ഹദീസ്: ആരെങ്കിലും ജനങ്ങളോട് കരുണ ചെയ്തില്ലെങ്കിൽ അല്ലാഹു അവനോട് കരുണ കാണിക്കുന്നതല്ല.
عن جرير بن عبد الله رضي الله عنه مرفوعاً: «مَنْ لا يَرْحَمِ النَّاسَ لا يَرْحَمْهُ اللهُ».
[صحيح] - [متفق عليه]
المزيــد ...
ജരീർ ബ്നു അബ്ദില്ല -رَضِيَ اللَّهُ عَنْهُ- നിവേദനം: നബി -ﷺ- പറഞ്ഞു: "ആരെങ്കിലും ജനങ്ങളോട് കരുണ ചെയ്തില്ലെങ്കിൽ അല്ലാഹു അവനോട് കരുണ കാണിക്കുന്നതല്ല."
സ്വഹീഹ് - ബുഖാരിയും മുസ്ലിമും ഉദ്ധരിച്ചത്
ജനങ്ങളോട് കരുണ കാണിക്കാത്തവരോട് അല്ലാഹു കരുണ കാണിക്കുകയില്ല. ഇവിടെ ജനങ്ങൾ എന്നത് കൊണ്ട് ഉദ്ദേശിക്കുന്നത് കാരുണ്യത്തിന് അർഹരായ (അല്ലാഹുവിൽ) വിശ്വസിച്ചവരും, (ഇസ്ലാമിക രാജ്യത്ത് ജിസ്യ നൽകിക്കൊണ്ട് ജീവിക്കുന്ന) ദിമ്മികളും അതു പോലുള്ളവരുമാണ്. എന്നാൽ ഇസ്ലാമിനോട് യുദ്ധത്തിലേർപ്പെട്ടിരിക്കുന്ന, (അല്ലാഹുവിനെ) നിഷേധിച്ചവർ; അവരോട് കരുണ ചെയ്യേണ്ടതില്ല. മറിച്ച് അവരെ (ഇസ്ലാമിക ഭരണാധികാരിക്ക് കീഴിലുള്ള സൈന്യം) കൊലപ്പെടുത്തുകയാണ് വേണ്ടത്. കാരണം നബി -ﷺ- യെയും അവിടുത്തെ സ്വഹാബികളെയും വിവരിച്ചു കൊണ്ട് അല്ലാഹു പറഞ്ഞതു നോക്കൂ: "അവർ (അല്ലാഹുവിനെ) നിഷേധിച്ചവരോട് പരുഷത പുലർത്തുന്നവരും, അവർക്കിടയിൽ പരസ്പരം കാരുണ്യത്തിൽ വർത്തിക്കുന്നവരുമാണ്." (ഫത്ഹ്: 29)
ഹദീഥിൻ്റെ പാഠങ്ങളിൽ നിന്ന്
- * ജനങ്ങൾ എന്ന് ഇവിടെ പ്രത്യേകം എടുത്തു പറഞ്ഞത് അവരെ കൂടുതൽ പരിഗണിക്കുന്നതിന് വേണ്ടിയാണ്. അതല്ലെങ്കിൽ സർവ്വ ജീവജാലങ്ങളോടും കാരുണ്യത്തിൽ വർത്തിക്കേണ്ടതുണ്ട്.
- * കാരുണ്യം എന്നത് മഹത്തരമായ സ്വഭാവഗുണമാണ്. മനുഷ്യമനസ്സുകളിൽ അത് നട്ടുവളർത്താനുള്ള ശക്തമായ പ്രേരണ ഇസ്ലാമിൽ കാണാൻ കഴിയും.
- * ജനങ്ങൾ പരസ്പരം കാരുണ്യത്തിൽ വർത്തിക്കുക എന്നത് അല്ലാഹു അവർക്ക് മേൽ കാരുണ്യം വർഷിക്കാനുള്ള കാരണങ്ങളിലൊന്നാണ്.
