Hadithi: Profeti ﷺ e përmendte Allahun në çdo gjendje
عن عائشة رضي الله عنها قالت: «كان النبي صلى الله عليه وسلم يذكر الله على كل أحْيَانِه».
[صحيح] - [رواه مسلم والبخاري معلقا.
للفائدة: التعليق حذف الإسناد]
المزيــد ...
Aishja (Allahu qoftë i kënaqur me të!) tregon: "Profeti ﷺ e përmendte Allahun në çdo gjendje."
Ky hadith është sahih. - E shënon Buhariu si hadith mual-lek, në mënyrë të prerë.
Kuptimi i hadithit: "Profeti ﷺ e përmendte Allahun” me të gjitha llojet dhikrit, si: subhanallah, la ilahe il-lallah, Allahu ekber, elhamdulilah, duke përfshirë edhe leximin e Kuranit, sepse Kurani është nga dhikri (përmendja) e Allahut, madje është lloji më i mirë i dhikrit. "në çdo gjendje", pra, Profeti ﷺ e përmendte Allahun gjatë gjithë kohës, edhe nëse ishte pa abdes ose xhunub. Megjithatë, dijetarët bënë përjashtim nga përmendja e Allahut të Lartësuar gjatë leximit të Kuranit në gjendje xhunubllëku (papastërtie të madhe). Xhunubi nuk duhet të lexojë Kuran gjatë kësaj gjendjeje në mënyrë absolute; as me shikim (në mus'haf) e as përmendsh, bazuar në hadithin e Aliut (Allahu qoftë i kënaqur me të!), i cili tregon: "c2">“Profeti ﷺ na lexonte Kuran përderisa nuk ishte xhunub.” (E shënojnë Ahmedi dhe autorët e katër sunenëve). Dijetarët nuk janë pajtuar në mendime në lidhje me gruan me menstruacione dhe gruan lehonë se a kanë dispozitë të njëjtë me xhunubin. Mendimi më i saktë është se atyre u lejohet të lexojnë përmendsh, sepse gjendja e tyre zgjat dhe nuk është në dorën e tyre (ta mënjanojnë këtë gjendje), ndryshe nga puna e xhunubit (i cili mund të lahet). Përjashtim nga lejimi i leximit të Kuranit në çdo rast është edhe leximi i tij gjatë kryerjes së nevojës dhe marrëdhënieve seksuale, si dhe në vende që nuk i përshtaten madhështisë së tij, si: banjot, tualetet dhe vendet e tjera të papastra.
Mësime nga hadithi
- Pastrimi nga papastërtia e vogël (të qenët pa abdes) dhe nga ajo e madhe (të qenët xhunub) nuk kërkohet për përmendjen e Allahut të Lartmadhëruar, kështu që është e lejuar për muslimanin të thotë: subhanallah, elhamdulilah, la ilahe il-lAllah, estagfirullah dhe të lexojë Kuran, përderisa nuk është xhunub, për shkak të hadithit që ka ardhur në lidhje me këtë.
- Kuptimi i përgjithshëm i hadithit tregon se një grua me menstruacione dhe një grua lehonë mund të lexojnë Kuranin, por pa e prekur atë, pra me ndonjë pengesë, si: dorëza dhe të ngjashme.
- Profeti ﷺ në vazhdimësi e përmendte Allahun e Lartësuar.
- Aishja (Allahu qoftë i kënaqur me të!) e njihte mirëfilli gjendjen e Profetit ﷺ.