Ҳадис: Ҳар касе қасдан бар ман дурӯғ бибандад, ҷойгоҳи худро дар оташи дӯзах муҳайё созад

عن أبي هريرة رضي الله عنه قال: قال رسول الله صلى الله عليه وسلم:
«مَنْ كَذَبَ عَلَيَّ مُتَعَمِّدًا فَلْيَتَبَوَّأْ مَقْعَدَهُ مِنَ النَّارِ».
[صحيح] - [متفق عليه] - [صحيح البخاري: 110]

Аз Абуҳурайра (разияллоҳу анҳу) ривоят аст, ки гуфт: Паёмбар (саллаллоҳу алайҳи ва саллам) фармуданд:
"Ҳар касе қасдан бар ман дурӯғ бибандад, ҷойгоҳи худро дар оташи дӯзах муҳайё созад."
[Саҳеҳ] - [متفق عليه] - [Саҳеҳ Бухорӣ - 110]

Шарҳ

Паёмбар (саллаллоҳу алайҳи ва саллам) баён намуданд, ки ҳар ки қасдан ба ӯ дурӯғ гӯяд ва сухане ё амалеро ба ӯ дурӯғ нисбат диҳад, дар охират ҷойгоҳе дар дӯзах дорад. Ва ин ҷазое аст барои дурӯғ бастан ба ӯ.

Аз фоидаҳои ҳадис

1. Дурӯғ бастан бар Паёмбар (саллаллоҳу алайҳи ва саллам) қасдан ва амдан, сабаби ворид шудан ба дӯзах аст.
2. Дурӯғ бастан бар Паёмбар (саллаллоҳу алайҳи ва саллам) монанди дурӯғ бастан бар дигар мардум нест. Зеро ба сабаби ин дурӯғ мафосиди зиёде дар дин ва дунё ба вуҷуд меояд.
3. Ҳушдор нисбат ба паҳн кардани ҳадисҳо пеш аз мутмаъин шудан аз дурустии нисбати он ба Паёмбар (саллаллоҳу алайҳи ва саллам).