Hadiis: Kosg ka lebsde laandãanã ne Pʋʋsgã yalsg sʋk ye

عَنْ أَنَسِ بْنِ مَالِكٍ رضي الله عنه قَالَ: قَالَ رَسُولُ اللهِ صَلَّى اللَّهُ عَلَيْهِ وَسَلَّمَ:
«الدُّعَاءُ لاَ يُرَدُّ بَيْنَ الأَذَانِ وَالإِقَامَةِ».
[صحيح] - [رواه أبو داود والترمذي والنسائي] - [سنن الترمذي: 212]

Yii a Anas ɭbn Maalik nengẽ, (Wẽnd yard be a yĩnga), a yeelame: Wẽnd Tẽn-tʋʋmã, (Wẽnd pʋʋsg la A tɩlgr be a yĩnga) yeelame:
«Kosg ka lebsde laandãanã ne Pʋʋsgã yalsg sʋk ye».
[Naṣʋn Ṣahɩɩhʋn (Gom-sikdem sẽn manege)] - [A Abʋʋ Daawʋʋd la a At-tirmiiziy la a An-nasaa'ɩy n togs-a] - [Sunan At-tirmiiziy - 212]

bilgrã

Nabiyaamã vẽnegame (Wẽnd pʋʋsg la A tɩlgr be a yĩngɑ) n wilg kosg laandãanã la Pʋʋsgã yalsg sʋk yɩɩdlem, n yeel tɩ b ka lebsd-a ye, t'a pẽe ne reegre, bɩ y kos Wẽnd a pʋgẽ.

Sẽn be Hɑdiisã yõod-rãmbẽ

1. Wilgda wakat-kãngã yɩɩdlemã tɩ f sã n nɑ n kose.
2. Kosd sã n tall kosg zʋgdo, la a tees a zĩisã la a wakat-rãmb nins sẽn yɩɩdã, la a zãag a meng ne Wẽnd kɩɩsgo, la a gũus a meng n yi yel-gĩtmã la yel-sikã pʋg lʋɩɩse, la a maneg a tẽebã ne Wẽnde: ad a sõmba ne b na reeg a kosgã, tɩ Wẽnd sã n sake.
3. A Al-munaawiy yeelame sẽn kẽed kosgã reegr wεεngẽ: rat n yeele: tɩ yaa doaagã sart-rãmbã la a zeng raadã la a zʋgdã sẽn pid poorẽ, rẽnd bũmb sã n keoos beenẽ, bɩ a ra wa sãbse rẽnda a mengã.
4. Doaag reegrã: maa tɩ b yãge n reeg doaagã a yĩnga, maa b peng wẽng n leds a zĩigẽ, maa b bĩng a yĩnga laahr raarã, la rẽnda fãa yaa sẽn zemsd ne Wẽnd bãng-kãsẽng la A yolsgã.