ဟဒီးဆ်: ဂျန္နသ် သုခဘုံသို့ အများဆုံးဝင်ရောက်စေသည့် အရာမှာ (သက္ကဝါ) အလ္လာဟ်အရှင်မြတ်၏ အမိန့်တော်ကိုနာခံပြီး အပြစ်အကုသိုလ်မှ ရှောင်ကြဉ်ခြင်းနှင့် ကောင်းမြတ်သည့် ကိုယ်ကျင့်တရားတို့ ဖြစ်သည်။
عن أبي هريرة رضي الله عنه قال: قال رسول الله صلى الله عليه وسلم : «أكْثَرُ مَا يُدْخِلُ الْجَنَّةَ تَقْوَى اللَّهِ وَحُسْنُ الْخُلُقِ».
[حسن صحيح] - [رواه الترمذي]
المزيــد ...
အဗူဟုရိုင်ရဟ် (ရဿွိယလ္လာဟုအန်ဟု) ဆင့်ပြန်ခဲ့သည်။ အလ္လာဟ်အရှင်မြတ်၏ ရစူလ်တမန်တော် (ဆွလ္လလ္လာဟုအလိုင်ဟိဝစလ္လမ်)က မိန့်ကြားတော်မူသည်။ ဂျန္နသ် သုခဘုံသို့ အများဆုံးဝင်ရောက်စေသည့် အရာမှာ (သက္ကဝါ) အလ္လာဟ်အရှင်မြတ်၏ အမိန့်တော်ကိုနာခံပြီး အပြစ်အကုသိုလ်မှ ရှောင်ကြဉ်ခြင်းနှင့် ကောင်းမြတ်သည့် ကိုယ်ကျင့်တရားတို့ ဖြစ်သည်။
ဤဟဒီးဆ်သည် ဟစန်ဆွဟီးဟ် အဆင့်ရှိသည်။ - သိရ်မိဇီကျမ်း။
ဤဟဒီးဆ်တော်တွင် သက္ကဝါတရား၏ ထွတ်မြတ်မှုကို တင်ပြထားပြီး ၎င်းသည် ဂျန္နသ်သုခဘုံသို့ဝင်ရောက်ရန်အတွက် အကြောင်းခံတစ်ခုဖြစ်သည်။ ထို့အတူ ကောင်းမြတ်သည့် ကိုယ်ကျင့်တရား၏ ထွတ်မြတ်မှုကိုလည်း တင်ပြထားသည်။ အမှန်တကယ်ပင် "c2">“သက္ကဝါတရားနှင့် ကောင်းမြတ်သည့် ကိုယ်ကျင့်တရား” နှစ်ခုစလုံးသည် လူသားအား ဂျန္နသ် သုခဘုံသို့ ဝင်ရောက်စေမည့် အကြီးမားဆုံးနှင့် အများဆုံးအကြောင်းခံပင်ဖြစ်သည်။
ဟဒီးဆ်မှ သိမှတ်ဖွယ်ရာများ
- ဂျန္နသ်သုခဘုံသို့ ဝင်ရောက်ခွင့်ရခြင်းသည် အလ္လာဟ်အရှင်မြတ် အမိန့်ရှိထားသည့် အကြောင်းခံများနှင့် အမလ်ကျင့်ဆောင်မှုများကြောင့်သာ ဖြစ်သည်။
- ဂျန္နသ်သုခဘုံသို့ ဝင်ရောက်ခွင့်ရသည့် အကြောင်းခံများအနက် အလ္လာဟ်အရှင်မြတ်နှင့် သက်ဆိုင်သည့် အကြောင်းခံများရှိပြီး ယင်းအား ဟဒီးဆ်တော်၌ (အလ္လာဟ်အရှင်မြတ်အပေါ် သက္ကဝါရှိခြင်း) ဟု တင်ပြထားသည်။ ထို့အတူအဖန်ဆင်းခံများနှင့် သက်ဆိုင်သည့် အကြောင်းခံများလည်းရှိပြီး ယင်းအား ဟဒီးဆ်တော်၌ (ကောင်းမြတ်သည့် ကိုယ်ကျင့်တရား) ဟု တင်ပြထားသည်။
- ဤဟဒီးဆ်တော်၌ သက္ကဝါတရား၏ထွတ်မြတ်မှုနှင့် ပတ်သက်၍ အထောက်အထားပါရှိသည်။ ဧကန်မုချ သက္ကဝါတရားသည် ဂျန္နသ်သုခဘုံသို့ဝင်ရောက်ခွင့်ရရန်အတွက် အကြောင်းခံတစ်ခုပင် ဖြစ်သည်။
- ကောင်းမြတ်သည့် ကိုယ်ကျင့်တရားသည်မြောက်မြားစွာသော ခဝပ်ကိုးကွယ်မှုများထက်ပို၍ မွန်မြတ်ကြောင်းတင်ပြထားသည်။ ဧကန်အမှန်ပင် ကောင်းမြတ်သည့် ကိုယ်ကျင့်တရားသည် ဂျန္နသ်သုခဘုံသို့ ဝင်ရောက်ခွင့်ရမည့် အကြောင်းခံများအနက်မှပင်ဖြစ်သည်။
