Hadith: “ចូរពួកអ្នកកុំស្វែងរកចំណេះវិជ្ជាដើម្បីបង្អួតអ្នកចេះដឹង ឬក៏ដើម្បីជជែកដេញដោលនឹងមនុស្សល្ងង់

عَنْ جَابِرِ بْنِ عَبْدِ اللَّهِ رضي الله عنهما أَنَّ النَّبِيَّ صَلَّى اللَّهُ عَلَيْهِ وَسَلَّمَ قَالَ:
«لَا تَعَلَّمُوا الْعِلْمَ لِتُبَاهُوا بِهِ الْعُلَمَاءَ، وَلَا لِتُمَارُوا بِهِ السُّفَهَاءَ، وَلَا تَخَيَّرُوا بِهِ الْمَجَالِسَ، فَمَنْ فَعَلَ ذَلِكَ، فَالنَّارُ النَّارُ».
[صحيح] - [رواه ابن ماجه] - [سنن ابن ماجه: 254]

អំពី ជើពៀរ ពិន អាប់ទុលឡោះ رضي الله عنه ពិតណាស់ ណាពី ﷺ លោកបានមានប្រសាសន៍ថា៖
“ចូរពួកអ្នកកុំស្វែងរកចំណេះវិជ្ជាដើម្បីបង្អួតអ្នកចេះដឹង ឬក៏ដើម្បីជជែកដេញដោលនឹងមនុស្សល្ងង់ ឬក៏ដើម្បីបានឧត្តមភាពក្នុងវេទិកាប្រជុំ ព្រោះជនណាហើយដែលធ្វើបែបនោះ គឺផលតបស្នងរបស់វាគឺ ភ្លើងនរក គឺភ្លើងនរក។
[صحيح] - [رواه ابن ماجه] - [سنن ابن ماجه - 254]

Explanation

ណាពី ﷺ លោកបានព្រមានចំពោះអ្នកដែលស្វែងរកចំណេះវិជ្ជាដើម្បីជាការអួតអាងជាមួយអ្នកចេះដឹង និងបង្ហាញថា ខ្លួនជាអ្នកដែលមានចំណេះដឹងដូចពួកគេ ឬដើម្បីវែកញែក ជជែកដេញដោលនឹងអ្នកតូចទាប និងមានប្រាជ្ញាខ្សោយ ឬស្វែងរកចំណេះវិជ្ជាដើម្បីក្លាយជាអ្នកដែលលេចធ្លោជាងគេក្នុងក្រុម ហើយមានអាទិភាពជាងអ្នកដទៃ។ ជាការពិតណាស់ ជនណាហើយដែលធ្វើដូច្នោះ គឺរូបគេសក្តិសមនឹងចូលឋាននរកបំផុតដោយសារតែគេជាមនុស្សចង់បានមុខមាត់(រីយ៉ាក) ហើយគ្មានភាពជ្រះថ្លាក្នុងការស្វែងរកចំណេះវិជ្ជាក្នុងនាមអល់ឡោះជាម្ចាស់។

Benefits from the Hadith

1. ព្រមានដោយភ្លើងនរកចំពោះអ្នកដែលរៀនសូត្រដើម្បីតែអួតអាង ឬជជែកដេញដោលនឹងអ្នកដទៃ ឬដើម្បីឲ្យខ្លួនលេចធ្លោជាងគេក្នុងក្រុម -ល-។
2. សារៈសំខាន់នៃភាពជ្រះថ្លា(អៀខ្លើស)ក្នុងការនៀតចំពោះអ្នកដែលសិក្សារៀនសូត្រ និងអ្នកដែលបង្រៀនអ្នកដទៃ។
3. ការនៀត គឺជាមូលដ្ឋាននៃទង្វើទាំងឡាយ ហើយការតបស្នង គឺអាស្រ័យទៅលើការនៀតរបស់គេ។