Hadith: “ជនណាដែលមិនមានក្តីមេត្តាករុណាចំពោះមនុស្សលោក អល់ឡោះជាម្ចាស់ក៏មិនមានក្តីមេត្តាករុណាចំពោះគេវិញដែរ”។

عن جرير بن عبد الله رضي الله عنه قال: قال رسول الله صلى الله عليه وسلم:
«مَنْ لَا يَرْحَمِ النَّاسَ لَا يَرْحَمْهُ اللهُ عَزَّ وَجَلَّ».
[صحيح] - [متفق عليه] - [صحيح مسلم: 2319]

អំពី ជើរៀរ ពិន អាប់ទុលឡោះ رضي الله عنه បាននិយាយថា៖ រ៉ស៊ូលុលឡោះ ﷺ លោកបានមានប្រសាសន៍ថា៖
“ជនណាដែលមិនមានក្តីមេត្តាករុណាចំពោះមនុស្សលោក អល់ឡោះជាម្ចាស់ក៏មិនមានក្តីមេត្តាករុណាចំពោះគេវិញដែរ”។
[صحيح] - [متفق عليه] - [صحيح مسلم - 2319]

Explanation

ណាពី ﷺ លោកបានបញ្ជាក់ថា ជាការពិតណាស់ អ្នកដែលមិនមានក្តីមេត្តាករុណាចំពោះមនុស្សលោក អល់ឡោះជាម្ចាស់ក៏មិនមានក្តីមេត្តាករុណាចំពោះគេវិញដូចគ្នា។ ដូចនេះ ក្តីមេត្តាករុណារបស់ខ្ញុំបម្រើអល់ឡោះចំពោះសត្វលោករបស់ទ្រង់ គឺជាមូលហេតុដ៏ចម្បងមួយដើម្បីទទួលបាននូវក្តីមេត្តាករុណាពីអល់ឡោះជាម្ចាស់។

Benefits from the Hadith

1. ក្តីមេត្តាករុណាទាមទារឲ្យមានចំពោះគ្រប់ភាវៈទាំងអស់។ ក៏ប៉ុន្តែណាពី ﷺ លោកបានលើកយកមនុស្សមករំលឹកក្នុងហាទីស្ហនេះដើម្បីបង្ហាញពីការយកចិត្តទុកដាក់ចំពោះពួកគេ។
2. អល់ឡោះទ្រង់ជាម្ចាស់ដ៏មហាមេត្តាករុណាបំផុត ហើយទ្រង់មានក្តីមេត្តាករុណាចំពោះខ្ញុំបម្រើរបស់ទ្រង់ទាំងឡាយណាដែលមានចិត្តមេត្តា ពីព្រោះការតបស្នង គឺទៅតាមប្រភេទនៃទង្វើដែលគេបានសាង។
3. ក្តីមេត្តាករុណាចំពោះមនុស្ស គឺគ្របដណ្តប់លើការធ្វើល្អចំពោះពួកគេ ការពារគ្រោះថ្នាក់ពីពួកគេ និងប្រាស្រ័យទាក់ទងជាមួយពួកគេដោយល្អប្រសើរ។