Ab Adiis: moom am ndoxam lu laab la , am méddam it lu dagan la

عَن أَبِي هُرَيْرَةَ رضي الله عنه قَالَ:
سَأَلَ رَجُلٌ رَسُولَ اللهِ صَلَّى اللَّهُ عَلَيْهِ وَسَلَّمَ، فَقَالَ: يَا رَسُولَ اللهِ، إِنَّا نَرْكَبُ البَحْرَ، وَنَحْمِلُ مَعَنَا القَلِيلَ مِنَ الْمَاءِ، فَإِنْ تَوَضَّأْنَا بِهِ عَطِشْنَا، أَفَنَتَوَضَّأُ مِنَ الْبَحْرِ؟ فَقَالَ رَسُولُ اللهِ صَلَّى اللَّهُ عَلَيْهِ وَسَلَّمَ: «هُوَ الطَّهُورُ مَاؤُهُ، الحِلُّ مَيْتَتُهُ».
[صحيح] - [رواه أبو داود والترمذي والنسائي وابن ماجه وأحمد] - [سنن الترمذي: 69]

Jële nañu ci Abuu Hurayrata yal na ko Yàlla dollee gërëm mu wax ne:
jenn waay laaj na Yonnente Yàlla bi yal na ko Yàlla dolli xéewal ak mucc, ne ko: yaw Yonnente Yàlla bi, nun danuy dugg ci géej gi, di yor tuuti ndox, bu nu ci jàppee daal di mar, ndax nu jàppu ci ndoxum géej gi? Yonnente Yàlla bi yal na ko Yàlla dolli xéewal ak mucc ne ko: «moom am ndoxam lu laab la , am méddam it lu dagan la».
[Wér na] - - [Téere Sunna yi bu At-tirmisiy - 69]

Leeral

Jenn waay dafa laaj Yonnente bi yal na ko Yàlla dolli xéewal ak mucc, ne ko: man damay war gaal nekk ci kaw géej gi ngir napp walla ngir yaxantu ak lu ko niru, nuy yor tuuti ndox mees man a naan, te bu nu ko jëfandikoo ci jàppu walla sangu day jeex te dunu am lu nu naan, ndax dana dagan nu jàppu ci ndoxom géej gi?
Yonnente bi yal na ko Yàlla dolli xéewal ak mucc wax ci ndoxum géej ne: ndoxam mi dafa laab tey laabal; dana dagan a jàppu ak sangu, dagan na it ñu lekk la fay génne ci jën yu ndaw ak jën yu mag ak yeneen, donte dañu ko a fekk mu dee, daal di tëdd noonu ci lu dul ñu kenn napp ko.

Bokk na ci njariñi Adiis bi

1. Méddum rabi géej yi lu dagan la, li ñu namm ci méddam mooy: ndundatam ya dee te bokk ci yi dul dund lu dul ci biir géej.
2. Tontu aji-laaj ji ci lu ëpp li mu laaj ngir mottali njariñ li.
3. Ndox mi bu cafkaam walla meloom walla xetam soppeekoo ci lu laab, kon day des ca laab ga fii ak ndox la mu des di nekk ndox, donte xoramam walla tàngaayam walla seddam gi ak lu ko niru dafa tar lool.
4. Ndoxum géej day yëkkëti sobe su mag ak su ndaw, day dindi it sobe su tàbbi ci lu laab, yaram ak yére mbaa leneen.