ჰადისი: არ შეგშურდეთ ერთმანეთის, ნუ გაზრდით ფასს ეშმაკობით (სხვების შეცდომაში შეყვანის მიზნით), ნუ შეიძულებთ და ნუ აქცევთ ზურგს ერთმანეთს. ნუ განახორციელებთ ვაჭრობას სხვის მიერ უკვე შეთანხმებულ ვაჭრობაზე. ალლაჰის მონებო, იყავით ძმები,

عَنْ أَبِي هُرَيْرَةَ رضي الله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«لَا تَحَاسَدُوا، وَلَا تَنَاجَشُوا، وَلَا تَبَاغَضُوا، وَلَا تَدَابَرُوا، وَلَا يَبِعْ بَعْضُكُمْ عَلَى بَيْعِ بَعْضٍ، وَكُونُوا عِبَادَ اللهِ إِخْوَانًا الْمُسْلِمُ أَخُو الْمُسْلِمِ، لَا يَظْلِمُهُ وَلَا يَخْذُلُهُ، وَلَا يَحْقِرُهُ التَّقْوَى هَاهُنَا» وَيُشِيرُ إِلَى صَدْرِهِ ثَلَاثَ مَرَّاتٍ «بِحَسْبِ امْرِئٍ مِنَ الشَّرِّ أَنْ يَحْقِرَ أَخَاهُ الْمُسْلِمَ، كُلُّ الْمُسْلِمِ عَلَى الْمُسْلِمِ حَرَامٌ، دَمُهُ، وَمَالُهُ، وَعِرْضُهُ».
[صحيح] - [رواه مسلم] - [صحيح مسلم: 2564]

აბუ ჰურაირა (ალლაჰი იყოს მისით კმაყოფილი) გადმოგვცემს, რომ შუამავალმა (ალლაჰის ლოცვა და მშვიდობა მას) თქვა:
«არ შეგშურდეთ ერთმანეთის, ნუ გაზრდით ფასს ეშმაკობით (სხვების შეცდომაში შეყვანის მიზნით), ნუ შეიძულებთ და ნუ აქცევთ ზურგს ერთმანეთს. ნუ განახორციელებთ ვაჭრობას სხვის მიერ უკვე შეთანხმებულ ვაჭრობაზე. ალლაჰის მონებო, იყავით ძმები, მუსლიმი – მუსლიმის ძმაა, მას უსამართლოდ არ მოექცევა, არ დაამცირებს, არ მოატყუებს და არ შეურაცხყოფს. ღვთისმოშიშება აი აქაა», – და სამჯერ მიუთითა გულზე, «ადამიანისთვის საკმარისია ბოროტებად იგიც, რომ თავისი მუსლიმი ძმა დაამციროს. ყოველი მუსლიმის(ყოველი რამ) მუსლიმისთვის აკრძალულია: მისი სისხლი, ქონება და ღირსება».
[სანდო (საჰიჰ)] - [გადმოსცა მუსლიმმა] - [საჰიჰ მუსლიმ - 2564]

