حدیث: ولی (کی اجازت) کے بغیر نکاح نہیں ہے۔
عن أبي موسى الأشعري رضي الله عنه عن النبي صلى الله عليه وسلم قال: «لا نِكاح إلا بِوَلِيّ».
[صحيح] - [رواه أبو داود والترمذي وابن ماجه والدارمي وأحمد]
المزيــد ...
ابو موسیٰ اشعری رضی اللہ عنہ سے روایت ہے کہ نبی ﷺ نے فرمایا: ”ولی کے بغیر نکاح نہیں ہے“۔
صحیح - اسے ابنِ ماجہ نے روایت کیا ہے۔
یہ حدیث اس بات پر دلالت کرتی ہے کہ عقدِ نکاح میں ولی کا اعتبار ہوگا اور نکاح کی صحت کے لیے ولی کا ہونا شرط ہے۔ چنانچہ ولی کے بغیر نکاح صحیح نہیں ہوگا۔ ولی عقدِ نکاح کی تولیت کرے گا۔ البتہ ولی میں یہ شروط ہونے چاہییں: مکلف ہو، مرد ہو، مصالحِ نکاح سے با خبر ہو اور ولی و مولیٰ (جس کا وہ ولی ہے) کا دین میں ایک ہو۔ پس جو ان صفات سے متصف نہ ہو، وہ نکاح میں ولایت کا اہل نہیں ہوگا۔ اگر کوئی مشکل پیش آجائے، تو عورت کا ولی سلطان (حاکم وقت) ہوگا۔
حدیث کے کچھ فوائد
- نکاح کی صحت کے لیے ولی کا ہونا شرط ہے۔
- ولی لوگوں میں سے عورت کا سب سے قریبی شخص ہوتاہے، اسی لیے قریبی ولی ہونے کی صورت میں دور کا ولی اس کا نکاح نہیں کرا سکتا۔
- ولی کے بغیر نکاح فاسد ہے۔ ایسا نکاح شرعی نکاح نہیں سمجھا جائے گا اور اسے حاکم کے پاس یا شرعی طلاق کے ذریعے فسخ کرانا ضروری ہو گا۔
- جب کسی عورت کے رشتہ داروں میں سے یا اس کے موالی میں سے کوئی ولی نہ ہو، تو اس کا ولی امام یا اس کا نائب ہوگا، کیوںکہ سلطان ان لوگوں کا ولی ہے، جن کا کوئی ولی نہ ہو۔
- ولی کے لیے صاحب رشد و بھلائی والا ہونا ضروری ہے، کیوں کہ عورت کے مصالح کا حصول نیک ولی کے بغیر ممکن نہیں ہے۔
زمرے
مزید ۔ ۔ ۔
- حدیث: کوئی مسلمان مرد کسی مسلمان عورت سے متنفر نہ ہو۔ اگر اسے اس کی کوئی خصلت بری لگتی ہے تو اس کی کوئی عادت اسے پسند بھی ہو گی۔ یا پھر آپ ﷺ نے 'آخر' کے بجائے غیرہ (دوسری عادت) فرمایا۔
- حدیث: اگر کسی شخص نے ایک بالشت بھر زمین بھی ظلم سے لے لی، تو سات زمینوں کا طوق اس کی گردن میں ڈالا جائے گا۔
- حدیث: بیوہ کا نکاح اس وقت تک نہ کیا جائے جب تک کہ اس سے امر (حکم) حاصل نہ کرلیا جائے۔ اور کنواری لڑکی کا نکاح اس وقت تک نہ کیا جائے جب تک کہ اس سے اجازت نہ لے لی جائے۔ صحابہ کرام نے دریافت کیا کہ: اے اللہ کے رسول! اس کی اجازت کیسے ہوگی؟ آپ ﷺ نے فرمایا: اس کی اجازت یہ ہے کہ وہ (اجازت طلب کرنے پر) خاموش رہے۔
- حدیث: نکاح کا اعلان کرو
- حدیث: جو عورت اپنے ولی کی اجازت کے بغیر نکاح کرے، اس کا نکاح باطل ہے۔
- حدیث: عورت، عورت کا نکاح نہ کرائے اور نہ عورت خود اپنا نکاح کرے، اس لیے کہ بدکار عورت ہی اپنا نکاح خود کرتی ہے۔
- حدیث: عورتوں کے ساتھ اچھا برتاؤ کرو، کیونکہ عورت پسلی سے پیدا کی گئی ہے، اور پسلی کا سب سے ٹیڑھا حصہ اس کا بالائی حصہ ہے، اب اگر تم اسے سیدھا کرنا چاہو تو توڑ دو گے، اور اگر اسے اس کے حال پر چھوڑدو تو ٹیڑھی رہے گی، لہٰذا عورتوں سے اچھا برتاؤ کرو۔