Hadith: ((چ ڕۆژ نینن كریارێن باش تێدا خۆشتڤیتر بن ل دهڤ خودێ ژ ڤان ڕۆژان))، ئانكو: دههكێن حاجییان
عن ابن عباس رضي الله عنهما قال: قال رسول الله صلى الله عليه وسلم:
«ما مِنْ أيَّامٍ العمَلُ الصَّالِحُ فيها أحبُّ إلى اللهِ مِن هذه الأيام» يعني أيامَ العشر، قالوا: يا رسُولَ الله، ولا الجهادُ في سبيلِ الله؟ قال: «ولا الجهادُ في سبيلِ الله، إلا رجلٌ خَرَجَ بنفسِه ومالِه فلم يَرْجِعْ من ذلك بشيءٍ».
[صحيح] - [رواه البخاري وأبو داود، واللفظ له] - [سنن أبي داود: 2438]
المزيــد ...
ئبن عهباس (خودێ ژ ههردووكان ڕازی بیت) دبێژیت: پێغهمبهرێ خودێ (صهلات و سهلامێن خودێ ل سهر بن) گۆت:
((چ ڕۆژ نینن كریارێن باش تێدا خۆشتڤیتر بن ل دهڤ خودێ ژ ڤان ڕۆژان))، ئانكو: دههكێن حاجییان، گۆتن: ئهی پێغهمبهرێ خودێ، خۆ جیهادا د ڕێكا خودێ ژیدا؟ گۆت: ((خۆ جیهادا د ڕێكا خودێ ژیدا، ب تنێ ئهو نهبیت زهلامهك ب نهفسا خۆ و مالێ خۆ دهركهڤیت و خۆ تشتهك ژ وان نهزڤڕیتهڤه)).
[صحيح] - [رواه البخاري وأبو داود، واللفظ له] - [سنن أبي داود - 2438]
پێغهمبهر (صهلات و سهلامێن خودێ ل سهر بن) دیار دكهت كو كارێ باش د دهھ ڕۆژێن دهستپێكێدا ژ ههیڤا زیلحیججه؛ باشتر و بخێرترن ژ ههمی ڕۆژێن دی یێن سالێ.
صهحابییان (خودێ ژ ههمییان ڕازی بیت) دهربارهی جیهادێ پرسیار ژ پێغهمبهری (صهلات و سهلامێن خودێ ل سهر بن) کر ئهگهر د ڤان دهھ ڕۆژاندا نهبیت كا ئهرێ ئهو باشتر و بخێرتره، یان ژی كارێن باش یێن د ڤان دهھ ڕۆژاندا دهێنه كرن؟ ئهگهرێ ڤێ پرسیارێ ژی ئهو بوو كو ل دهڤ وان تشتهكێ بنهجھ و ئاشكهرا بوو كو جیهاد ژ باشترین كریارانه.
ئینا پێغهمبهری (صهلات و سهلامێن خودێ ل سهر بن) بهرسڤا وان دا كو: كارێ باش د ڤان ڕۆژاندا ژ كرنا جیهادێ د ڕۆژێن دیدا بخێرتره، ب تنێ زهلامهك نهبیت كو ژ مالا خۆ دهركهڤتبیت و چووبیته جیهادێ و ڕۆحا خۆ و مالێ خۆ د ڕێكا خودێدا ئێخستبنه د مهتڕسییێدا، پاشی مالێ خۆ ههمی ژ دهست دا و ڕۆحا وی ژی د ڕێكا خودێدا ژ لهشێ وی دهركهڤت. ئاها ئهڤ كاره ژ كرنا كارێ باش د ڤان ڕۆژێن خێرێدا باشتره.
Benefits from the Hadith
- خێرا كارێ باش د دههكێن حاجییاندا، لهوا پێدڤییه ل سهر مرۆڤێ موسلمان ئهو ڤان ڕۆژان بۆ خۆ ب دهرفهت وهربگریت و گهلهك عیبادهتی تێدا بكهت، ژ كرنا زكرێ خودێ و خواندنا قورئانێ و تهكبیر (گۆتنا: ألله أكبر) و تههیلیل (گۆتنا: لا إله إلا الله) و تهحمیدان (گۆتنا: الحمدلله)، زێدهباری كرنا نڤێژان و دانا خێر و صهدهقهیان و گرتنا ڕۆژییان و ههمی كارێن دی یێ یێن خێرێ.