Hadithi: Mana Nyagasani nikinze ku kwishimirwa nawe ngo undinde uburakari bwawe, no kurokora kwawe ngo undinde ibihano byawe, kandi nanakwikinzeho ngo undinde ibibi byambaho biguturutseho, sinarondora ibisingizo ukwiye, ahubwo bingana nk'uko wabyivugiye ubwawe

عَنْ عَائِشَةَ رضي الله عنها قَالَتْ:
فَقَدْتُ رَسُولَ اللهِ صَلَّى اللهُ عَلَيْهِ وَسَلَّمَ لَيْلَةً مِنَ الْفِرَاشِ فَالْتَمَسْتُهُ فَوَقَعَتْ يَدِي عَلَى بَطْنِ قَدَمَيْهِ وَهُوَ فِي الْمَسْجِدِ وَهُمَا مَنْصُوبَتَانِ، وَهُوَ يَقُولُ: «اللهُمَّ أَعُوذُ بِرِضَاكَ مِنْ سَخَطِكَ، وَبِمُعَافَاتِكَ مِنْ عُقُوبَتِكَ، وَأَعُوذُ بِكَ مِنْكَ لَا أُحْصِي ثَنَاءً عَلَيْكَ أَنْتَ كَمَا أَثْنَيْتَ عَلَى نَفْسِكَ».
[صحيح] - [رواه مسلم] - [صحيح مسلم: 486]

Hadith yaturutse kwa Aishat (Imana imwishimire) yaravuze ati:
Nabuze Intumwa y'Imana (Imana iyihe amahoro n'imigisha) mu ijoro mu buryamo, nuko ndakorakora ibiganza byanjye bikora ku birenge byayo yubamye iri gusali ivuga iti: "Mana Nyagasani nikinze ku kwishimirwa nawe ngo undinde uburakari bwawe, no kurokora kwawe ngo undinde ibihano byawe, kandi nanakwikinzeho ngo undinde ibibi byambaho biguturutseho, sinarondora ibisingizo ukwiye, ahubwo bingana nk'uko wabyivugiye ubwawe."
[Hadithi y'impamo] - [Yakiriwe na Muslim] - [Swahih Muslim - 486]

Ibisobanuro birambuye.

Aishat (Imana imwishimire) yaravuze ati: Nari ndyamye iruhande rw'Intumwa y'Imana (Imana iyihe amahoro n'imigisha), nuko mu ijoro sinayibona ndakorakora, maze intoki zanjye zikora aho yari iri yubamye, ishinze ibirenge byayo, isaba igira iti:
Mana Nyagasani nikinze ku kwishimirwa nawe no kwishimirwa kw'abayoboke banjye ngo undinde uburakari bwawe, no ku bw'imbabazi zawe nyinshi ngo undinde ibihano byawe; Nanikinze ku bisingizo byawe byiza byuje ubutagatifu n'ubutungane, byo ubyifashishije uramurinda; nta buhungiro nta n'amirukiro uretse iwawe. Sinarondora ishimwe n'ibisingizo ukwiye kuko ntabishobora nkuko bikwiye n'ubwo nakoresha imbaraga zingana zite, Ahubwo ni nk'uko ubwawe wavuze ibisingizo byawe bigukwiye, none ninde wundi wabivuga kukurusha?!

Zimwe mu nyungu dukura muri Hadithi.

1. Gushishikariza kwifashisha ubu busabe igihe umuntu yubamye.
2. Umumenyi Mirak yaravuze ati: No muri imwe mu mvugo zigaragara mu gitabo cya A-Nasa'iy yaravuze ati: Intumwa y'Imana (Imana iyihe amahoro n'imigisha) yajyaga isaba ubu busabe igihe imaze gusali, cyangwa se igiye kuryama.
3. Gushishikariza gusingiza Allah wifashishije ibisingizo bye byuzuye, no kumusaba wifashishije amazina ye nk'uko yavuzwe muri Qur'an ntagatifu no mu mvugo z'Intumwa y'Imana (Imana iyihe amahoro n'imigisha).
4. Kugaragaza ubuhambare bwa Allah Umuremyi, igihe wunamye ndetse unubamye.
5. Kugaragaza ko byemewe kwikinga kuri Allah wifashishije ibisingizo bye bitagatifu, nkuko binemewe kumwikingaho we ubwe.
6. Umumenyi Al Khatwabiy yaravuze ati: Muri aya magambo harimo ibisobanuro byiza, aribyo: Ko yikinze kuri Allah ngo kubera kumwishimira kwe amurinde uburakari bwe, no ku bw'impuhwe ze amurinde ibihano bye, kandi kwishimirwa no kurakarirwa ni ibintu bibiri bihabanye; ni kimwe n'impuhwe ze n'ibihano. Ubwo yari avuze utagira ikinyuranyo ari we Allah Nyir'ubutagatigu, yamwikinzeho ngo amurinde ikindi icyo ari cyo cyose kitari we. Ibyo bisobanuye kwicuza ku kudohoka ku kubahiriza itegeko ryo kumugaragira, ndetse no gusingiza Allah. Naho imvugo ye igira iti: Sinarondora ibisingizo byawe, bivuze ngo ntibiri mu bushobozi bwanjye ndetse sinabigeraho.