Hadith: “ជាការពិតណាស់ អល់ឡោះជាម្ចាស់ពេញចិត្តឲ្យគេអនុវត្តប្រការដែលទ្រង់អនុគ្រោះឲ្យ ដូចដែលទ្រង់ពេញចិត្តចង់ឲ្យគេអនុវត្តប្រការដែលទ្រង់ដាក់ជាកាតព្វកិច្ចដូច្នោះដែរ”។

عَنِ ابْنِ عَبَّاسٍ رضي الله عنهما قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ:
«إِنَّ اللَّهَ يُحِبُّ أَنْ تُؤْتَى رُخَصُهُ، كَمَا يُحِبُّ أَنْ تُؤْتَى عَزَائِمُهُ».
[صحيح] - [رواه ابن حبان] - [صحيح ابن حبان: 354]

អំពី អ៊ិពនូអាប់ហ្ពាស رضي الله عنهما បាននិយាយថា៖ រ៉ស៊ូលុលឡោះ ﷺ លោកបានមានប្រសាសន៍ថា៖
“ជាការពិតណាស់ អល់ឡោះជាម្ចាស់ពេញចិត្តឲ្យគេអនុវត្តប្រការដែលទ្រង់អនុគ្រោះឲ្យ ដូចដែលទ្រង់ពេញចិត្តចង់ឲ្យគេអនុវត្តប្រការដែលទ្រង់ដាក់ជាកាតព្វកិច្ចដូច្នោះដែរ”។
[صحيح] - [رواه ابن حبان] - [صحيح ابن حبان - 354]

Explanation

ណាពី ﷺ លោកបានប្រាប់ថា ជាការពិតណាស់ អល់ឡោះជាម្ចាស់ពេញចិត្តឲ្យគេអនុវត្តនូវប្រការដែលទ្រង់អនុគ្រោះឲ្យដែលច្បាប់ឥស្លាមបានបញ្ញត្តិ ដូចជាការបន្ធូរបន្ថយចំពោះក្បួនច្បាប់នានា និងការគោរពសក្ការៈ ការសម្រួលនូវប្រការទាំងនោះចំពោះអ្នកដែលមានឧបសគ្គ ដូចជាការបង្រួមសឡាត និងផ្តុំសឡាតក្នុងពេលធ្វើដំណើរជាដើម ដូចដែលទ្រង់ពេញចិត្តចង់ឲ្យគេអនុវត្តប្រការដែលទ្រង់ដាក់ជាកាតព្វកិច្ចដូច្នោះដែរ ពីព្រោះបទបញ្ជារបស់អល់ឡោះទាំងការអនុគ្រោះ ទាំងជាកាតព្វកិច្ច គឺតែមួយ។

Benefits from the Hadith

1. ក្តីមេត្តាករុណារបស់អល់ឡោះជាម្ចាស់ចំពោះខ្ញុំបម្រើរបស់ទ្រង់ទាំងឡាយដោយទ្រង់ពេញចិត្តក្នុងការដែលគេអនុវត្តនូវប្រការទាំងឡាយដែលច្បាប់បានអនុគ្រោះឲ្យ។
2. ភាពពេញលេញនៃច្បាប់បញ្ញត្តិឥស្លាម និងការខិតខំប្រឹងប្រែងដើម្បីលុបបំបាត់ការលំបាកសម្រាប់ជនមូស្លីម។