Ab Adiis: ñeel na Aji-gëm ji ca àjjana ab xaymab wurus bu ñu yaatal, guddaayam tolloo ak juróom-benni Miil, aji-gëm ji dana fa am ay njaboot, aji-gëm ji dana leen wër te ñenn ñi duñu gis ñeneen ñi

عَنْ أَبِي مُوسَى رضي الله عنه عَنِ النَّبِيِّ صَلَّى اللهُ عَلَيْهِ وَسَلَّمَ، قَالَ:
«إِنَّ لِلْمُؤْمِنِ فِي الْجَنَّةِ لَخَيْمَةً مِنْ لُؤْلُؤَةٍ وَاحِدَةٍ مُجَوَّفَةٍ، طُولُهَا سِتُّونَ مِيلًا، لِلْمُؤْمِنِ فِيهَا أَهْلُونَ، يَطُوفُ عَلَيْهِمِ الْمُؤْمِنُ فَلَا يَرَى بَعْضُهُمْ بَعْضًا».
[صحيح] - [متفق عليه] - [صحيح مسلم: 2838]

Jële nañu ci Abuu Muusa Al-Asharii -yal na ko Yàlla dollee gërëm- mu jële ci Yonente bi -yal na ko Yàlla dolli xéewal ak mucc- mu wax ne:
"ñeel na Aji-gëm ji ca àjjana ab xaymab wurus bu ñu yaatal, guddaayam tolloo ak juróom-benni Miil, aji-gëm ji dana fa am ay njaboot, aji-gëm ji dana leen wër te ñenn ñi duñu gis ñeneen ñi".
[Wér na] - [Al-buxaariy ak Muslim dëppoo nañu ci génnee ko ci seen ñaari téere yi gën a wér] - [Téere Muslim bi gën a wér - 2838]

Leeral

Yonente bi yal na ko Yàlla dolli xéewal ak mucc day xibaare lenn ci xéewali àjjana ya, ak ne aji-gëm ji dana am ca àjjana xayma bu màgg te yaatu ci biiram, mu nekk ci wurus wu yaatu, yaatuwaayam ak guddaayam ci kawe toll ni juróom-benni miil, wet gu nekk ak wàll wu ne ak koñ bu ne ci ñenti koñam am na fa ay soxna, ñenn ñi duñu gis ñeneen ñi, te aji-gëm dana leen wër ñoom ñépp.

Bokk na ci njariñi Adiis bi

1. Leeral màggaayu xéewali waa àjjana.
2. Xemmemloo ci jëf lu baax ci leeral li leen Yàlla waajalal ci ay xéewal.