Hadithi: Amazi y'inyanja aba afite isuku, n'ibyipfishije byayo biba biziruye

عَن أَبِي هُرَيْرَةَ رضي الله عنه قَالَ:
سَأَلَ رَجُلٌ رَسُولَ اللهِ صَلَّى اللَّهُ عَلَيْهِ وَسَلَّمَ، فَقَالَ: يَا رَسُولَ اللهِ، إِنَّا نَرْكَبُ البَحْرَ، وَنَحْمِلُ مَعَنَا القَلِيلَ مِنَ الْمَاءِ، فَإِنْ تَوَضَّأْنَا بِهِ عَطِشْنَا، أَفَنَتَوَضَّأُ مِنَ الْبَحْرِ؟ فَقَالَ رَسُولُ اللهِ صَلَّى اللَّهُ عَلَيْهِ وَسَلَّمَ: «هُوَ الطَّهُورُ مَاؤُهُ، الحِلُّ مَيْتَتُهُ».
[صحيح] - [رواه أبو داود والترمذي والنسائي وابن ماجه وأحمد] - [سنن الترمذي: 69]

Hadith yaturutse kwa Abu Hurayrat (Imana imwishimire) yaravuze iti:
Umugabo umwe yabajije Intumwa y'Imana (Imana iyihe amahoro n'imigisha) ati: Yewe Ntumwa y'Imana! Tujya dukora urugendo rwo kunyura mu nyanja, tukitwaza amazi macye; turamutse tuyisukuje twagira inyota; ese twemerewe kwisukuza amazi y'inyanja? Nuko Intumwa y'Imana (Imana iyihe amahoro n'imigisha) iramusubiza iti: " Amazi y'inyanja aba afite isuku, n'ibyipfishije byayo biba biziruye."
[Hadithi y'impamo] - - [Sunani A-Tirmidhiy - 69]

Ibisobanuro birambuye.

Umugabo umwe yabajije Intumwa y'Imana (Imana iyihe amahoro n'imigsha) ati: Tujya dukora ingendo zo kunyura mu nyanja, tugiye kuroba cyangwa se mu bucuruzi cyangwa se no mu bindi, tukitwaza amazi macye twateganyirije kunywa; kandi turamutse tuyisukuje yashira tukagira inyota; ese twemerewe kwisukuza amazi y'inyanja?
Nuko Intumwa y'Imana (Imana iyihe amahoro n'imigisha) iramusubiza iti: Amazi y'inyanja aba afite isuku, biremewe kuyisukuza waba utawaza cyangwa se wiyuhagira, ndetse n'ibyipfishije byayo nk'amafi n'ibindi biba biziruye."

Zimwe mu nyungu dukura muri Hadithi.

1. Ikipfishije cyo mu mazi y'inyanja kiraziruye kuribwa: Aha ibigamijwe ni inyamaswa zitajya zigira ahandi ziba uretse mu mazi.
2. Gusubiza uwari ubajije ikibazo, ibirenze ibyo yabajije mu rwego rwo kumwungura.
3. Amazi iyo yahinduye icyanga cyayo, cyangwa se ibara ryayo, cyangwa se impumuro yayo kubera ikintu gisukuye, ahamana ya suku, kabone n'iyo yaba afite urwunyunyu rwinshi, cyangwa se ashyushye cyangwa se akonje n'ibindi.
4. Amazi y'inyanja akuraho umwanda mukuru n'umuto wayatawaza ndetse wanayiyuhagira, kandi akuraho umwanda wagiye ku muntu, cyangwa se umwambaro cyangwa se n'ibindi byari bifite isuku.