အမျိုးအစားများ
ထပ်၍
- ဟဒီးဆ်: အကယ်၍ လူတစ်ဦးသည် မိမိ၏ ညီနောင်အား ချစ်ခင်ပါက ၎င်းအား ချစ်ခင်ကြောင်း အသိပေးပါ။
- ဟဒီးဆ်: အကြင်သူသည် တစ်ပါးတည်းဖြစ်တော်မူသော၊ ဖက်စပ်ယှဉ်တွဲခြင်းကင်းသော အလ္လာဟ်အရှင်မြတ်မှအပ အခြားခဝပ်ကိုးကွယ်ခံထိုက်တော်မူသော အရှင်မရှိကြောင်းနှင့် မုဟမ္မဒ်သည် အလ္လာဟ်အရှင်မြတ်၏ ကျွန်နှင့် ရစူလ်တမန်တော်ဖြစ်တော်မူကြောင်း၊ အီစာ (အလိုင်ဟိစ္စလာမ်)သည် အလ္လာဟ်အရှင်မြတ်၏ ကျွန်နှင့် ရစူလ်တမန်တော်ဖြစ်တော်မူပြီး မရ်ယမ်သခင်မထဲသို့ထည့်သွင်းပေးခဲ့သည့် အလ္လာဟ်အရှင်မြတ်၏ (ကလိမဟ်) မုက္ခပါဌ်တော်နှင့် အရှင်မြတ်ထံတော်မှ(ဖန်ဆင်းခဲ့သည့်)ဝိညာဉ်တော်ဖြစ်ကြောင်း၊ ဂျန္နသ်သုခဘုံသည် အမှန်ဖြစ်ကြောင်း၊ ဂျဟန္နမ်ငရဲဘုံသည် အမှန်ဖြစ်ကြောင်း သက်သေခံခဲ့လျှင် ၎င်း၏အမလ်ကျင့်ဆောင်မှုသည် မည်သို့ပင်ဖြစ်စေ အလ္လာဟ်အရှင်မြတ်သည် သူ့အား ဂျန္နသ်သုခဘုံသို့ ဝင်ရောက်စေတော်မူမည်။
- ဟဒီးဆ်: အကြင်သူသည် အလ္လာဟ်အရှင်မြတ်နှင့်တစ်စုံတစ်ရာကို ရှိရ်က် ယှဉ်တွဲကိုးကွယ်ခြင်းမပြုဘဲ အလ္လာဟ်အရှင်မြတ်နှင့်တွေ့ဆုံခဲ့လျှင် ဂျန္နသ်သုခဘုံသို့ဝင်ရောက်ရမည်။ အကြင်သူသည် အလ္လာဟ်အရှင်မြတ်နှင့် တစ်စုံတစ်ရာအား ရှိရ်က် ယှဉ်တွဲကိုးကွယ်မှုပြု၍ အရှင်မြတ်နှင့် တွေ့ဆုံခဲ့လျှင် ဂျဟန္နမ်ငရဲဘုံသို့ ဝင်ရောက်ရမည်။
- ဟဒီးဆ်: မည်သူမဆို ငါကိုယ်တော်အတွက် မိမိ၏ပါးစောင်နှစ်ခုကြားတွင်ရှိသော အရာ(နှုတ်လျှာ)နှင့် ခြေနှစ်ချောင်းကြားတွင်ရှိသော အရာ(အရှက်အင်္ဂါ)ကို ထိန်းသိမ်းရန် တာဝန်ယူလျှင် ငါကိုယ်တော်သည် ထိုသူ့အတွက် ဂျန္နသ်သုခဘုံကို တာဝန်ယူတော်မူသည်။
- ဟဒီးဆ်: ဂျန္နသ်သုခဘုံသည် အသင်တို့အနက် တစ်ဦးတစ်ယောက်၏ ဖိနပ်သဲကြိုးထက်ပင် ၎င်းနှင့် ပို၍နီးကပ်သည်။ ဂျဟန္နမ်ငရဲဘုံသည်လည်း ထိုအတိုင်းပင်ဖြစ်သည်။
- ဟဒီးဆ်: အကယ်၍ ကြီးလေးသော အပြစ်အကုသိုလ်များကို ရှောင်ကြဉ်ပါက ဆွလာသ်ငါးကြိမ်သည်လည်းကောင်း၊ ဂျုမုအဟ်တစ်ကြိမ်မှ နောက်ဂျုမုအဟ်သည်လည်းကောင်း၊ ရမဿွာန်တစ်လမှ နောက်ရမဿွာန်သည်လည်းကောင်း ယင်းတို့၏ စပ်ကြား၌ရှိသော အကုသိုလ်များအား ပလပ်စေမည်ဖြစ်သည်။
- ဟဒီးဆ်: ဂျဟန္နမ်ငရဲအား စိတ်အလိုရမ္မက်များဖြင့် ဖုံးအုပ်ထားပြီး ဂျန္နသ်သုခဘုံအား မနှစ်မြို့ဖွယ်ရာများဖြင့် ဖုံးအုပ်ထားသည်။