ھەدىس: بىرگە بىرنى ئۇدۇللاپ قىلغۇچى تۇققاندارچىلىقنى يەتكۈزگۈچى ئەمەس، ھەقىقەتەن تۇققاندارچىلىقنى يەتكۈزگۈچى باشقىلار ئۈزۈپ قويسىمۇ ئۇلارغا تۇققاندارچىلىقنى يەتكۈزۈپ تۇرىدىغان كىشىدۇر
عن عبد الله بن عمرو بن العاص رضي الله عنهما عن النبي صلى الله عليه وسلم قال: «ليس الواصل بالمُكَافِئِ ، ولكنَّ الواصل الذي إذا قَطعت رحِمه وصَلَها».
[صحيح] - [رواه البخاري]
المزيــد ...
ئابدۇللاھ ئىبنى ئەمرۇ ئىبنى ئاس رەزىيەللاھۇ ئەنھۇدىن رىۋايەت قىلىنغان ھەدىستە، پەيغەمبەر ئەلەيھىسسالام مۇنداق دەيدۇ: «بىرگە بىرنى ئۇدۇللاپ قىلغۇچى تۇققاندارچىلىقنى يەتكۈزگۈچى ئەمەس، شۈبھىسىزكى، تۇققاندارچىلىقنى يەتكۈزگۈچى باشقىلار ئۈزۈپ قويسىمۇ ئۇلارغا تۇققاندارچىلىقنى يەتكۈزۈپ تۇرىدىغان كىشىدۇر» دېدى
سەھىھ(بەش شەرت تولۇق بولغادا ھەدىس سەھىھ بولىدۇ) - بۇخارى"سەھىھۇل بۇخارى"ناملىق ئەسىرىدە رىۋايەت قىلغان
پەيغەمبەرئەلەيھىسسالامنىڭ: «بىرگە بىرنى ئۇدۇللاپ قىلغۇچى تۇققاندارچىلىقنى ئۇلىغۇچى ئەمەس» دېگەن سۆزىنىڭ مەنىسى: ياخشىلىقنىڭ باراۋىرىگە ياخشىلىق قىلغان كىشى ئۆزىنىڭ ئۇرۇق-تۇققانلىرىغا ياخشىلىق قىلغۇچى ۋە سىلە-رەھىم قىلغۇچى ھېسابلانمايدۇ، بەلكى ھەقىقى سىلە-رەھىمنى ئۇلۇغۇچى: باشقا تۇققانلىرى ياخشىلىق قىلمىسىمۇ ھەتتا يامانلىق قىلسىمۇ ئۇلارغا يامانلىق باراۋىرىگە ياخشىلىق قىلىشنى داۋاملاشتۇرىدۇ، مانا بۇ ھەقىقى ئۇرۇق-تۇققانچىلىقنى ئۇلىغۇچى ھېسابلىنىدۇ، ئىنسان ئۆزىنىڭ ئۇرۇق-تۇققانلىرى، خولۇم-خوشنىلىرى، دوست-بۇرادەرلىرىدىن يەتكەن ئەزىيەتلەرگە سەۋىر قىلىشى ۋە ئاللاھدىن ساۋاپ ئۈمىد قىلىشى كېرەك، شۇنداق قىلغاندا ئۇ كىشى ئاللاھنىڭ ياردىمىگە ئېرىشىدۇ، ئۇ كىشى پايدىغا ئېرىشىدۇ، باشقىلار بولسا زېيان تارتىدۇ. ئۇرۇق-تۇققانلىقنى ئۇلاش مال بىلەن، ھاجاتمەنلەرگە ياردەم قىلىش بىلەن، زەرەرنى يوق قىلىش بىلەن، باشقىلارغا ئوچۇق چىراي ئېچىش بىلەن ۋە دۇئا قىلىش قاتارلىق ئىشلار بىلەن بولىدۇ، ئومۇمەن تۇققاندارچىلىقنى ئۇلاش دېگەن كۈچىنىڭ يېتىشچە مۇمكىن بولغان ياخشىلىقىنى يەتكۈزۈش ۋە يامانلىقنى كەتكۈزۈش بىلەن بولىدۇ، ئىسلام تۇققاندارچىلىقنى ئۇلاشنى ئالاھىدە تەكىتلىدى. دىققەت قىلىشقا تىگىشلىك بىر ئىش: تۇققاندارچىلىقنى يەتكۈزمىگەن كىشى بىلەن ئالاقىنى ئۈزۈش تاشلىۋىتىپ ساقلىنىش ياكى قوغدىنىشنىڭ بابىدىن ھېسابلانمايدۇ. مەسىلەن: بىر كىشى تۇققانلىرىنىڭ توغرا يولغا قايتىشى، دىنى جەھەتتىن بولغان خاتالىقلىرىنى تۈزىتىشى ئۈچۈن ياكى ئۆزى ۋە ئائىلىسىدىكىلەرنىڭ مەسلەھەتى ئۈچۈن تۇققاندارچىلىقنى يەتكۈزمىگەن بولسا بۇنىڭ زېيىنى يوق، چۈنكى ئۇلارغا تۇققاندارچىلىقنى يەتكۈزسە ئۇلار دىنى جەھەتتىن بولغان خاتالىقلىرىنى تۈزەتمىسە ياكى ئۆزى ۋە ئائىلىسىدىكىلەرگە بولغان دۈشمەنلىكى ئۆزگەرمىسە بۇنىڭ زېينىدىن ساقلىنىش ئۈچۈن يەتكۈزمەسلىك ياخشى بولىدۇ
ئەسەرلەر
تېخىمۇ كۆپ
- ھەدىس: كىمكى بىر غېرىچ زېمىنغا زۇلۇم قىلسا، قىيامەت كۈنى يەتتە قات زېمىننىڭ مىقدارىدا بوينىغا ئېسىپ قويىلىدۇ
- ھەدىس: ھەقىقەتەن زامان، ئاللاھ تائالا ئاسمان زىمىننى يارتقان كۈنىدىكىدەك ئەسلى ھالىتىگە ئايلاندى. بىر يىل ئون ئىككى ئايدۇر، بۇلاردىن تۆرتى ئۇرۇش ھارام قىلىنغان ئايلار بولۇپ، ئۈچى ئارقىمۇ-ئارقا كېلىدۇ، زۇلقەئدە، زۇلھەججە ۋە مۇھەررەم، تورتىنچىسى جۇمادا بىلەن شەئبان ئارسىدىكى مۇزەر قەبىلىسى بەك ئۇلۇغلايدىغان رەجەب ئېيىدۇر