განმარტება

ალლაჰის მოციქულმა (ალლაჰის ლოცვა და მშვიდობა მას) მუსლიმს მუსლიმი ძმის მიმართ სიკეთის გაკეთება მოუწოდა და განმარტა ზოგიერთი მოვალეობა და ეთიკის ნორმა, რომლებიც უნდა დაიცვას მის მიმართ. მათ შორისაა: პირველი დარიგება: ნუ შეგშურდებათ ერთმანეთის, ანუ ნურავის ექნება სურვილი, რომ მისი ძმისგან ალლაჰის წყალობა გაქრეს. მეორე დარიგება: ნუ გაზრდით ფასს ეშმაკობით – არ გაზარდოთ საქონლის ფასი ისე, რომ რეალურად მისი შეძენა არ გსურდეთ, არამედ მხოლოდ გამყიდველის სარგებლობისთვის ან მყიდველისთვის ზიანის მიყენების მიზნით. მესამე დარიგება: ნუ შეიძულებთ ერთმანეთს, რაც გულისხმობს ზიანის მიყენების სურვილს, რაც სიყვარულის საწინააღმდეგოა. თუმცა, თუ სიძულვილი უზენაესი ალლაჰის გულისთვისაა, ეს სავალდებულოა. მეოთხე დარიგება: ზურგს ნუ აქცევთ ერთმანეთს, ანუ ნუ მოიქცევით ისე, რომ ზურგი უჩვენოთ თქვენს მუსლიმ ძმას, გვერდი აუაროთ მას და ურთიერთობა გაწყვიტოთ. მეხუთე დარიგება: ნუ განახორციელებთ ვაჭრობას სხვის მიერ უკვე შეთანხმებულ ვაჭრობაზე, ანუ არ უთხრათ მყიდველს, რომელმაც უკვე იყიდა საქონელი: „ჩემთან იგივე ნივთი უფრო იაფია“, ან „ჩემთან უკეთესია იმავე ფასად“, რითაც გაუქმდება წინამორბედი გარიგება. შემდეგ ალლაჰის მოციქულმა (ალლაჰის ლოცვა და მშვიდობა მას) საერთო დარიგება მისცა და თქვა: "იყავით ძმებივით“ – მოერიდეთ აღნიშნულ აკრძალულ საქმეებს, გამოიჩინეთ სიყვარული, სირბილე, მზრუნველობა, მეგობრული დამოკიდებულება და ურთიერთთანამშრომლობა კეთილ საქმეში, ასევე გქონდეთ გულწრფელი გულები და ყოველთვის მიეცით ერთმანეთს კეთილი რჩევა. ამ ძმობის აუცილებლობიდანაა: რომ არ დაჩაგროს და არ დაუშავოს თავის მუსლიმ ძმას. რომ არ დატოვოს თავისი მუსლიმი ძმა ჩაგვრაში და არ უღალატოს მას იმ სიტუაციაში, სადაც შეუძლია დაეხმაროს და გაათავისუფლოს უსამართლობისგან. რომ არ დაამციროს, არ უყუროს მას დამცირებით და ზიზღით, არ ჩათვალოს უმნიშვნელოდ, რადგან ეს გულში ამპარტავნების შედეგია. შემდეგ ალლაჰის მოციქულმა (ალლაჰის ლოცვა და მშვიდობა მას) სამჯერ აღნიშნა, რომ ღვთისმოშიშობა გულშია. ვისაც გულში ღვთისმოშიშობა აქვს, რაც გულისხმობს კეთილ ზნეობას, ალლაჰის შიშს და მისი მეთვალყურეობის შეგრძნებას, ის არასოდეს დაამცირებს მუსლიმ ძმას. ადამიანისთვის საკმარისი ბოროტებაა, რომ მან თავისი მუსლიმი ძმა შეურაცხყოს, რადგან ეს ამპარტავნობის ნიშანია გულში. შემდეგ( მოციქულმა ალლაჰის ლოცვა და მშვიდობა მას) კიდევ უფრო განამტკიცა აღნიშნული სიტყვები და განაცხადა, რომ ყოველი მუსლიმის მუსლიმისთვის აკრძალულია: მისი სისხლი – არ შეიძლება მის მიმართ ძალადობა, მკვლელობა ან რაიმე სახის ფიზიკური ზიანი, როგორიცაა ჭრილობა ან ცემა. მისი ქონება – აკრძალულია მისი ქონების აღება უსამართლოდ და უკანონოდ. მისი ღირსება – არ შეიძლება მისი დამცირება, ლანძღვა ან შეურაცხყოფა, იქნება ეს პიროვნულად თუ მისი წარმომავლობისა და ღირსების მიმართ.

ჰადისის სარგებლობიდან

1. რწმენით დამყარებული ძმობის ყველა მოთხოვნის შესრულება და ყველაფრისგან თავის არიდება, რაც მას ეწინააღმდეგება, იქნება ეს სიტყვებით თუ ქმედებებით.
2. ღვთისმოშიშობის საფუძველი არის ის, რაც გულშია – ალლაჰის შეცნობა, მისი შიში და მეთვალყურეობის შეგრძნება. ამ ღვთისმოშიშობის შედეგად იბადება კეთილი საქმეები.
3. გარეგანი გადახრა მიუთითებს გულის ღვთისმოშიშობის სისუსტეზე.
4. აკრძალულია მუსლიმისთვის ზიანის მიყენება ნებისმიერი ფორმით – იქნება ეს სიტყვით თუ ქმედებით.
5. შური არ არის ის, როცა მუსლიმს სურს, რომ თავადაც ჰქონდეს იგივე, რაც სხვას, ისე, რომ არ ისურვოს ამ მოწყალების გაქრობა მეორე პირისგან. ამას „ღიბტა'' ეწოდება, რაც ნებადართულია და ხელს უწყობს კეთილ საქმეებში შეჯიბრს.
6. ადამიანს ბუნებრივად არ სურს, რომ ვინმე მასზე აღმატებული იყოს კეთილ თვისებებში. თუ ის იმედოვნებს, რომ ეს მოწყალება სხვას წაერთვას, ეს არის დასაგმობი შური. ხოლო თუ მას სურს კეთილ საქმეში შეჯიბრი, ეს ნებადართული ღიბტაა(კეთილი შური).
7. მუსლიმის მიერ მუსლიმის ვაჭრობაში ჩარევა არ არის ის, როცა მყიდველს აუხსნის, რომ ის მძიმე მოტყუების მსხვერპლი გახდა. ეს კეთილი რჩევის მოთხოვნაა, მხოლოდ იმ პირობით, რომ მისი განზრახვა არის მყიდველის კეთილი რჩევა და არა გამყიდველისთვის ზიანის მიყენება, რადგან საქმეები განზრახვის მიხედვით ფასდება.
8. მუსლიმის მიერ მუსლიმის ვაჭრობაზე ვაჭრობა არ მიიჩნევა, თუ გამყიდველებს შორის შეთანხმება არ შედგა და ფასი ჯერ არ დადგენილა.
9. ჰადისში ნახსენები აკრძალული სიძულვილი არ მოიცავს ალლაჰის გულისთვის სიძულვილს, რადგან ეს სავალდებულოა და ერთ-ერთი ყველაზე მტკიცე კავშირია რწმენაში.