Hadiis: Yãn-zoεεg bee liimaoong pʋgẽ

عن عبد الله بن عمر رضي الله عنهما قال:
سَمِعَ النَّبِيُّ صَلَّى اللهُ عَلَيْهِ وَسَلَّمَ رَجُلًا يَعِظُ أَخَاهُ فِي الْحَيَاءِ، فَقَالَ: «الْحَيَاءُ مِنَ الْإِيمَانِ».
[صحيح] - [متفق عليه] - [صحيح مسلم: 36]

Yii a Abdʋllaah ɭbn Amr nengẽ - Wẽnd yard be b yiibã yĩnga- t'a yeelame:
Nabiyaamã (Wẽnd pʋʋsg la A tɩlgr be a yĩnga) wʋma raoa sẽn sagend a ma-biig yãn-zoεεg wεεngẽ, t'a yeele: "Yãn-zoεεg bee liimaoong pʋgẽ".
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Muslim - 36]

bilgrã

Nabiyaamã (Wẽnd pʋʋsg la A tɩlgr be a yĩnga) wʋma raoa t'a sagend a ma-biiga t'a bas yãn-zoεεgã wʋsgã, tɩ Nabiyaamã na n vẽneg n wilg-a tɩ yãn-zoεεgã a bee liimaoong pʋgẽ, a ka wat ne rẽnda sẽn yaa sõma.
La yãn-zoεεgã a yaa zʋgdo sẽn yɩt sabab tɩ ninsaal maan tʋʋm sõnga la a bas wẽnga.

Sẽn be Hɑdiisã yõod-rãmbẽ

1. Bũmb ning sẽn gɩdg foom tʋʋm sõng maaneg ka boond tɩ yãn-zoεεg ye, yẽ soabã b boond-a lame tɩ sʋ-sʋʋre la kongre la rabeem.
2. Zoe yãnd ne Wẽnde, A Naam yɩ wagell n zẽke, yɩtame ne A sẽn sagl yεl ninsã maanego la yεl nins sẽn gɩdgã basbo.
3. Yãn-zoεεg ne nebã yɩta ne b waoogre la sik ned fãa a zĩigẽ la f zãag bũmb ning sẽn yaa wẽng mining pʋgẽ.