Hadith: ((مسوگه‌ر خودێ چاكی ل سه‌ر هه‌می تشتان نڤیسییه

عن شداد بن أوس رضي الله عنه قال: ثِنْتَانِ حَفِظْتُهُمَا عَنْ رَسُولِ اللهِ صَلَّى اللهُ عَلَيْهِ وَسَلَّمَ قَالَ:
«إِنَّ اللهَ كَتَبَ الْإِحْسَانَ عَلَى كُلِّ شَيْءٍ، فَإِذَا قَتَلْتُمْ فَأَحْسِنُوا الْقِتْلَةَ، وَإِذَا ذَبَحْتُمْ فَأَحْسِنُوا الذَّبْحَ، وَلْيُحِدَّ أَحَدُكُمْ شَفْرَتَهُ، فَلْيُرِحْ ذَبِيحَتَهُ».
[صحيح] - [رواه مسلم] - [صحيح مسلم: 1955]

ژ شەددادێ کوڕێ ئەوسی (خودێ ژێ ڕازی بیت) گۆت: دوو تشت من ژ پێغەمبەرێ خودێ (صەلات و سەلامێن خودێ ل سەر بن) ژبه‌ركرن، وی گۆت:
((مسوگه‌ر خودێ چاكی ل سه‌ر هه‌می تشتان نڤیسییه‌، ڤێجا ئه‌گه‌ر هه‌وه‌ كوشتن كر؛ هوین ب جوانی بكه‌ن، و ئه‌گه‌ر هه‌وه‌ ڤه‌كوشتن كر؛ هوین جوان ڤه‌كوژن، و بلا ئێك ژ هه‌وه‌ كێركا خۆ خۆش بكه‌ت و بلا قوربانی و ڤه‌كوشتییێ خۆ ژی ڕحه‌ت بكه‌ت)).
[صحيح] - [رواه مسلم] - [صحيح مسلم - 1955]

Explanation

پێغەمبەر (صەلات و سەلامێن خودێ ل سەر بن) به‌حسێ هندێ دكه‌ت کو خودایێ مه‌زن چاکی و قه‌نجی د هەمی تشتاندا ل سەر مە واجب کرییه، چاکی و قه‌نجی: ئەوە کو هەردەم مرۆڤ هه‌ست ب چاڤدێریکرنا خودێ بكه‌ت، د پەرستنا ویدا و د دانا خێرێدا و ده‌ستكێشانێ ژ نه‌خۆشی گه‌هاندنا ب چێكرییان، ژ ڤێ چەندێ ژی چاکی و قه‌نجییە د کوشتن و سه‌رژێكرنێدا.
چاکی د کوشتنێدا ل دەمێ تۆلڤه‌كرنێ: ب وێ چەندێ کو ب ڕێكێن ژ هه‌مییان ب ساناهیتر و سڤكتر و ب لەزتر بۆ كوشتنا وی كه‌سی هەلبژێریت.
چاکی د سه‌رژێكرنێدا ل دەمێ گیانه‌وه‌ر دهێتە سه‌رژێكرن: ب وێ چەندێ کو دلۆڤانی ب گیانه‌وه‌ری بهێته‌ برن ب تیژکرنا ئامیرێ سه‌رژێكرنێ و ب وێ چه‌ندێ كو ئه‌و ئامیر ل پێش چاڤێن گیانه‌وه‌رێ دێ هێته‌ سه‌رژێكرن نه‌هێته‌ خۆشكرن، دیسان ئه‌و گیانه‌وه‌ر ل پێش چاڤێن گیانه‌وه‌رێن دی ژی نه‌هێته‌ سه‌رژێكرن.

Benefits from the Hadith

1. باشی و دلۆڤانییا خودایێ مەزن ب چێكرییان.
2. چاکیكرنا د کوشتن و سەرژێكرنێدا ب وێ چەندێ کو ل دویڤ ڕێكا شەرعی بیت.
3. ته‌مامه‌تییا شەریعه‌تی و كو وی هه‌می خێر و باشی ب خۆڤه‌ گرتینه‌، ژ وێ چەندێ ژی دلۆڤانیبرنه‌ ب گیانه‌وه‌ری و نه‌رمبوونه‌ د گه‌ل وی.
4. پاشڤه‌برن ژ شێواندنا له‌شێ مرۆڤی پشتی کوشتنا وی.
5. حەرامکرنا هه‌ر تشته‌كێ عه‌زابدان و ئێشاندنا گیانه‌وه‌ری تێدایە.