hadiisa: Nabiyyiin -Rabbiin rahmataa fi nageenya isaan irratti haa buusu- hoolaa buburree gaafa qabu lama uduuhiyyaaf qalani, miila isaanii morma hoolaa irra kaa'anii bismillaahi Allaahu Akbar jechaa harka ofiitiin gorra'ani

عَنْ أَنَسٍ رَضيَ اللهُ عنهُ قَالَ:
ضَحَّى النَّبِيُّ صَلَّى اللهُ عَلَيْهِ وَسَلَّمَ بِكَبْشَيْنِ أَمْلَحَيْنِ أَقْرَنَيْنِ، ذَبَحَهُمَا بِيَدِهِ، وَسَمَّى وَكَبَّرَ، وَوَضَعَ رِجْلَهُ عَلَى صِفَاحِهِمَا.
[صحيح] - [متفق عليه] - [صحيح البخاري: 5565]

Anas irraa akka odeeffametti -Rabbi isa irraa haa jaallatu- ni jedhe:
Nabiyyiin -Rabbiin rahmataa fi nageenya isaan irratti haa buusu- hoolaa buburree gaafa qabu lama uduuhiyyaaf qalani, miila isaanii morma hoolaa irra kaa'anii bismillaahi Allaahu Akbar jechaa harka ofiitiin gorra'ani.
[sirrii] - [Bukharif muslim irratti waliigalan] - [Sahiiha bukhaarii - 5565]

Ibsaa

Anas -Rabbi isa irraa haa jaallatu- Nabiyyiin -Rabbiin rahmataa fi nageenya isaan irratti haa buusu- guyyaa Iid Al-Adahaa harka ofiitiin korbeessa hoolaa aadii gurraacha makatu kan gaafa qabu lama, miila isaanii morma hoolaa irra kaa'uun Bismillaah Allaahu Akbar jechaa uduhiyyaaf akka gorra'an hime.

bu.aa hadiisa irraa

1. Uduhiyyaan karaa godhamuu isaa, muslimoonni irratti wolii galaniiru.
2. Uduhiyyaan irra caalaan isaa gosa nabiyyiin -Rabbiin rahmataa fi nageenya isaan irratti haa buusu- qalan kana ta'uudha; ilaalchatti bareedaa fi foonii fi coomni isaas irra gaarii waan ta'eef jecha.
3. Aalimni Islaamaa Nawawiin akkas jedhe: namni uduhiyya godhu ofii uduhiyyaa isaa ofii isaatiif gorra'uun jaallatamaa ta'uutu keessa jira, uzuriin maleetti gorraasuuf nama bakka hin buufatu, nama bakka buufate yoo ta'e gorraasuu isaa irrattii argamuu qaba, muslima bakka yoo buufates wol dhabbii tokkoon maletti ni ta'a.
4. Aalimni Islaamaa Ibnu hajar akkas jedhe: yeroo gorraasuu Allaahu Akbarii woliin Bismillaah jechuun jaallatamaa ta'uutu keessa jira, akkasuma morma isaa mirgaa irra miila kaa'uunis jaallatamaa ta'uu isaa, gara bitaa irra akka ciifsamee miila isaa cinaa isaa kan mirgaa irra akka kaa'uu qabus irratti wolii galaniiru, namni gorra'u albee mirgaan qabatee mataa hoolaa bitaan qabata; gorraasuun akka isatti laafaa ta'uuf jecha.
5. Uduhiyyaan kan gaafa qabuun jaallatamaa ta'uu isaa, kan hin qabneenis ni ta'a.