عن أبي موسى الأشعري رضي الله عنه عن النبي صلى الله عليه وسلم قال: «تعاهدوا هَذَا القُرْآنَ، فَوَالَّذِي نَفْسُ مُحَمَّدٍ بِيَدِهِ لَهُوَ أشَدُّ تَفَلُّتاً مِنَ الإبلِ فِي عُقُلِهَا». .
[صحيح] - [متفق عليه]
المزيــد ...
Ebu Musai (Allahu qoftë i kënaqur me të!) tregon se Profeti ﷺ ka thënë: "c2">“Përsëriteni Kuranin vazhdimisht, sepse, betohem në Atë, në Dorën e të Cilit është shpirti i Muhamedit, se ai ikën më shpejt se deveja kur zgjidhet nga litari.”
Ky hadith është sahih. - Muttefek alejhi.
Togfjalëshi: "Teahedul Kuran", nënkupton "lexojeni në vazhdimësi". Ndërkaq, pjesa: "sepse, betohem në Atë, në Dorën e të Cilit është shpirti i Muhamedit, se ai ikën më shpejt se deveja kur zgjidhet nga litari." Fjala arabe "ukal" është shumës i fjalës "ikal", që është një litar me të cilin lidhet deveja në mes të krahut. Kuranin e mësuar përmendsh e shëmbëlleu me devenë e trembur, e cila është e lidhur me litar. Allahu i Lartësuar me mirësinë e Tij u dha atyre këtë begati të madhe, kështu që ai duhet të kujdeset për të duke e përsëritur përmendsh dhe duke e lexuar në vazhdimësi. Kësisoj i cakton vetes një pjesë ditore, së cilës i përmbahet çdo ditë, që të mos e harrojë. Ndërkaq, ai që e harron natyrshëm, atëherë nuk i bën dëm. Por, kushdo që e neglizhon dhe tregohet i pavëmendshëm, pasi Allahu e begatoi me mësimin përmendsh, frikësohemi se atë mund ta godasë dënimi. Andaj, duhet pasur kujdes që në vazhdimësi të lexohet Kurani, në mënyrë që të mbetet në gjoks, si dhe duke punuar me të, sepse veprimi sipas një gjëje çon në ruajtjen dhe qëndrueshmërinë e saj.