عن عائشة رضي الله عنها قالت: كان خُلُقُ نَبي اللِه صلى الله عليه وسلم القرآن.
[صحيح] - [رواه مسلم في جملة حديثٍ طويلٍ]
المزيــد ...
ആഇശ -رَضِيَ اللَّهُ عَنْهَا- നിവേദനം: നബി -ﷺ- യുടെ സ്വഭാവം ഖുർആനായിരുന്നു.
സ്വഹീഹ് - മുസ്ലിം ഉദ്ധരിച്ചത്
നബി -ﷺ- ഖുർആനിലെ സ്വഭാവഗുണങ്ങൾ ജീവിതത്തിൽ പുലർത്തിയവരായിരുന്നു എന്നാണ് ഹദീഥിന്റെ അർത്ഥം. ഖുർആനിൽ കൽപ്പിക്കപ്പെട്ടതെല്ലാം അവിടുന്ന് പ്രാവർത്തികമാക്കി. അതിൽ നിഷിദ്ധമാക്കപ്പെട്ടതെല്ലാം അവിടുന്ന് ഉപേക്ഷിച്ചു. ഇബാദത്തുകളിലും, ജനങ്ങളോടുള്ള പെരുമാറ്റത്തിലുമെല്ലാം അവിടുത്തെ മാർഗം അതായിരുന്നു. നബി -ﷺ- യുടെ സ്വഭാവം ഖുർആനിന്റെ പ്രാവർത്തിക രൂപമായിരുന്നു. നമ്മളിലാരെങ്കിലും നബി -ﷺ- യുടെ സ്വഭാവം പിൻപറ്റാൻ ഉദ്ദേശിക്കുന്നെങ്കിൽ അവൻ ഖുർആൻ പ്രാവർത്തിക ജീവിതത്തിൽ കൊണ്ടുവരട്ടെ എന്ന സൂചന ആഇശ -رَضِيَ اللَّهُ عَنْهَا- യുടെ ഈ വാക്കിലുണ്ട്.