسولُ اللهِ صلى اللهُ عليه وسلم:
«مَثَلُ الْمُؤْمِنِ الَّذِي يَقْرَأُ الْقُرْآنَ كَمَثَلِ الْأُتْرُجَّةِ، رِيحُهَا طَيِّبٌ وَطَعْمُهَا طَيِّبٌ، وَمَثَلُ الْمُؤْمِنِ الَّذِي لَا يَقْرَأُ الْقُرْآنَ كَمَثَلِ التَّمْرَةِ، لَا رِيحَ لَهَا وَطَعْمُهَا حُلْوٌ، وَمَثَلُ الْمُنَافِقِ الَّذِي يَقْرَأُ الْقُرْآنَ مَثَلُ الرَّيْحَانَةِ، رِيحُهَا طَيِّبٌ وَطَعْمُهَا مُرٌّ، وَمَثَلُ الْمُنَافِقِ الَّذِي لَا يَقْرَأُ الْقُرْآنَ كَمَثَلِ الْحَنْظَلَةِ، لَيْسَ لَهَا رِيحٌ وَطَعْمُهَا مُرٌّ».
[صحيح] - [متفق عليه] - [صحيح البخاري: 5427]

ئه‌بو مووسایێ ئه‌شعه‌ری (خودێ ژێ ڕازی بیت) دبێژیت: پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت:
((مه‌ته‌لا وی باوه‌ردارێ قورئانێ دخوینیت؛ وه‌كی مه‌ته‌لا نارنجێیه‌ (فێقییه‌كێ تڕشه‌ وه‌كی لیمون و پڕته‌قالێیه‌، به‌لێ د قه‌باره‌یدا ژ وان مه‌زنتره‌)، تاما وێ یا خۆشه‌ و بێهنا وێ ژی یا خۆشه‌، و مه‌ته‌لا وی باوه‌ردارێ قورئانێ ناخوینیت؛ وه‌كی مه‌ته‌لا خورمێیه‌، چ بێهن نینن و تاما وێ یا شرینه‌، و مه‌ته‌لا وی مونافق و دووڕوییێ قورئانێ دخوینیت؛ وه‌كی مه‌ته‌لا ڕحانێیه‌، بێهنا وێ یا خۆشه‌ و تاما وێ یا ته‌عله‌، و مه‌ته‌لا وی مونافق و دووڕوییێ قورئانێ ناخوینیت؛ وه‌كی مه‌ته‌لا په‌تریشۆكێیه (گیایه‌كێ گه‌له‌ك ته‌عله‌، ژ لایێ شكلێ خۆڤه‌ وه‌كی شتییه، به‌لێ ب كێر خوارنێ ناهێت، ژ به‌ر كو گه‌له‌كێ ته‌عله و یێ ژه‌هراوییه)‌‌، چ بێهن نینن و تاما وێ یا ته‌عله‌)).
[صحيح] - [متفق عليه] - [صحيح البخاري - 5427]

شیکردنەوە

پێغه‌مبه‌ری (صه‌لات و سه‌لامێن خودێ ل سه‌ر بن) پله‌یێن خه‌لكی د خواندنا قورئانێ و مفا وه‌رگرتنا ژ وێ دیار كرن، ڤێجا ئه‌و‌ ب ڤی ڕه‌نگینه‌:
پشكا ئێكێ: باوه‌ردارێ قورئانێ دخوینیت و كار پێ دكه‌ت، ئه‌و وه‌كی فێقییێ نارنجێیه‌، تام و بێهن و ڕه‌نگێ وێ یێ خۆش و جوانه‌ و مفایێن وێ ژی گه‌له‌كن‌، چونكی ئه‌و كاری ب وێ قورئانێ دكه‌ت یا دخوینیت و مفای دگه‌هینیته‌ عه‌بدێن خودێ.
یا دووێ: باوه‌ردارێ قورئانێ نه‌خوینیت، ئه‌و وه‌كی خورمێیه‌، تاما وێ یا شرینه‌، به‌لێ چ بێهن نینه‌‌. دلێ وی یێ پڕه‌ ژ باوه‌رییێ وه‌كی شریناهییا ناڤا خورمێ، به‌لێ چونكی قورئانێ ناخوینیت؛ بێهنه‌كا وه‌سا ژێ ناهێت كو خه‌لك پێ ب حه‌سییێن و ب گوهلێبوونا وێ ئارام ببن.
یا سێیێ: مونافقێ قورئانێ دخوینیت، ئه‌و وه‌كی ڕحانێیه‌، بێهنا وێ یا خوشه‌، به‌لێ تاما وێ یا ته‌عله‌‌. ڤی كه‌سی‌ دلێ خۆ ب باوه‌رییێ چاك نه‌كرییه‌ و كار ب قورئانێ ناكه‌ت، به‌لێ ل پێش چاڤێن خه‌لكی خۆ وه‌ك باوه‌ردار نیشان دده‌ت، ڤێجا بێهنا وێ یا خوش وه‌كی خواندنا وییه‌ و تاما وێ یا ته‌عل وه‌كی كوفر و نیفاقا وییه‌.
یا چارێ: مونافقێ قورئانێ نه‌خوینیت، ئه‌و وه‌كی په‌تریشۆكێیه‌، ئه‌وێ چ بێهن نینن و تاما وێ گه‌له‌ك یا ته‌عله‌. نه‌مانا بێهنێ وه‌كی نه‌خواندنا وییه‌، و ته‌علییا تاما وێ وه‌كی كوفرا وییه‌، ناخێ وی ژ باوه‌رییێ یێ ڤالایه‌ و سه‌رڤه‌هییا وی ژی چ مفا تێدا نینه‌، به‌لكی یێ ب زیانه‌ ژی.

لە سوودەکانی فەرموودەکە

1. دیاركرنا قه‌در و بهایێ وی كه‌سێ قورئانێ دخوینیت و كار پێ دكه‌ت.
2. ژ ڕێكێن فێركرنێ؛ ئینانا نموونه‌ و مه‌ته‌لانه‌‌ بۆ نێزیككرنا تێگه‌هشتنێ.
3. پێدڤییه‌ موسلمانی پشكه‌كا به‌رده‌وام یا خواندنا قورئانێ هه‌بیت.