ഹദീസ്: ആരെങ്കിലും നോമ്പുകാരനായിരിക്കെ മറന്നു കൊണ്ട് ഭക്ഷണം കഴിക്കുകയോ വെള്ളം കുടിക്കുകയോ ചെയ്താൽ അവൻ തൻ്റെ നോമ്പ് പൂർത്തീകരിച്ചു കൊള്ളട്ടെ; അവനെ ഭക്ഷിപ്പിക്കുകയും അവന് വെള്ളം നൽകുകയും ചെയ്തത് അല്ലാഹു മാത്രമാണ്
عَنْ أَبِي هُرَيْرَةَ رَضِيَ اللهُ عَنْهُ قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«مَنْ نَسِيَ وَهُوَ صَائِمٌ، فَأَكَلَ أَوْ شَرِبَ، فَلْيُتِمَّ صَوْمَهُ، فَإِنَّمَا أَطْعَمَهُ اللهُ وَسَقَاهُ».
[صحيح] - [متفق عليه] - [صحيح مسلم: 1155]
المزيــد ...
അബൂ ഹുറൈറ -رَضِيَ اللَّهُ عَنْهُ- നിവേദനം: നബി -ﷺ- പറയുന്നു:
"ആരെങ്കിലും നോമ്പുകാരനായിരിക്കെ മറന്നു കൊണ്ട് ഭക്ഷണം കഴിക്കുകയോ വെള്ളം കുടിക്കുകയോ ചെയ്താൽ അവൻ തൻ്റെ നോമ്പ് പൂർത്തീകരിച്ചു കൊള്ളട്ടെ; അവനെ ഭക്ഷിപ്പിക്കുകയും അവന് വെള്ളം നൽകുകയും ചെയ്തത് അല്ലാഹു മാത്രമാണ്."
[സ്വഹീഹ്] - [ബുഖാരിയും മുസ്ലിമും ഉദ്ധരിച്ചത്] - [صحيح مسلم - 1155]
ഒരാൾ നിർബന്ധമായതോ സുന്നത്തായതോ ആയ നോമ്പിൽ ആയിരിക്കുന്ന വേളയിൽ, മറന്നു കൊണ്ട് ഭക്ഷിക്കുകയോ വെള്ളം കുടിക്കുകയോ ചെയ്താൽ അവൻ തൻ്റെ നോമ്പ് പൂർത്തീകരിക്കട്ടെ എന്നും, ആ നോമ്പ് മുറിഞ്ഞതായി കണക്കാക്കേണ്ടതില്ലെന്നും നബി (ﷺ) അറിയിക്കുന്നു. തൻ്റെ നോമ്പ് മുറിക്കുക എന്ന ഉദ്ദേശ്യം അവനുണ്ടായിരുന്നില്ല എന്നതിനാൽ തന്നെ അല്ലാഹു അവനിലേക്ക് എത്തിക്കുകയും അവനെ ഭക്ഷിപ്പിക്കുകയും കുടിപ്പിക്കുകയും ചെയ്ത ഉപജീവനത്തിൽ പെട്ടതാണ് അത് എന്നും അവിടുന്ന് കൂട്ടിച്ചേർത്തു.
ഹദീഥിൻ്റെ പാഠങ്ങളിൽ നിന്ന്
- മറന്നു കൊണ്ട് ഭക്ഷിക്കുകയോ കുടിക്കുകയോ ചെയ്തവൻ്റെ നോമ്പ് ശരിയാണ്.
- നോമ്പുകാരനായിരിക്കെ മറന്നു കൊണ്ട് ഭക്ഷിക്കുകയോ കുടിക്കുകയോ ചെയ്തവന് മേൽ യാതൊരു തെറ്റുമില്ല. കാരണം, അവൻ സ്വേഛപ്രകാരം ചെയ്തതല്ല അത്.
- അല്ലാഹുവിന് തൻ്റെ അടിമകളോടുള്ള
- അനുകമ്പയും, അവർക്ക് അവൻ ദീനിൻ്റെ വിധിവിലക്കുകൾ.എളുപ്പമാക്കി നൽകിയിരിക്കുന്നു എന്നതും, അവരുടെ മേൽ നിന്ന് എല്ലാ പ്രയാസവും ബുദ്ധിമുട്ടും അവൻ നീക്കി നൽകിയിരിക്കുന്നു എന്നതും (ഈ ഹദീഥിൽ നിന്ന് മനസ്സിലാക്കാം).
- നോമ്പ് മുറിയാൻ കാരണമാകുന്ന ഒരു കാര്യം ചെയ്താൽ പോലും, ഒരാളുടെ നോമ്പ് മുറിയണമെങ്കിൽ മൂന്ന് നിബന്ധനകളുണ്ട്. (1) അക്കാര്യം തൻ്റെ നോമ്പ് മുറിക്കുന്ന പ്രവൃത്തിയാണെന്ന് അവന് അറിവുണ്ടായിരിക്കണം; അറിവില്ലാതെയാണ് അവൻ ചെയ്തത് എങ്കിൽ അവൻ്റെ നോമ്പ് മുറിയുകയില്ല. (2) നോമ്പ് മുറിക്കുന്ന പ്രവൃത്തിയാണ് ചെയ്യുന്നത് എന്ന ഓർമ്മയോടെ ചെയ്തതായിരിക്കണം; മറന്നു കൊണ്ട് ചെയ്തതാണെങ്കിൽ അവൻ്റെ നോമ്പ് മുറിയുകയില്ല. ആ നോമ്പ് അവൻ മടക്കേണ്ടതുമില്ല. (3) സ്വേഛപ്രകാരം ചെയ്തതായിരിക്കണം; ഒരാൾ നിർബന്ധിച്ച് അവനെ കൊണ്ട് നോമ്പ് മുറിപ്പിക്കുന്ന കാര്യം ചെയ്യിപ്പിച്ചു എന്നാണെങ്കിൽ അവൻ്റെ നോമ്പ് മുറിയുകയില്ല.