हदीस: रसूल (सल्लल्लाहु अलैहि वसल्लम) प्रायः यो दुआ (प्रार्थना) गर्नुहुन्थ्यो: ‘रब्बना आतिना फिद्दुन्या हसनह् व फिल्-आखिरति हसनह् व किना अजा बन्नार’ अर्थात हे अल्लाह ! हामीलाई दुनियाँ र आखिरत (लोक-परलोक) दुबै ठाउँमा भलाइ प्रदान गर्नुहोस् र नर्कको आगोबाट बचाउनुहोस् ।

عَنْ أَنَسٍ رضي الله عنه قَالَ:
كَانَ أَكْثَرُ دُعَاءِ النَّبِيِّ صَلَّى اللهُ عَلَيْهِ وَسَلَّمَ: «اللَّهُمَّ رَبَّنَا آتِنَا فِي الدُّنْيَا حَسَنَةً، وَفِي الآخِرَةِ حَسَنَةً، وَقِنَا عَذَابَ النَّارِ».
[صحيح] - [متفق عليه] - [صحيح البخاري: 6389]

अनस (रजियल्लाहु अन्हु) ले बयान गरेका छन्,
रसूल (सल्लल्लाहु अलैहि वसल्लम) प्रायः यो दुआ (प्रार्थना) गर्नुहुन्थ्यो: ‘रब्बना आतिना फिद्दुन्या हसनह् व फिल्-आखिरति हसनह् व किना अजा बन्नार’ अर्थात हे अल्लाह ! हामीलाई दुनियाँ र आखिरत (लोक-परलोक) दुबै ठाउँमा भलाइ प्रदान गर्नुहोस् र नर्कको आगोबाट बचाउनुहोस् ।
[सही] - [मुत्तफकुन अलैहि] - [सही बुखारी - 6389]

व्याख्या

रसूल (सल्लल्लाहु अलैहि वसल्लम) प्रायः व्यापक र संक्षिप्त दुआ (प्रार्थना) हरू गर्नुहुन्थ्यो, जस्तै: "अल्लाहुम्म रब्बना आतिना फिद्दुन्या हसनह् व फिल्-आखिरति हसनह् व किना अजा बन्नार ।" यसमा संसारका कल्याणहरू जस्तैः सुख, शान्ति, समृद्धि, प्रचुर मात्रामा हलाल रोजीरोटी, निष्ठावान पत्नी, आँखालाई आराम पुर्याउने सन्तान, सुखमय जीवन, उपयोगी ज्ञान र धार्मिक कर्महरू समावेश छन् । त्यस्तै यसमा परलोकको कल्याण जस्तै: चिहान, हश्र (हिसाबकिताबको मैदान) र नरकको सजायबाट सुरक्षित रहनु, अल्लाहको खुशी प्राप्त गर्नु, स्वर्गको अनन्त आनन्द र परम दयालु अल्लाहको निकटता प्राप्त गर्नु जस्ता चीजहरू समावेश छन् ।