Hadith: “ការគោរពសក្ការៈ(ធ្វើអ៊ីហ្ពាហ្ទាត់)ក្នុងពេលកលិយុគ គឺប្រៀបដូចជាការធ្វើចំណាកស្រុក(ហ៊ិជ្ជរ៉ោះ)មកកាន់ខ្ញុំ”។

عَنْ مَعْقِلِ بْنِ يَسَارٍ رضي الله عنه أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ:
«الْعِبَادَةُ فِي الْهَرْجِ كَهِجْرَةٍ إِلَيَّ».
[صحيح] - [رواه مسلم] - [صحيح مسلم: 2948]

អំពី ម៉ាក់គិល ពិន យ៉ាសើរ رضي الله عنه ពិតណាស់ រ៉ស៊ូលុលឡោះ ﷺ លោកបានមានប្រសាសន៍ថា៖
“ការគោរពសក្ការៈ(ធ្វើអ៊ីហ្ពាហ្ទាត់)ក្នុងពេលកលិយុគ គឺប្រៀបដូចជាការធ្វើចំណាកស្រុក(ហ៊ិជ្ជរ៉ោះ)មកកាន់ខ្ញុំ”។
[صحيح] - [رواه مسلم] - [صحيح مسلم - 2948]

Explanation

ណាពី ﷺ លោកបានណែនាំក្នុងពេលមានកលិយុគ ភាពវឹកវរ ការកាប់សម្លាប់ និងការច្របូកច្របល់នៃកិច្ចការមនុស្សឱ្យប្រកាន់ខ្ជាប់នូវការគោរពសក្ការៈចំពោះអល់ឡោះ ហើយពិតណាស់ ផលបុណ្យរបស់វាគឺដូចជាការធ្វើចំណាកស្រុក(ហ៊ិជ្ជរ៉ោះ)ទៅកាន់ណាពី ﷺ ។ នេះគឺដោយសារតែមនុស្សភាគច្រើនធ្វេសប្រហែស និងព្រងើយកន្តើយនៅក្នុងការគោរពសក្ការៈ ហើយមានតែមនុស្សមួយចំនួនតូចប៉ុណ្ណោះដែលឆ្លៀតពេលសម្រាប់ការគោរពសក្ការៈនៅក្នុងកាលៈទេសៈបែបនេះ។

Benefits from the Hadith

1. ជំរុញឲ្យគោរពសក្ការៈ និងឆ្ពោះទៅកាន់អល់ឡោះក្នុងពេលដែលមានភាពវឹកវរ ដើម្បីការពារខ្លួនពីភាពច្របូកច្របល់ និងរក្សាខ្លួនពីភាពវិនាសកម្ម។
2. បញ្ជាក់ពីឧត្តមភាពនៃការគោរពសក្ការៈក្នុងពេលមានភាពវឹកវរ និងពេលដែលមនុស្សមានការព្រងើយកន្តើយ។
3. គប្បីលើជនមូស្លីមត្រូវចៀសឆ្ងាយពីកន្លែងដែលមានភាពវឹកវរ និងព្រងើយកន្តើយ។