فەرموودە: ئەگەر ئاو بە ئەندازەی دوو قولە^ بوو؛ ئەوا پیسی هەڵناگرێت

عَن عَبْدِ اللَّهِ بْنِ عُمَرَ رضي الله عنهما قَالَ: سُئِلَ رَسُولُ اللَّهِ صَلَّى اللهُ عَلَيْهِ وَسَلَّمَ عَنِ الْمَاءِ وَمَا يَنُوبُهُ مِنَ الدَّوَابِّ وَالسِّبَاعِ، فَقَالَ صَلَّى اللهُ عَلَيْهِ وَسَلَّمَ:
«إِذَا كَانَ الْمَاءُ قُلَّتَيْنِ لَمْ يَحْمِلِ الْخَبَثَ».
[صحيح] - [رواه أبو داود والترمذي والنسائي وابن ماجه وأحمد] - [سنن أبي داود: 63]

لە عبداللەی کوڕی عومەرەوە -ڕەزای خوایان لێبێت- دەڵێت: پێغەمبەری خودا -صلى اللە علیە وسلم- پرسیاری لێکرا سەبارەت بە ئاو لە حاڵەتێكدا كە ئاژەڵەكان لێی دەخۆنەوە، پێغەمبەر -صلى اللە علیە وسلم- فەرمووی:
«ئەگەر ئاو بە ئەندازەی دوو قولە^ بوو؛ ئەوا پیسی هەڵناگرێت». ^(قولە: ئەندازەیەكی پێوانی قەبارە دیاری کراوە، کە نزیکەی 105 لیتر دەكات. بەڵام -دوو قولە- دەکاتە: 210 لیتر ؛ ئەمیش ئەو بڕەیە وا لە ئاو دەکات کە پیسی هەڵنەگرێت).
[صەحیحە] - - [سنن أبي داود - 63]

شیکردنەوە

پێغەمبەر -صلى اللە علیە وسلم- پرسیاری لێكرا سەبارەت بەو ئاوەی كە ئاژەڵ ودڕندەكان دێنە سەری بۆ خواردنەوە وهتد، پێغەمبەر -صلى اللە علیە وسلم- فەرمووی: ئەگەر كێشی ئاو بگاتە ئەندازەی دوو گۆزەی گەورە، ئەمیش یەكسانە بە: (210) لیتر؛ ئەوا ئاوێكی زۆرە وپیس نابێت مەگەر یەكێك لە سێ وەسفەكەی بگۆڕێت: بۆنی یان ڕەنگی یان تامی بەهۆی پیس بوونەوە.

لە سوودەکانی فەرموودەکە

1. ئاو پیس دەبێت ئەگەر یەكێك لە سێ سیفەتەكەی بەهۆی پیسیەوە بگۆڕێـت؛ ڕەنگی یان تامی یان بۆنی، وفەرموودەكە زۆرینەی حاڵەتەكان دەگرێتەوە؛ نەك بۆ حاڵەتێكی تایبەت بێت.
2. زانایان یەكدەنگن لەسەر ئەوەى ئەگەر پیسی یەکێک لە سیفەتەکانى ئاو بگۆڕێت ئەوا ئاوەکە پیس دەبێت وبە کەڵکی بەکارهێنان نایەت، ئەگەر ئاوەکە زۆر یان کەم بێت.