فەرموودە: ئاوی دەریا ئاوێکی پاککەرەوەیە، ومردارەوە بووی دەریایش حەڵاڵە

عَن أَبِي هُرَيْرَةَ رضي الله عنه قَالَ:
سَأَلَ رَجُلٌ رَسُولَ اللهِ صَلَّى اللَّهُ عَلَيْهِ وَسَلَّمَ، فَقَالَ: يَا رَسُولَ اللهِ، إِنَّا نَرْكَبُ البَحْرَ، وَنَحْمِلُ مَعَنَا القَلِيلَ مِنَ الْمَاءِ، فَإِنْ تَوَضَّأْنَا بِهِ عَطِشْنَا، أَفَنَتَوَضَّأُ مِنَ الْبَحْرِ؟ فَقَالَ رَسُولُ اللهِ صَلَّى اللَّهُ عَلَيْهِ وَسَلَّمَ: «هُوَ الطَّهُورُ مَاؤُهُ، الحِلُّ مَيْتَتُهُ».
[صحيح] - [رواه أبو داود والترمذي والنسائي وابن ماجه وأحمد] - [سنن الترمذي: 69]

لە ئەبی هوڕەیڕەوە -ڕەزای خوای لێبێت- دەڵێت:
پیاوێک پرسیاری لە پێغەمبەر -صلى اللە علیە وسلم- کرد، ووتی: ئەی پێغەمبەری خودا، ئێمە سواری کەشتی دەبین لەسەر دەریا، وهەندێک ئاو لەگەڵ خۆمان دەبەین، ئەگەر دەستنوێژ بگرین بەم ئاوە تینوومان دەبێت، ئایا دەکرێت بە ئاوی دەریا دەستنوێژ بگرین؟ پێغەمبەری خودا -صلى اللە علیە وسلم- فەرمووی: «ئاوی دەریا ئاوێکی پاککەرەوەیە، ومردارەوە بووی دەریایش حەڵاڵە».
[صەحیحە] - - [سنن الترمذي - 69]

شیکردنەوە

پیاوێك پرسیاری لە پێغەمبەر -صلى اللە علیە وسلم- كرد، ووتی: ئێمە لەنێو دەریادا سەفەر دەكەین بۆ ڕاو وبازرگانی وهتد، وكەمێك ئاو لەگەڵ خۆمان دەبەین كە بۆ خواردنەوە دەشێت، ئەگەر ئاوی خواردنەوە بۆ دەستنوێژگرتن وخۆشۆردن بەكاربهێنین؛ ئەوا ئاوەكە نامێنێت ئاوی شیاومان دەستناكەوت بۆ خواردنەوە، ئایا دروستە بە ئاوی دەریا دەستنوێژ بگرین؟
پێغەمبەر -صلى اللە علیە وسلم- سەبارەت بە ئاوی دەریا؛ فەرمووی: ئاوەكەی پاك وپاككەرەوەیە؛ دروستە بۆ دەستنوێژگرتن وخۆشۆردن بەكاربهێنرێت، وخواردنی گۆشتی ئەو ئاژەڵەی لە دەریادا دەژی دروستە وحەڵاڵە وەكو ماسی ونەهەنگ وهتد، ئەگەرچیش سەرئاو بكەون وبە مردوویی بدۆزرێنەوە لەسەر دەریا بەبێ ڕاوكردن.

لە سوودەکانی فەرموودەکە

1. ئاژەڵی مردووی نێو دەریا حەڵاڵە، ئاژەڵی مردووی نێو دەریا: مەبەست ئەو ئاژەڵانەیە کە تەنها لە نێو ئاودا دەژین ئەگەر بمرن ئەوا خواردنیان حەڵاڵە.
2. وەڵامدانەوەى پرسیارکار بە زیاتر لەوەى پرسیاری سەبارەتی كردووە بۆئەوەى بە کامڵترین شێوە سوودی پێبگەیەنێت.
3. ئەو ئاوەى تامی یان بۆنی یان ڕەنگی بە شتێکی پاک دەگۆڕێت، ئەوا لەسەر پاکێتی خۆی دەمێنێت چونکە لەسەر حەقیقەتەکەى ماوە کە پاکە، ئەگەرچیش سوێرتر یان گەرمتر یان ساردتر بێت.
4. ئاوی دەریا بێ دەست نوێژی ولەش گرانی لادەبات، وپیسی ناهێڵێت لەسەر شتێکی پاک وەکو لاشە وجل وپارچەیەک یان جگە لەمانە.