ሓዲሥ: ጾመኛ መሆኑን ረስቶ የበላ ወይም የጠጣ ሰው ጾሙን ይሙላ። ያበላውና ያጠጣው አላህ ነውና።
عَنْ أَبِي هُرَيْرَةَ رَضِيَ اللهُ عَنْهُ قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«مَنْ نَسِيَ وَهُوَ صَائِمٌ، فَأَكَلَ أَوْ شَرِبَ، فَلْيُتِمَّ صَوْمَهُ، فَإِنَّمَا أَطْعَمَهُ اللهُ وَسَقَاهُ».
[صحيح] - [متفق عليه] - [صحيح مسلم: 1155]
المزيــد ...
ከአቡ ሁረይራ - አላህ መልካም ሥራቸውን ይውደድላቸውና - እንደተላለፈው እንዲህ አሉ: «የአላህ መልክተኛ (የአላህ ሰላትና ሰላም በእርሳቸው ላይ ይስፈን) እንዲህ ብለዋል:
"ጾመኛ መሆኑን ረስቶ የበላ ወይም የጠጣ ሰው ጾሙን ይሙላ። ያበላውና ያጠጣው አላህ ነውና።"»
[ሶሒሕ ነው።] - [ቡኻሪና ሙስሊም ዘግበውታል።] - [ሶሒሕ ሙስሊም - 1155]
ነቢዩ (የአላህ ሰላትና ሰላም በእርሳቸው ላይ ይስፈን) የግዴታ ጾም ወይም የሱና ጾም ፁሞ ጾመኛ መሆኑን ረስቶ የበላ ወይም የጠጣ ሰው ጾሙን ይሙላ እንዳያፈጥር ብለው ገለፁ። ምክንያቱም ማፍጠርን አስቦ ሳይሆን ይህ (በመርሳቱ ምክንያት) አላህ የሰጠው ያበላው ያጠጣው ሲሳይ ነውና።
ከሐዲሱ የምንጠቀማቸው ቁምነገሮች
- ረስቶ የበላ ወይም የጠጣ ሰው ጾሙ ትክክለኛ መሆኑን እንረዳለን።
- ረስቶ የበላ ወይም የጠጣ ሰው በምርጫው ስላልሆነ መብላቱ ጥፋተኛ አያደርገውም።
- አላህ ለባሮቹ ያለውን እዝነትና ለነረሱ ማቅለሉን፣ ጭንቅና ችግርንም ከነርሱ ላይ ማንሳቱን ተረድተናል።
- አንድ ጾመኛ ሶስት መስፈርቶች የተሟሉ ጊዜ ካልሆነ በቀር ጾሙን አይፈታም። አንደኛ: አውቆ መሆኑ ነው፤ የማያውቅ ከሆነ አይፈታም። ሁለተኛ: እያስታወሰ መሆን አለበት። ረስቶ ከሆነ የበላው ጾሙም ትክክለኛ ነው። (ሲያስታውስ እስከታቀበ ድረስ) በርሱም ላይ ምንም ቀዿእ አይኖርበትም። ሶስተኛ: ፈቅዶ መሆን አለበት። ተገዶ መሆን የለበትም። በምርጫው የሚያስፈታ ነገር መውሰድ አለበት።