Hadithi: “Ka shpëtuar ai që është bërë musliman, është furnizuar mjaftueshëm dhe Allahu e ka bërë të kënaqur me atë që i ka dhënë.”

عَنْ عَبْدِ اللَّهِ بْنِ عَمْرِو بْنِ الْعَاصِ رضي الله عنهما أنَّ رَسولَ اللَّهِ صلَّى اللَّهُ عليْه وسلَّمَ، قال:
«قَدْ أَفْلَحَ مَن أَسْلَمَ، وَرُزِقَ كَفَافًا، وَقَنَّعَهُ اللَّهُ بما آتَاهُ».
[صحيح] - [رواه مسلم] - [صحيح مسلم: 1054]

Abdullah ibn Amër ibn Asi (Allahu qoftë i kënaqur me të!) transmeton se i Dërguari i Allahut ﷺ ka thënë:
“Ka shpëtuar ai që është bërë musliman, është furnizuar mjaftueshëm dhe Allahu e ka bërë të kënaqur me atë që i ka dhënë.”
[Sahih] - [Transmeton Muslimi] - [Sahihu i Muslimit - 1054]

Shpjegimi

Profeti ﷺ në këtë hadith sqaroi se ai që i dorëzohet Zotit të tij, udhëzohet dhe drejtohet në Islam, dhe furnizohet me aq sa i mjafton prej riskut hallall për të përmbushur nevojat e tij, pa tepri dhe pa mangësi, dhe Allahu e bën të kënaqur e të pajtuar me atë që i ka dhënë, ai vërtet ka arritur suksesin dhe ka fituar.

Mësime nga hadithi

1. Lumturia e njeriut qëndron në përsosjen e fesë së tij, në mjaftueshmërinë e jetesës së tij dhe në kënaqësinë me atë që Allahu i ka dhënë.
2. Inkurajimi për t’u kënaqur me atë që të është dhënë nga kjo botë, së bashku me Islamin dhe Sunetin.