- * കാരുണ്യം എന്ന വിശേഷണം അല്ലാഹുവിനുണ്ട് എന്ന് ഈ ഹദീഥ് സ്ഥിരീകരിക്കുന്നു. ഹദീഥിൻ്റെ ബാഹ്യാർത്ഥം മനസ്സിലാക്കി നൽകുന്ന രൂപത്തിൽ, അല്ലാഹുവിൻ്റെ മഹത്വത്തിന് യോജിച്ച നിലയിൽ ആ വിശേഷണം സ്ഥിരീകരിക്കുകയാണ് വേണ്ടത്.
വിഭാഗങ്ങൾ
കൂടുതൽ
- ഹദീസ്: ഒരാൾ തന്റെ (മുസ്ലിം) സഹോദരനെ ഇഷ്ടപ്പെടുന്നുണ്ടെങ്കിൽ അവൻ അയാളെ ഇഷ്ടപ്പെടുന്നുണ്ടെന്ന് അയാളെ അറിയിക്കട്ടെ.
- ഹദീസ്: അഞ്ചു നമസ്കാരങ്ങൾ, ഒരു ജുമുഅ മുതൽ അടുത്ത ജുമുഅ വരെ, ഒരു റമദാൻ മുതൽ അടുത്ത റമദാൻ വരെ; ഇവക്കിടയിലുള്ള (തിന്മകൾക്കുള്ള) പ്രായശ്ചിത്തമാണ്; വൻപാപങ്ങൾ ഉപേക്ഷിക്കപ്പെട്ടുവെങ്കിൽ.
- ഹദീസ്: അല്ലാഹു ഒരാൾക്ക് മേൽ കരുണ ചൊരിയട്ടെ; അവൻ (കച്ചവടത്തിൽ) വിൽക്കുമ്പോഴും സൗമ്യനാണ്. വാങ്ങുമ്പോഴും, കടം തിരിച്ചു ചോദിക്കുമ്പോഴും (സൗമ്യനാണ്).
- ഹദീസ്: "ജനങ്ങൾക്ക് കടം നൽകിയിരുന്ന ഒരാളുണ്ടായിരുന്നു. അയാൾ തൻ്റെ ജോലിക്കാരനോട് പറയുമായിരുന്നു: (കടക്കാരിൽ) പ്രയാസം അനുഭവിക്കുന്ന ആരെയെങ്കിലും കണ്ടാൽ അയാൾക്ക് വിട്ടുകൊടുക്കുക. അല്ലാഹു നമുക്കും പൊറുത്തു തന്നേക്കാം. അങ്ങനെ അവൻ അല്ലാഹുവിനെ കണ്ടുമുട്ടി; അല്ലാഹു അവന് പൊറുത്തു നൽകുകയും ചെയ്തു.
- ഹദീസ്: ഒരാൾ നബി -ﷺ- യോട് പറഞ്ഞു: "എനിക്ക് വസ്വിയ്യത് നൽകിയാലും." നബി -ﷺ- പറഞ്ഞു: "നീ കോപിക്കരുത്." അയാൾ വീണ്ടും പല തവണ ആവർത്തിച്ചു. (അപ്പോഴെല്ലാം) നബി -ﷺ- പറഞ്ഞു: "നീ കോപിക്കരുത്."
- ഹദീസ്: തങ്ങളുടെ വിധികളിലും കുടുംബത്തിലും ഏറ്റെടുത്ത കാര്യങ്ങളിലും നീതി പാലിച്ചവർ അല്ലാഹുവിങ്കൽ പ്രകാശം കൊണ്ടുള്ള ഇരിപ്പിടങ്ങൾക്ക് മുകളിലായിരിക്കും.
- ഹദീസ്: ചിലർ അല്ലാഹുവിൻ്റെ സമ്പത്തിൽ നിന്ന് അന്യായമായി (പലതും) കൈവശപ്പെടുത്തുന്നു. ഉയിർത്തെഴുന്നേൽപ്പിൻ്റെ നാളിൽ നരകമാണ് അവർക്കുള്ളത്.