عن أبي هريرة رضي الله عنه عن رسول الله صلى الله عليه وسلم قال: "كَلِمَتَانِ خفيفتان على اللسان، ثقيلتان في الميزان، حبيبتان إلى الرحمن: سبحان الله وبحمده، سبحان الله العظيم".
[صحيح] - [متفق عليه]
المزيــد ...

അബൂ ഹുറൈറ -رَضِيَ اللَّهُ عَنْهُ- നിവേദനം: നബി -ﷺ- പറഞ്ഞു: "രണ്ട് വാക്കുകൾ; റഹ്മാനായ (സർവ്വവിശാലമായ കാരുണ്യമുള്ളവൻ) അല്ലാഹുവിന് പ്രിയങ്കരമായതും, നാവിന് വളരെ ലളിതമായതും, (കർമ്മങ്ങളുടെ) തുലാസിൽ വളരെ ഭാരം തൂങ്ങുന്നതുമാണവ. സുബ്ഹാനല്ലാഹി വബിഹംദിഹി (അല്ലാഹുവിനെ സ്തുതിക്കുന്നതിനൊപ്പം അവനെ ഞാൻ പരിശുദ്ധപ്പെടുത്തുന്നു), സുബ്ഹാനല്ലാഹിൽ അദ്വീം (മഹത്വമുടയവനായ അല്ലാഹുവിന്റെ പരിശുദ്ധിയെ ഞാൻ വാഴ്ത്തുന്നു)."
സ്വഹീഹ് - ബുഖാരിയും മുസ്ലിമും ഉദ്ധരിച്ചത്

വിശദീകരണം

റഹ്മാനായ നമ്മുടെ റബ്ബ് ഈ ഹദീഥിൽ പ്രസ്താവിക്കപ്പെട്ട രണ്ട് വാക്കുകൾ ഇഷ്ടപ്പെടുന്നു എന്ന് നബി -ﷺ- നമ്മെ അറിയിക്കുന്നു. അവയുടെ അക്ഷരങ്ങൾ വളരെ കുറവാണെങ്കിലും (പ്രവർത്തനങ്ങൾ തൂക്കുന്ന) തുലാസിൽ അവ വളരെ ഭാരമുള്ളതാണ്. സുബ്ഹാനല്ലാഹി വബിഹംദിഹി (അല്ലാഹുവിനെ സ്തുതിക്കുന്നതിനൊപ്പം അവനെ ഞാൻ പരിശുദ്ധപ്പെടുത്തുന്നു), സുബ്ഹാനല്ലാഹിൽ അദ്വീം (മഹത്വമുടയവനായ അല്ലാഹുവിന്റെ പരിശുദ്ധിയെ ഞാൻ വാഴ്ത്തുന്നു). ഈ രണ്ട് വാക്കുകൾ എല്ലാ ന്യൂനതകളിൽ നിന്നും യോജ്യമല്ലാത്ത കാര്യങ്ങളിൽ നിന്നും അല്ലാഹുവിനെ പരിശുദ്ധപ്പെടുത്തുകയും, അല്ലാഹുവിന്റെ മഹത്വം വിശേഷിപ്പിച്ചു കൊണ്ട് അക്കാര്യം വീണ്ടും ഊന്നിപ്പറയുകയും ചെയ്യുന്നു.

പരിഭാഷ: ഇംഗ്ലീഷ് ഫ്രഞ്ച് സ്‌പെയിൻ തുർക്കി ഉർദു ഇന്തോനേഷ്യ ബോസ്‌നിയ റഷ്യ ബംഗാളി ചൈനീസ് പേർഷ്യൻ തഗാലോഗ് ഇന്ത്യൻ സിംഹള ഉയ്ഗൂർ കുർദിഷ് ഹൗസാ പോർച്ചുഗീസ് തെലുങ്ക്‌ സ്വാഹിലി തമിൾ ബോർമീസ് തായ്ലാൻഡിയൻ ജെർമൻ ജപ്പാനീസ്
വിവർത്തനം പ്രദർശിപ്പിക്കുക

പാഠങ്ങൾ

  1. * കൃത്രിമത്വം പുലർത്തുന്നില്ലെങ്കിൽ, ദിക്റുകളിൽ പ്രാസമൊപ്പിക്കുന്നത് അനുവദനീയമാണ്.
  2. * അല്ലാഹുവിനെ സ്മരിക്കുന്ന ഈ രണ്ട് ദിക്റുകളുടെ ശ്രേഷ്ഠത.
  3. * അല്ലാഹുവിന് യോജിച്ച രൂപത്തിൽ സ്നേഹം എന്ന വിശേഷണം അല്ലാഹുവിന് ഉണ്ട്.
  4. * റഹ്മാൻ എന്ന നാമം അല്ലാഹുവിനുണ്ട്.
  5. * കുറഞ്ഞ വാക്കുകൾ കൊണ്ട് ധാരാളം നന്മകൾ നേടിയെടുക്കാൻ കഴിയുന്ന ഈ ദിക്ർ ചൊല്ലാനുള്ള പ്രേരണ.
  6. * ദിക്റുകളുടെ ശ്രേഷ്ഠതയിൽ ഏറ്റക്കുറച്ചിലുകൾ ഉണ്ടാകാം. അതിന്റെ അടിസ്ഥാനത്തിൽ അവക്കുള്ള പ്രതിഫലത്തിൽ വ്യത്യാസങ്ങളുണ്ടായിരിക്കും.
  7. * മീസാൻ (പ്രവർത്തനങ്ങൾ തൂക്കുന്ന തുലാസ്) ഉണ്ട് എന്നും, അത് യാഥാർഥ്യമാണെന്നും ഈ ഹദീഥ് അറിയിക്കുന്നു.
  8. * ഒരാളെ ഏതെങ്കിലുമൊരു പ്രവർത്തനത്തിന് പ്രേരിപ്പിക്കുമ്പോൾ അതിന്റെ ഫലങ്ങൾ കൂടി അയാളെ അറിയിക്കുന്നത് സുന്നത്താണ്.
കൂടുതൽ