Hadithi: Ubusabe busabwe hagati y'umuhamagaro w'uko igihe cyo gusali kigeze (Adhana) n'uwo gukora iswalat (Iqamat) ntibusubizwa inyuma

عَنْ أَنَسِ بْنِ مَالِكٍ رضي الله عنه قَالَ: قَالَ رَسُولُ اللهِ صَلَّى اللَّهُ عَلَيْهِ وَسَلَّمَ:
«الدُّعَاءُ لاَ يُرَدُّ بَيْنَ الأَذَانِ وَالإِقَامَةِ».
[صحيح] - [رواه أبو داود والترمذي والنسائي] - [سنن الترمذي: 212]

Hadith yaturutse kwa Anas (Imana imwishimire) yaravuze ati: Intumwa y'Imana (Imana iyihe amahoro n'imigisha) yaravuze iti:
"Ubusabe busabwe hagati y'umuhamagaro w'uko igihe cyo gusali kigeze (Adhana) n'uwo gukora iswalat (Iqamat) ntibusubizwa inyuma.
[Hadithi y'impamo] - [Yakiriwe na Abu Dawud na Tirmidhiy ndetse na A-Nasa'iy] - [Sunani A-Tirmidhiy - 212]

Ibisobanuro birambuye.

Intumwa y'Imana (Imana iyihe amahoro n'imigisha) yagaragaje agaciro k'ubusabe bwo hagati y'umuhamagaro w'uko igihe cyo gusali kigeze n'uwo gukora iswalat, inagaragaza ko budasubizwa inyuma kandi bwakirwa, bityo mujye musaba Allah muri icyo gihe.

Zimwe mu nyungu dukura muri Hadithi.

1. Agaciro k'ibi bihe ku bijyanye n'ubusabe.
2. Iyo umuntu asabye ubusabe akitwararika ibisabwa, ndetse akitwararika n'ibihe byiza byo gusaba, akirinda kwigomeka kuri Allah, akanitwararika akirinda kugwa mu bishuko n'ibiteye urujijo, agacyekera Allah neza, byanze bikunze Allah yakire ubusabe bwe.
3. Umumenyi Al Munawiy yaravuze ati: Ku bijyanye no kwakirirwa ubusabe no kwitwararika ibisabwa, usaba natabyubahiriza ntazagire undi arenganya usibye we ubwe.
4. Kwakirirwa ubusabe biba mu buryo bwinshi: Hari ukuba yahita yakirirwa ubusabe bwe cyangwa se akarindwa ibibi bingana n'ibyiza yasabye, cyangwa se akabizigamirwa ku munsi w'imperuka, bijyanye n'ubugenge n'impuhwe za Allah.