হাদীছ: যি ব্যক্তিয়ে কোনোবা এখন ঠাইত থাকিবলৈ অৱতৰণ কৰে আৰু এই দুআ পাঠ কৰে (أعوذ بكلمات الله التَّامَّات من شرِّ ما خلَق) আউজু বিকালিমাতিল্লাহিত তা-ম্মা-তি মিন শ্বাৰ্ৰি মা খালাক্ব। সেই ব্যক্তি যেতিয়ালৈকে সেই ঠাই ত্যাগ কৰি গুচি নাযাব তেতিয়ালৈকে একোৱেই তেওঁক ক্ষতি কৰিব নোৱাৰিব।

عن خولة بنت حكيم رضي الله عنها مرفوعًا: «مَن نزَل مَنْزِلًا فقال: أعوذ بكلمات الله التَّامَّات من شرِّ ما خلَق، لم يَضُرَّه شيءٌ حتى يَرْحَلَ مِن مَنْزِله ذلك».
[صحيح] - [رواه مسلم]

খাওলা বিনতে হাকীম ৰাদ্বিয়াল্লাহু আনহাৰ পৰা মাৰফূ হিচাপে বৰ্ণিত, "যি ব্যক্তিয়ে কোনোবা এখন ঠাইত থাকিবলৈ অৱতৰণ কৰে আৰু এই দুআ পাঠ কৰে (أعوذ بكلمات الله التَّامَّات من شرِّ ما خلَق) আউজু বিকালিমাতিল্লাহিত তা-ম্মা-তি মিন শ্বাৰ্ৰি মা খালাক্ব। সেই ব্যক্তি যেতিয়ালৈকে সেই ঠাই ত্যাগ কৰি গুচি নাযাব তেতিয়ালৈকে একোৱেই তেওঁক ক্ষতি কৰিব নোৱাৰিব।"
ছহীহ - ইয়াক মুছলিমে বৰ্ণনা কৰিছে

ব্যাখ্যা

নবী চাল্লাল্লাহু আলাইহি অছাল্লামে তেওঁৰ উম্মতক উপকাৰী আশ্রয় প্রার্থনাৰ প্রতি দিশ নির্দেশনা প্ৰদান কৰিছে। মানুহে যেতিয়া কোনোবা নতুন ঠাইলৈ ভ্ৰমণ কৰে অথবা বিনোদনৰ বাবে ক’ৰবাত ফুৰিবলৈ যায় নাইবা আন কোনো কাৰণত যায় তেতিয়া যিমান প্রকাৰ অনিষ্ট হোৱাৰ আশংকা থাকে, এই উপকাৰী আশ্ৰয় প্ৰাৰ্থনাৰ দ্বাৰা সেই সকলোবোৰ প্রতিহত হ’ব। কিয়নো তেওঁ আল্লাহৰ কালামৰ দ্বাৰা আশ্রয় প্রার্থনা কৰিছে, তেওঁ শ্বিফা দানকাৰী আৰু বান্দাৰ বাবে তেৱেঁই যথেষ্ট, লগতে তেওঁ সকলো ধৰণৰ দোষ-ত্রুটিৰ পৰা পৱিত্ৰ। এতেকে সেই ব্যক্তি যিমান সময়লৈকে সেই ঠাইত অৱস্থান কৰিব সিমান সময় সকলো কষ্টদায়ক বস্তুৰ পৰা নিৰাপদ থাকিব।