ჰადისი: სამი კატეგორიის ადამიანზე აწეულია კალამი: მძინარეზე — სანამ გაიღვიძებს, ბავშვზე — სანამ სექსუალურ სიმწიფეს მიაღწევს, და შეშლილზე — სანამ გონს მოეგება
عن علي رضي الله عنه عن النبي صلى الله عليه وسلم قال:
«رُفِعَ الْقَلَمُ عن ثلاثة: عن النائم حتى يَسْتَيْقِظَ، وعن الصبي حتى يَحْتَلِمَ، وعن المجنون حتى يَعْقِلَ».
[صحيح] - [رواه أبو داود والترمذي والنسائي في الكبرى وابن ماجه وأحمد] - [سنن أبي داود: 4403]
المزيــد ...
გადმოცემულია 'ალისგან (ალლაჰი იყოს მისით კმაყოფილი), რომ მოციქულმა (ალლაჰის ლოცვა და მშვიდობა მას) თქვა:
«სამი კატეგორიის ადამიანზე აწეულია კალამი: მძინარეზე — სანამ გაიღვიძებს, ბავშვზე — სანამ სექსუალურ სიმწიფეს მიაღწევს, და შეშლილზე — სანამ გონს მოეგება».
[სანდო (საჰიჰ)] - [გადმოსცა აბუ დაუდმა, ალ-თირმიზიმ, ალ-ნასაიმ ალ-ქუბრაში, იბნ მააჯამ და აჰმადმა] - [სუნან აბი დაუდ - 4403]
მოციქულმა (ალლაჰის ლოცვა და მვიდობა მას) გვამცნო, რომ შარიათის ვალდებულებები ადამის შთამომავლობაზე ვრცელდება, გარდა ამ სამი კატეგორიისა:
პირველი: ბავშვი, სანამ არ გაიზრდება და არ მიაღწევს სექსუალურ სიმწიფეს.
მეორე: შეშლილი, გონებას მოკლებული ადამიანი, სანამ გონება არ დაუბრუნდება.
მესამე: მძინარე, სანამ არ გაიღვიძებს.
ამგვარად, მათგან ვალდებულება მოხსნილია, და მათი ცოდვილი ქმედებები არ იწერება. თუმცა პატარა ბავშვისთვის სიკეთე იწერება, განსხვავებით შეშლილისა და მძინარისგან, რადგან ისინი არ მიეკუთვნებიან იმ კატეგორიას, ვისგანაც თაყვანისცემა შეიძლება იყოს მიღებული შეგნების არქონის გამო.
ჰადისის სარგებლობიდან
- ადამიანის პასუხისმგებლობის მოხსნა ხდება ან ძილის გამო, რომელიც ართმევს მას შესაძლებლობას გაიღვიძოს თავისი მოვალეობების შესასრულებლად, ან ახალგაზრდობისა და ბავშვობის გამო, როდესაც მას ჯერ კიდევ არ აქვს სრული უნარი, ან სიგიჟის გამო, რომელიც არღვევს მის გონებრივ ფუნქციებს, ან მსგავსი მდგომარეობების, მაგალითად, სიმთვრალის გამო. ვინც კარგავს განსხვავების უნარს და სწორ აღქმას ამ სამიდან ერთი მიზეზის გამო, მას პასუხისმგებლობა მოეხსნება. ალლაჰმა თავისი სამართლიანობის, მოთმინებისა და მოწყალების გამო, მოხსნა მათგან პასუხისმგებლობა იმაზე, რასაც ისინი ჩაიდენენ, იქნება ეს შეცდომა თუ გულგრილობა უზენაესი ალლაჰის უფლების მიმართ.
- ის, რომ მათ ცოდვები არ ეწერებათ, არ ეწინააღმდეგება ზოგიერთი საერო განკარგულების მათზე გავრცელებას; მაგალითად, თუ შეშლილი მოკლავს ვინმეს, მასზე არ ვრცელდება სასჯელი ან ქაფფარა (გამოსყიდვა), მაგრამ მისი ნათესავები (მამის მხრიდან)ვალდებულები არიან გადაიხადონ სისხლის საფასური (დია).
- სექსუალური სიმწიფის სამი ნიშანია: სპერმის გამოყოფა, იქნება ეს სიზმრების საშუალებით თუ სხვაგვარად, ბოქვენის თმის ამოსვლა ან 15 წლის ასაკის მიღწევა. ქალებში მეოთხე ნიშანი ემატება: მენსტრუაცია.
- ას-სუბქიმ თქვა: «"ბიჭი, რომელიც მამაკაცია, ეწოდება ღულაამ.“ სხვებმა თქვეს: „ბავშვს, რომელიც დედის მუცელშია, ეწოდება ჯანიინ (ნაყოფი), ხოლო როცა დაიბადება, ეწოდება საბიი (ბავშვი). ძუძუს წოვის შეწყვეტის შემდეგ მას ღულაამ ეწოდება შვიდ წლამდე. შემდეგ მას იაფი' (ახალგაზრდა) ეწოდება ათ წლამდე, ხოლო თხუთმეტ წლამდე ჯაზავრ (მოზარდი)". უდავოა, რომ ყველა ამ ეტაპზე მას მაინც საბიი (ბავშვი) ეწოდება,“ — თქვა ას-სიუტიმ.