Хадис: Өзүнө жараша мамиле кылуу тууганчылык байланышты бекемдөөгө жатпайт. Тууганчылык байланыш үзүлгөндө аны байланыштырган адам тууганчылык байланышты бекемдеген адам болот

عن عبد الله بن عمرو رضي الله عنهما عن النبي صلى الله عليه وسلم قال:
«لَيْسَ الْوَاصِلُ بِالْمُكَافِئِ، وَلَكِنِ الْوَاصِلُ الَّذِي إِذَا قُطِعَتْ رَحِمُهُ وَصَلَهَا».
[صحيح] - [رواه البخاري] - [صحيح البخاري: 5991]

Абдулла ибн Амр (Аллах андан ыраазы болсун) риваят кылган хадисте Пайгамбар (ага Аллахтын тынчтыгы жана мактоосу болсун) айтты:
«Өзүнө жараша мамиле кылуу тууганчылык байланышты бекемдөөгө жатпайт. Тууганчылык байланыш үзүлгөндө аны байланыштырган адам тууганчылык байланышты бекемдеген адам болот».
[Сахих (ишенимдүү)] - [Бухари жазып калтырган] - [Сахих ал-Бухари - 5991]

Түшүндүрмө

Пайгамбар (ага Аллахтын тынчтыгы жана мактоосу болсун) хадисте мындай деп кабар берип жатат. Тууганчылык байланышты толук кандуу аткарган адам жана жакындарына жакшылык кылган адам - ал көргөн жакшылыкка жараша жакшылык менен жооп берген адам эмес. Тескерисинче, ал жакын туугандары аны менен тууганчылык байланышты үзүп ага жамандык кылышса да алар менен тууганчылык байланышты күчөтүп, тууганчылык байланышты толук кандуу бекемдеген адам. Анткени ал жакын туугандарына жакшылык менен жооп берип жатат.

Хадистин пайдалары

1. Шариятта этибарга алынган туугандык байланышты бекемдөө - сенден мамилесин үзгөн туугандар менен мамиле кылууң, сага зулумдук кылганды кечирүүң жана сенден бир нерселерди тыйып койсо да сен ага берүүң. Туугандык байланышты бекемдөө жакшылыкка жараша гана жакшылык кылуу эмес, тескерисинче, бардыгы менен бирдей жакшы мамиледе болуу.
2. Туугандык байланышты бекемдөө – бул жакын туугандарга колдон келген мал-дүйнөдөн жакшылык кылып берүү, аларга дуба кылуу, аларды жакшылыкка чакырып жамандыктан кайтаруу ж.б.у.с. жакшылыктарды кылуу. Ошондой эле мүмкүн болушунча аларды жамандыктардан сактоо керек.